Nehemia 9:12 - KITABU KITAKATIFU

¹² Mu ing'inga ya mbasu, wavimilira numunara gwi lilesi; na mu ing'inga yuvudiku, wavimilira nu munara gwu muliru kuvaha uvulavu kunzira ya gavadukiraa valonde ku.

Nehemia 9:12 ပူးပေါင်းရင်းမြစ်များ

Nehemia 9:19

Navuzwa Ivi siwavaleka yeyo wengine mu changalangwe mba kigira zimbavasi zizio ni zinene. Ivi siwatuliza ho lilesi kinga muliru, ugwavamanyia inzira ya valonda ku mu ing'inga ya mbasu kinga vudiku.

Zaburi 105:39

Nyasaye yalaga lilesi igulu kukinga avandu veve, kandi yaleeta muliru kuhaana vulavu kuvo havudiku.

Zaburi 107:7

Yahova yaavimilira kunzira inungi, kandi nivaduuka mu lidaala linene lia vaali vanyara komenya mu.

Zaburi 143:8

Unzizulizi vuli mugambazuri makuva kigira uvuyanzi vuvwo vwa kazozo vuli mugambazuri. Kigira inze mbikaa lisuuvira liange mu ivi, kandi masaala gange ganigiraa ku ivi; umanyie inzira ya nonda ku.

Zaburi 78:14

Yaavimilira ni lilesi ing'inga yu mbasu, ing'inga yuvudiku yaavimilira nuvulavu vwu muliru.

Kutwula 15:13

Kuli oveeye musuvirifu ku lisuuviriza, wimilira avandu vovo va wavahonyia kuzinguru zizio wavimilira kuduuka mu kivala kitakatifu.

Ezekieli 20:6

Ku lidiku yilio lwa ndaavalaga ndi ndavatuliza mu kivala cha Egebeti nu kuvahila mu kivala cha ndaali nimbatovoleye, kivala kenoru kandi kigunamu ligali, kivala chaali kilahi ligali kuvita vivala vindi viosi.

Livalidza 9:16

Kunangwa malesi gazizagilira kukunika lihema mbasu, na lialoleka kuli muliru mu vudiku.

Livalidza 9:21

Ing'inga yindi, amalesi gakunikaa Lihema kutura mugolova kuduuka mugambazuri. Lwa malesi gaturaa ku lihema, vaali vanyara kutanga logendo nu kwisunda havundu handi.

Kwidzulitsa 1:33

kali naava niyimilaa imbiri winyu kazozo kuzia kumwenyera havundu hamusosera. Kumumanyia inzira, yaazizaa imbiri winyu mu munara gwi lilesi mbasu gwosi na mumunaara gwu muliru uvudiku vwosi.