Nehemia 9:5 - KITABU KITAKATIFU

⁵ Vandu va Levi yava vavoolera avandu vasigamiri Nyasaye: Jeshua, Kadimieli Bani, Hashabuneia, Sherebia, Hodia Shebania, na Pezahia. Vavoola, “Musingiri na mwizominyi Yahova Nyasaye winyu. Mumwizominye mihiga ni mihiga. Leki sa mulala yizominye lieta lilie lwu vukumi, kali niiva lizominya liu mundu siliveeye lidukiru mba.”

Nehemia 9:5 ပူးပေါင်းရင်းမြစ်များ

1 Avami 8:14

Lwi livugana lia vandu vosi va Isiraeli vaali nivasingiyi ho, Mwami Solomoni yagirung'ana kuvahenza kandi nateeva Nyasaye avagasizi

1 Avami 8:15

Hene yaho yavoola: “Yahova Nyasaye wa Isiraeli yizominywi! Umali kutwekiza lisuuvirizwa lia yalomba ku baba wange Daudi, lwa yavoola,

1 Avami 8:22

Hene yaho, imbiri wa vandu, Solomoni yazia nasingira imbiri wu vwali wa Yahova, uwa yaginga makono geege mwigulu

1 Avami 8:27

“Navuzwa, ukaveeye unyala O, Yahova Nyasaye, komenya ligali mu lirova? Kali ligulu liosi siliveeye linene linyala kuduuka ivi omenye mulio, kunangwa Litembeli yili lia inzi mali kwumbaka linyala kuva linene likuduuka?

1 Kyetsinyinga 16:36

Mwizominye Yahova, Nyasaye wa Isiraeli! Mwizominye Yahova lero kandi mihiga ni mihiga! Maku avandu vosi vizominya Yahova, vavoola, “Amini” nivizominya Yahova.

1 Kyetsinyinga 29:11

Ivi oveeye Munene kandi wi zinguru; wu vukumi, kandi wu vuguuti, wo kogenyia kandi wuvunyali. Ivindu viosi iviveeye mwigulu kandi mu lirova viveeye vivio, kandi ivi oveeye mwami oveeye igulu ligali ku vindu viosi.

1 Kyetsinyinga 29:13

Na kalunu, O, Nyasaye witu, kukusandizaa kandi kwizominya lieta liilio.

1 Kyetsinyinga 29:20

Maku Daudi yavolera livugana liosi, “Mwizominye Yahova Nyasaye winyu.” Kunangwa livugana liosi lizominya Yahova, Nyasaye wa vaguuga vaavo; kandi vinaminya mitwi jaavo haasi kusigamira Yahova kandi nivahaana luyali ku mwami Daudi.

2 Kyetsinyinga 20:13

Avasaza vosi vi Ivuyuda harara na vakali vaavo, na avana vaavo vasingira imbiri wa Yahova ha Litembeli.

2 Kyetsinyinga 20:19

Vandu va Levi valala kutura ku inyumba ya vandu va kohazu na vandu va kora vasingira ni vizominya Yahova, Nyasaye wa Isiraeli, ni mioyo minene ligali.

Ezara 3:11

Vimbira Yahova nilizominya kandi nilisandiza: “Yahova aveeye mulahi; uvuyanzi vwivwe ku avandu va Isiraeli vuhindiraa mihiga ni mihiga.” Vuli umundu yahanzuka nizinguru zizie ziosi: Vizominya Yahova kigira miyinzi jumusingi gwi Litembeli jaali nijimali kutanga.

Nehemia 9:4

Hene yaho, Jeshua, Bani, kadimieli Shebania, Bani, Sherebia, Buni na Kenani vasingira ku kitalazi cha va Levi nivalira ku Yahova Nyasaye wavo nu mwoyo munene.

Nehemia 9:6

Maku kandi avandu va Isiraeli vasaala lisaala yili: Ivi, Yahova, ivi oveeye Yahova weng'ine; walomba ligulu ni zing'ereng'ani ziu muvwerefu. Ivi walomba lirova nizinyanza na viosi iviveeye mu; wahaana livamwoyo ku viosi. Uvwamihi vwizingulu vwu mwigulu vuinamaa hasi nukusigamira.

Ayubu 1:21

Yavoola, “Inzi ndiivulwa vugira kindu, kandi ndakuza vugira kindu. Yahova yahaana kandi Yahova uvuguyi. Lieta lia Yahova lizominywi.”

Zaburi 106:2

Nivwaha unyala kovora vikolwa viosi vinene viamali kokora? Anoho nivwaha unyala kumwizominya kuli gaduukanaa?

Zaburi 134:1

Hambi, mwizominye Yahova, munyi avatumikiri veve, vosi avatumikaa mu Litembeli lilie muvudiku.

Zaburi 145:2

Ndakusandiza vuli lidiku, kandi ndakwizominya mihiga ni mihiga.

Zaburi 145:5

Valamoloma ku vukumi vuvwo kandi ku vonene vuvwo, na inzi ndaganagana ku vikolwa viivwo viokogenyia.

Zaburi 146:2

Ndizominya Yahova mu livamwoyo liange liosi; ndimbira Nyasaye wange zinyimbu mu limenya liange liosi.

Zaburi 16:2

Mbolera Yahova, “Ivi oveeye Yahova wange; vindu viosi vilahi via mbeeye navio vituraa ku ivi.”

Zaburi 66:2

Mwimbi uvukumi vwi lieta lilie, muhaane kuye lizominya liu vukumi.

Zaburi 99:3

Sa mulala alizominya lieta lilie linene kandi liezingulu. Aveeye mutakatifu!

Kutwula 15:11

“O, Yahova, nivwaha munyasaye oveeye kuli yivi? Nivwaha oveeye kuli ivi, wokogenyia mutakatifu? Nivwaha unyala kokora vilolekizu iviokogenyia ni vinene kuli vivio?

Kutwula 15:6

“Mukono gugwo mulungi, O, Yahova, goveeye nizinguru. Guvunaganyia avasigu mu vidonye.

Danyeli 2:20

Yavoola, “Nyasaye aveeye mugeri kandi wizingulu. Kumwizominye mihiga ni mihiga.

Matayo 11:25

Ing'inga yeyo Yeso yavoola, “Baba, Mwami wi ligulu kandi lirova! Ngusandizaa ligali kigira waavisa ivindu yivi ku avageri na avilimanya, na nuukunulira ivihanzahanza.

2 Vakorintho 4:6

Nyasaye wavoola, “Leka vulavu vong'ereng'ane kutura mu kisundi,” niyie mulala mwere umali kwakiza vulavu mu mioyo jietu nokoleta limanya liu vukumi vwa Nyasaye uvwakaa mu moni mwa Yeso Kristo.

Kwidzulitsa 28:58

“Niiva mulavula kuhulira nu vusuuvirifu amigizu ga Nyasaye goosi agang'odwa mu kitabu yiki, kandi muvura kuhaana luyali kulieta liokogenyia na liu kutihiza lia Yahova Nyasaye winyu

1 Petro 1:3

Yizominywi Nyasaye Baba wu Mwami wiitu Yeso Kristo! Kigira mu zimbavasi zizie zinene, yakuha livamwoyo lihia lwa yasimugukiza Yeso Kristo kutura mu likuza. Yaga goosi gakoheezaa lisuuvirizwa liveeye mwoyo,

Vakalagi 13:18

Engelosi wa Yahova yamuvolera, “Kigira ki oteeva kumanya lieta liange? Ni lieta liokogenyia.”