Obadia 1:10 - KITABU KITAKATIFU

¹⁰ “Kigira mwakolera avamwavo vinyu vudamanu, visukululwi via Yakobo, mulava mu zisoni, kandi muladivizwa mihiga ni mihiga.

Obadia 1:10 ပူးပေါင်းရင်းမြစ်များ

Litanga 27:11

Navuzwa Yakobo yavolera mama weve, “Ivi umanya vulahi ndi Esau aveeye na maswa ku muviri gwigwe, navuzwa muviri gwange goveeye musweleku.

Litanga 27:41

Maku Esau yaduunyira Yakobo amwavo weve, kigira baba weve yaali naamugasizi. Yaganagana ndi, “Ing'inga yu kusiomera likuza lia baba wange eveeye ahimbi; maku inzi ndakiti Yakobo.”

2 Kyetsinyinga 28:17

Yakola ndio kigira vandu va Edomu vaali nivingiliyi nukuguuta Ivuyuda 2 kandi nivahili avahambe.

Zaburi 109:29

Leka vasigu vange vaviikwi mu zisoni zinene ligali; leka viviiki zisoni kuli iganza.

Zaburi 132:18

Ndakunika avasigu veve nizisoni zinene ligali, navuzwa uvwami vwivwe vulamedeka kandi vulagasizwa ligali.”

Zaburi 137:7

O, Yahova, wizulizi aga vandu va Edomu vaakora ku lidiku lia Jerusalemi liagumirwa. Wizulizi kuli vavoola, “Mu livululi lidaala linene lia Jerusalemi yilio! Muyavugululi kali mise jalio!”

Zaburi 69:7

Inzi mali konyegwa kigira ivi, kandi mbeeye mu zisoni zinene ligali.

Zaburi 89:45

Umali kwimbihiza madiku gi livamwoyo lilie, kandi umali kumuviika mu zisoni.

Tsing'ano 10:6

Avandu valungi valanyora vugasu, navuzwa makuva gu mundu muchamu gavisaa kilage chichie.

Tsing'ano 17:5

Mundu osekerizaa umudaka anyegaa Nyasaye wamulomba. Oyo uyaanziliraa kivi alanyoola mageri.

Jeremia 12:14

Yahova avoora, “Inzi mbeeye nichokovoola ku vatende va Visiraeli avamali kwononyia kivala chandaha avandu vange Isiraeli. Ndahira avandu vachamu yavo ihale kutura muvivala viavo kuli musaala gwihiywi, kandi ndasoora avandu vi Ivuyuda kutura muvo.

Jeremia 3:25

Gakuduukiraa kogone hasi muzisoni kandi koleke lileganywa lietu likukuniki. Kunyi navaaguuga viitu kumali kwakora uvwoni ku Yahova Nyasaye wiitu haali kanyingi. Sikwatia malago geege mba.”

Jeremia 49:13

Inzi mwene mali kwisuha ndi lidaala lia Bozira lilava havundu hukutihiza kandi changalangwi; avandu valali kolera kehenyahenye nukutumikira lieta lialio kuli kilaamo. Amadara goosi gahimbi galava hazwa kazozo. Inzi Yahova mali kovora.”

Jeremia 51:51

Munyi muvooraa, ‘Kunyi kumali konyegwa kandi kuvikwa mu zisoni; si koveeye ni liekonya liosi mba kigira avageni vamali kuvugura havundu hatakatifu mu Litembeli.’

Lisyoma lya Jeremia 4:21

Museke O, munyi avandu va Edomu, na avamenyi mu kivala cha Uzi, musangare kuli munyaliza. Navuzwa munyi kandi muladuuka mukivi; mulatuliza zinguvu nukutigara chahonyo.

Lisyoma lya Jeremia 4:22

O, munyi avandu va Ziyoni, mumali koheevwa mageri kigira uvwoni vwinyu Yahova si alaleka muzizagiliri komenya mu lihaminywa mba. Navuzwa munyi avandu va Edomu Yahova alahaana mageri kumunyi kigira uvwoni vwinyu; kandi alalang'aminya vikolwa vinyu viuvwoni havulavu.

Ezekieli 35:9

Ndamukora kuva hazwa mihiga ni mihiga, mundu kali mulala si alakamenye mu madaala ginyu kandi mba. Maku mulakamenye ndi, Inzi mbeeye Yahova.

Ezekieli 7:18

Naviviiki zinguvu ziamagunia nukuva muvuti vonene ligali. Mitwi jaavo na jivegwe, kandi vosi vaza vave muzisoni.

Joeli 3:19

“Egebeti kilava kivala chi changalangwi, kandi Edomu kilava kivala chu mwigendinyama, kigira vingilira vandu vi Ivuyuda kandi ni vita vandu vacho avataali nimbala.

Amosi 1:11

Yahova avoora, “Avandu vi kivala cha Edomu vamali kokora uvwoni haali kanyingi, na kigira yaga ndavaha amageri. Vaahiima avamwavo vaavo vandu va Isiraeli ni kivavi, na sivaveererera mba. Vutima vwavo sivwaali ne keheri mba. Sivaaloleka vahomati mba.

Mika 7:10

Hene yaho avasigu vange valalola yaga kandi valava mu zisoni; Oyo owavoolera kuinyi, “Yahova Nyasaye woovo aveeye haliha?” Zimoni ziange zilarora liigwa liu musigu wange. Kalunu valaduvagirwa hasi kuli ovodohi kuzinzira.

Kwidzulitsa 23:7

“Mutalegerizi vandu va Edomu mba. Vaveeye aviiko vinyu. Mutachaaya vandu va Egebeti mba, kigira mwamenya kuli avageni mu kivala chavo.

Kwidzulitsa 23:8

Visukululwi viavo kutura ku likula lia kavaga vanyara kuvalizwa harara na avandu va Yahova.