Nehemia 9:32 - KITABU KITAKATIFU

³² “O, Nyasaye, Nyasaye wiitu, Ivi oveeye munene ligali kuli ndi! Ivi oveeye wukutihiza kandi wizingulu! Muvusuuvirifu ulindaa lilagana liilio lia walaga. Kutura ing'inga lwa avami va Asiria vakudambiza, kali kuduuka kalunu ndi, kwasalirizwa hanene ligali! Avami viitu, aviimiliri viitu, avasaalisi na avaporofeti viitu, avaguuga viitu, na avandu viitu vosi vamala kusalirizwa ligali. Yizuliza kuli uvusaliri kumali kusalira.

Nehemia 9:32 ပူးပေါင်းရင်းမြစ်များ

1 Avami 8:23

nasaara, “O, Yahova Nyasaye wa Isiraeli, sihali na nyasaye kuli ivi mwigulu igilu anoho mu musi mu lirova!

2 Avami 15:19

Tigilazi Pileseri, mwami wa Asiria yazia kulwana kivala cha Isiraeli, na Menahemu yamuha zikilo 34,000 zie ifeza konyoora ovokonyi mu lidinyiriza zinguru zia Menahemu ukwamiiha kivala cha Isiraeli.

2 Avami 15:29

Mu madiku gi liamiiha lia Peka mwami wa Isiraeli, Tigilazi Pileseri mwami wa Asiria, yaza nagumira madaala manene ga Ijoni, Abe-Bezi Maaka, Jonoa, Kedeshi, Hazori, Gileadi, kandi Galilaya, harara ni kivala choosi cha Nafutali; yahira avandu mu vuhambe mu kivala cha Asiria.

2 Avami 17:23

kuduuka mu limala, Yahova yaatuliza avandu va Isiraeli mu zimoni zizie, kuli yaali ni yaviganihiza kuvitira ku vatumikiri veve avaporofeti kunangwa avandu va Isiraeli vaahirwa mu vuhambe mu kivala cha Asiria, uwavakemenyi kuduuka lero.

2 Avami 17:3

Mwami Shalimanaseri wa Asiria yalomba vulwani naye; Hoshea yihaana umwene ni yegehiza ku Shalimanaseri kuvugilira liguutwa, kandi natunga uvusuuru kuye vuli muhiga.

2 Avami 17:6

Mu muhiga gwa tisa gwi liamiiha lia Hoshea, mwami wa Asiria yagumira Samaria, kandi yaahira Visiraeli mu kivala cha Asiria kuli vahambe. Yaavika valala kuvo vamenye mu lidaala lia Hala, kandi Gozani lidaala liali ahimbi ku Mugera gwa Habori, kandi vandi mu madaala manene ga Medesi.

2 Avami 23:29

Lwa Josia yaali mwami, mwami Neko wa Egebeti yimilira liihi kuduuka ku mugera gwa Efurate kuzia kokoonya mwami wa Asiria kulwaana. Lwu mwami Josia yageriza kwigalira liihe lia vandu va Egebeti ha Megido, yamanya ni yitirwa mu vulwani.

2 Avami 25:7

Hene yaho, avana vayaayi va Zedekia viitwa Zedekia nalora. Nebukadineza yaatuliza zimoni zia Zedekia, naamuvoha ni minyororo, ma naamuhira Babiloni.

Ezara 4:10

harara navandu vandi ava Ashuribanipali wizingulu kandi wuluyali yakunga kutura mu kivala chavo kandi naavamenyia mu madaala ga Samaria kandi havundu handi mu kivala Imadioli wa Efurate.”

Ezara 4:2

Kunangwa vazia kolola Zerubabeli navimiliri vizihiiri ma nivavoora, “Leki kusange nimunyi mu liumbaka Litembeli. Kunyi kusigamira Nyasaye mulala mwere wa munyi musigamira, kandi kunyi kuhaana visiuviliru kuye kutura ing'inga ya Esarihadoni mwami wa Asiria yakutuma komenye hano.”

Ezara 9:13

Kali inyima wi vindu yivi viosi vimali kokoleka ku kunyi mu lihevwa mageri kigira uvwoni vwitu nu vudamanu vwitu koveeye ni limanya ndi, ivi Nyasaye wiitu, umali kuhaana mageri ku kunyi. Navuzwa uvwoni vwitu vwali uvunyingi ligali kuvita mageri ga kumali konyoora. Nitali mulikola yaga goosi, umali kuvugilira kunyi komenya.

Nehemia 1:5

Maku ndaavoora: “O, Yahova, Nyasaye wu mwigulu, Nyasaye munene kandi kwosi kokoheza uluyali lonene ligali. Ivi udukiza lilagana liilio nu vusuuvirifu, ku yavo avakuyanza kandi avahulira malago googo,

Zaburi 47:2

Mutie Yahova, oveeye igulu ligali kuvita aveeye mwami umunene ligali, uwamihaa ku lirova liosi.

Zaburi 66:3

Mu voole ku Nyasaye; “Vindu via okolaa viveeye viokogenyia! Zinguru zizio ziveeye zinene ligali! Kali avasigu vovo vinamaa imbiri woovo mu vuti.

Zaburi 66:5

Hambi mulole aga Nyasaye amali kokora, vikolwa vivie viveeye viokogenyia hagati ha avandu.

Kutwula 18:8

Musa yavolera Jezero vindu viosi via Yahova yaali nakoleye Mwami harara na vandu va Egebeti aduuki kosoola vandu va Isiraeli. Yamuvolera kandi uvudinyu vwa avandu vanyoola kunzira kandi kuli Yahova yavahonyia.

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Danyeli 9:4

Ndasaara ku Yahova Nyasaye wange kandi ndiyama uvwoni vwa vandu vange. Ndavoora “Yahova Nyasaye, ivi oveeye Munene, kandi kokohezaa luyali. Oveeye musuuvirifu ku lilangana liilio, oveeye nu vuyanzi vutaveeye nekeheri ku yavo avakuyanza, kandi okolaa agu mali kulaga.

Danyeli 9:6

Si kwahuliriza kutura ku vatumikiri vovo avaporofeti mba, avamolomaa mulieta liilio ku vami viitu, avamihi viitu, avavaguuga viitu kandi avandu vi kivala chiitu choosi.

Danyeli 9:8

O, Yahova, kunyi kandi avami viitu, avayaayi va vami kandi avaguuga viitu, koveeye mu zisoni kigira kwakora uvwoni ku ivi.

Kyavalevi 26:18

“Kali niiva inyima wa yaga goosi nimuva simulaambulira mba ndaameeda mageri ginyu haali saba kigira uvwoni vwinyu.

Kyavalevi 26:21

“Niiva mulazizagilira kuhing'ana ninzi kandi nimusuula kumbulira, ndaameeda kandi mageri ginyu haali saba.

Kyavalevi 26:24

maku ndagirung'ana mbing'aane ni munyi kandi ndamuha mageri haali saba kigira uvwoni vwinyu.

Kyavalevi 26:28

maku, mu vutima vwange, ndamugirung'ana kandi ndakora amageri ginyu kuva amadamanu ligali haali saba kuvita maziambiri.

Kwidzulitsa 7:12

“Nimuhuliriza malago yaga goosi nukugalonda nu vusuuvirifu, kandi kugakola, ahene yaho Yahova Nyasaye winyu aladuukiza lilagana lilie nimunyi kandi alamanyia vuyanzi vwivwe vutaveeye nekeheri kuli yasuuviriza avaguuga vinyu.

Kwidzulitsa 7:13

Alamuyaanza kandi alamugasiza, kunangwa mu meedeke mu vunyingi vwi livaliza lienyu kandi mulivula avana avanyingi. Alagasiza milimi jinyu, kandi mulagesa vuswage, iwaini na maguta ga muzeituni. Alamugasiza ni limeedeka kulimuha zing'ombe zinyingi na magondi Alamuha vugasu yivu vwosi mu kivala cha yasuuviriza avaguuga vinyu ndi alamuha.

Kwidzulitsa 7:21

Kunangwa mutatia avandu yava mba. Yahova Nyasaye winyu aveeye harara ni munyi; aveeye Nyasaye munene kandi mulala wukutivwa.

Kwidzulitsa 7:9

Kunangwa mwizurizi ndi Yahova Nyasaye winyu aveeye Nyasaye; Nyasaye oveeye, musuuvirifu; udukiza lilagana lilie nukuhaana zimbavasi zitaveeye nekeheri ku vandu vamuyanzaa kandi avahulira. Amakuva geege gakuduukaa ku makura zielefu.