Nehemia 9:26 - KITABU KITAKATIFU

²⁶ “Navuzwa avandu vovo vibaara kandi nivavula kukuhulira vasuura kuhulira Lilaga liilio. Vita avaporofeti avaviganihiza, avavavolera viirane ku ivi vaanyega ivi vuli ing'inga.

Nehemia 9:26 ပူးပေါင်းရင်းမြစ်များ

1 Avami 14:9

Umali kokora vwoni vonene ligali kuvita kegero, kandi kuvita yavo vamiiha imbiri woovo. Umali kunyambakana kandi uvuukizi vutima vwange ku lilomba misambwa kandi vifananyi vie vivia viduuki kusigamirwa.

1 Avami 18:13

Ukiri kuhulira ndi lwa Jezebeli yaali niyiitanga avaporofeti va Yahova, ndaavisa imia indala kuvo mu zimbangaywa, mu miganda giviri ja vaporofeti amusini sa mulala kandi nimbaha chukulia namazi?

1 Avami 18:4

lwa Jezebeli yitaa vaporofeti va Yahova, Obadia yavugula, imia ndala kuvo, naavavisa mu zimbangaywa mu miganda giviri ja vandu amusini, siavuli muganda kandi navaha chukulia na mazi.

1 Avami 19:10

Elija yativura navoora, “Yahova Nyasaye Wuvunyali; Inzi ngutumikiraa ivi weng'ine kazozo nuvugulu vwosi. Navuzwa vandu va Isiraeli vamala kuvunayia lilagana liavo niivi, kozooma hasi vwali vuvwo vwosi, nukwita vaporofeti vovo vosi. Inzi niyie utigaye zieng'ine; na vageriza kunzita!”

2 Avami 21:10

Kuvitira kuvatumikiri veve avaporofeti, Yahova yavoola,

2 Avami 21:11

“Mwami wi Ivuyuda umali kokora uvwoni vwu kuvihiliriza yivu. Umali kokora kifavwi kinene kali kuvita vwa Vakanani vakora; kandi harara ni ivifananyi vivie, yimiliyi avandu vi Ivuyuda mu likora vwoni.

2 Kyetsinyinga 36:16

Navuzwa vakolera vaporofeti va Nyasaye, kehenyahenye nivahuhiza makuva geege kandi nivavasekeliza, Kuduuka lwu vutima vwa Yahova vwavuukira avandu veve na sihali ho nichokohonyia mba.

Nehemia 9:18

Yee, kali lwa velombera aveene kifananyi che kemoli nukukisigamira kandi nivakonyega ku livoora, Uyu niyie munyasaye wakohonyia kutura Egebeti!

Nehemia 9:29

Ivi waviganihiza vaatia amigizu googo, navuzwa vigingira kandi nivavula kuhulira malago googo. Vakora uvwoni ku malago googo, agahana livamwoyo niva umundu alagalinda. Mu liegingira liavo nilindinya magoti gaavo vasuura.

Nehemia 9:30

Ivi wikuzira kuvo ku mihiga minyingi. Waviganihiza mu vwikuziri vunyingi. Wakola avaporofeti vovo komoloma. Navuzwa vasuura kuhuliriza, kunangwa ivi waleka vaguutwi na avandu vizihiiri zindi.

Zaburi 50:17

Munyi mwavura kuhulira amigizu gange, kandi mwasuura amalago gange.

Jeremia 16:11

Kunangwa uvavoolere Yahova umali kovora, ‘Avaguuga vinyu vagirung'ana kutura ku inzi nivasigamira kandi nivatumikira avanyasaye vandi. Vandeka kandi sivatia nokolonda amigizu gange mba.

Jeremia 2:30

Ndaamuha amageri, navuzwa yago goosi sigali kindu ku munyi mba. Simwambugirira kumulungikiza mba. Kivavi chiinyu aveene kimali kwita avaporofeti vinyu, kuli isimba induru yukwononyia.

Jeremia 2:7

Ndaavaleta mukivala kigunamu, kusangalira ligesa lia cho kandi vindu via cho vilahi. Navuzwa lwa vaza mukivala yiki, ni vakekola kuva hazwa, kandi ni vachononyia, kivala chandaali ndahana kuvo.

Jeremia 32:23

Lwa vaduuka mukivala yiki, vaavugura miandu josi jaali mucho, navuzwa si vaatia amalago googo anoho si vamenya kolondekana na amagizu googo mba. Si vaakora kindu ku viosi via waali ni wavalaga mba. Kulwayago, ivi waleeta lidiviza yili liosi kuvo.

Jeremia 42:19

Maku ndaazizagilira kovora, “Munyi avandu vaatigara Ivuyuda, Yahova umali kovora muvuli kuzia mukivala cha Egebeti. Kunangwa mwiganihizaa kalunu

Lisyoma lya Jeremia 3:42

“Kunyi kumali kokora uvwoni nukwibaala, na ivi, O, Yahova, siukusamihi mba.

Ezekieli 20:21

“Navuzwa vana vaavo vibaara ku Inzi; vaavunanyia lilago liange kandi sivagumira malago gange agaleetaa livamwoyo ku mundu woosi wegehiza kugo mba. Vonogonyia Lidiku liange lie Lisabato. Ndaaganagana kuva nu vutima vululu kuvo mu changalangwi nu kuviita vosi.

Matayo 21:35

Avalimi yavo vagumira avatumikiri veve ni vaakuya mulala, wundi ni vamwita, wundi ni vamulasa na magina.

Vikolwa 7:52

Yaali ku ho nu muporofeti wa avaguuga vinyu vavura kudambiza? Vita avatumwa va Nyasaye, avalandiza ku maziambiri iliiza liu Mutumikiri mulungi. Na kalunu, munyi mumali kumuzaama nu kumwita.

Kwidzulitsa 32:14

Yavaha isiagi, maguta namaveere kutura ku mitugu jaavo; zing'ombe ni zimburi ziavo ziahaana maveere manyingi. Vaali na magondi mamigu zimburi, nizing'ombe zindahi ligali kandi, viayo vie mitugu ja Bashani. Ingano indahi ligali kandi vanwa iwaini imbia.

Kwidzulitsa 32:15

“Avandu va Yahova vaagwa avatugi, navuzwa avibaali. Vakomera kandi vaali ni viukulia vinyingi. Valeka Nyasaye wavo uwavalomba, kandi nivasuula muhonyi wavo wi zinguru.

Vakalagi 10:6

Avandu va Isiraeli vaakora uvwoni imbiri wa Yahova lwa vasigamira vanyasaye va Baali kandi Asitate, harara na vanyasaye va Sidoni, Moabu, Amoni na vanyasaye va Filisitia. Vivilira Yahova nivaleka kumusigamira.