Nehemia 9:10 - KITABU KITAKATIFU

¹⁰ Ivi wakola vilolekizu viokogenyia ku mwami wa Egebeti, ku vatumikiri veve kandi ku avandu vi kivala chiche, kigira wamanya kuli vadambiza avandu vovo. Ivi wahevwa ilieta liuluyali lia ukikiri nalio kuduuka kalunu ndi.

Nehemia 9:10 ပူးပေါင်းရင်းမြစ်များ

Nehemia 9:16

Navuzwa avaguuga viitu vigingiraa kandi vaali avamagoti madinyu ligali, kandi nivasuula kuhulira amalago googo.

Nehemia 9:29

Ivi waviganihiza vaatia amigizu googo, navuzwa vigingira kandi nivavula kuhulira malago googo. Vakora uvwoni ku malago googo, agahana livamwoyo niva umundu alagalinda. Mu liegingira liavo nilindinya magoti gaavo vasuura.

Zaburi 83:18

Leka vaduuki kumanya ndi, ivi oveeye Yahova Nyasaye, Wuvunyali, uwamihaa ligulu ni lirova.

Kutwula 18:11

Kalunu inzi manyi ndi Yahova aveeye munene kuvita avanyasaye vosi, kigira yakola yaga lwa vandu va Egebeti vadambiza vandu va Isiraeli nilielora kuli yili.”

Kutwula 3:20

Navuzwa ndatumikira zinguru ziange na ndahaana amageri ku vandu va Egebeti kulwukuvakolera vindu viukutihiza uwene yeyo. Inyima wa yaga, Mwami alamulakuula muzie.

Kutwula 5:2

Na Mwami wa Egebeti yateeva, “Yahova nivwaha, Inzi nduki kumuhulira nukuhaana munwa ku vandu va Isiraeli vazie? Inzi simanya Yahova; kandi sindaleka Isiraeli kuzia.”

Kutwula 7:1

Yahova yavolera Musa, “Henza, nziza kokokola ove kuli Nyasaye ku mwami, na amwavo woovo Haruni alakomolomera kuye kuli muporofeti woovo.

Kutwula 9:16

Navuzwa kukumanyia zinguru ziange inzi mali koleka ivi ove mwoyo, kunangwa lusuma lwange luduuki kulanda mu lirova liosi.

Isaya 42:20

O, munyi avandu va Isiraeli, muveeye ni zimoni kolola, navuzwa simulolaa mba. Muveeye na amatu kuhulira, navuzwa simuhuliraa mba.”

Isaya 63:12

uwaakola zinguru ziu vukumi vwivwe kuzia ku mukono mulungi gwa Musa, niyaavukanyia amazi gi inyanza nukwimilira avandu veve ku aduuki kwelombera lieta lie mihiga ni mihiga;

Isaya 63:14

Kuli zing'ombe ziziizaa mu livona ligunamu, nindio Roho wa Nyasaye yaaha avandu veve ovososi. Kunangwa nindio ivi, O, Yahova, wimilira avandu vovo, uduuki kwelombera umwene ilieta liu vukumi.”

Jeremia 32:20

Mu zing'inga zia kale, wakola vilolekizu kandi viokogenya mukivala cha Egebeti, kandi umali kuzizagilira kuvikola kuduuka ing'inga yiyi, mu Isiraeli kandi hagati zihiiri zindi ziosi, kunangwa kalunu wamanyikana havundu hoosi.

Ezekieli 20:9

Navuzwa sindaakola ndio mba, kigira yaga gaali ganyala kwikiza luyali lwange, kandi imbiri wi ihiiri yavamenyi hagati haavo, avandaali ninandizi mu vandu va Isiraeli ndi, nziza kuvatuliza mu kivala cha Egebeti.

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Danyeli 5:23

Oveeye ni liegingira ku Yahova wu mwigulu, kandi wavugula viju kutura munyumba ya Nyasaye wavileeta imbiri woovo. Wavihaana ku vandu vu munyumba yu vwamihi, avakali vovo kandi vakali vovo vaviika vanweramu iwaini. Wizominya avanyasaye valombwa kutura ku ifeza, izahabu, magina gu mugasa, vivia, misaala kandi magina; vanyasaye vatalolaa anoho kuhulira anoho vatamanyi, navuzwa si wahaana luyali ku Nyasaye oveeye ni litovola ku limenya anoho likuza mba; kandi oveeye nu vunyali ku vindu viosi via okolaa.

Danyeli 9:15

“O, Yahova Nyasaye wiitu wamanyia zinguru zizio lwa watuliza avandu vovo mu kivala cha Egebeti, kandi zinguru zizio zikizulizwa. Kwamala kokora uvwoni kandi kwamala kokora uvuchamu.

Vikolwa 7:36

Niyie wimilira avandu yava kutura mu Egebeti niyakamara kokora vilolekizu kandi viokogenyia mu kivala cha Egebeti, mu Inyanza Inzakanyu kandi mu changalangwi ku mihiga arubaini.

Varumi 9:17

Mang'oda Matakatifu gavoolera Mwami wa Egebeti ndi, “Inzi Nyasaye ndaakotovola ove mwami wa Egebeti kunangwa uduuki kukutumikira kololekiza zinguru ziange mu ivi, kandi lieta linage liduuki kulandizwa mu lirova liosi.”

Kwidzulitsa 4:34

Aveeye ho na nyasaye woosi uwaluvilira kuzia kwivugulira avandu kutura mu ihiiri yindi nu kuvakola vave aveeve mwene, kuli Yahova Nyasaye winyu yamukolera mu Egebeti. Imbiri winyu aveene, yatumikira zinguru zizie zinene, kandi uvunyali vwivwe. Yaleeta maduywa kandi uvulwani yakola vilolekizu kandi viokogenyia, kandi yalomba vindu viukutihiza viekoleke.

Kwidzulitsa 7:19

Mwizurizi amaduywa manene gukutihiza ga mwalora nizimoni zienyu aveene, vilolekizu, ni viokogenyia, kandi zinguru zinene nu uvunyali vwa Yahova Nyasaye winyu yamukola avavoholore. Munzira ndala nzere ya Yahova Nyasaye winyu yadivizira mu avandu va Egebeti, aladiviza zihiiri yizio ziosi zi mutiizaa kalunu.

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”