Nehemia 5:5 - KITABU KITAKATIFU

⁵ Koveeye avihiiri ndala nzere na Avayuda vache viitu. Avana viitu sivaveeye avalahi kuli avana vaavo? Navuzwa kunyi kumali kokora avana viitu avatugwa. Valala ku vakana viitu vamali kugulizwa ku muvutugwa. Sikoveeye niliekonya mba kigira milimi jietu ni milimi ja mazabibu jiitu jamala kuvugulwa na avandu vandi.”

Nehemia 5:5 ပူးပေါင်းရင်းမြစ်များ

Litanga 29:14

Labani yavoola, “Ligali ivi oveeye mwana wu mukaana wiitu kandi oveeye kuli mulala uwi ihiiri yange.” Yakobo yamenya yo mweli mulala.

Litanga 37:27

Leki kumugulizi ku avandu va Ishimaeli yava; maku kuvuli kumusaliriza. Kali ndio aveeye amwavo wiitu wa masahi giitu.” Avamwavo veve vavugilira.

2 Avami 4:1

Mukunzakali mulala ku vu muganda gwa vaporofeti yazia ku Elisha namuvolera, “Mwami wange, musaza wange yakuza! Kuli ivi umanyi, yaali mundu watia Nyasaye, navuzwa kalunu, umuvazi weve yaazaa kuvugura avayaayi vange vaviri kuli avatugwa veve.”

Tsing'ano 22:7

Mundu mutugi yamiha mundu mudaka, na uyu wegobaa aveeye mutugwa wu mwegobizi.

Isaya 50:1

Yahova avoora, “Muganaganaa ndakunga avandu vange kuzia ihale, kuli musaza akungaa mukali weve? Eveeye hayi ibarwa ya ndaamukungira? Muganaganaa ndaamuguliza mu kivala chu vutugwa kuli mundu agulizaa avana veve kuli vatugwa? Kandi mwagulizwa kuli avatugwa kigira amahiolo ginyu. Kandi kigira uvwoni vwinyu mama winyu yakungwa.

Isaya 58:7

Musange viukulia vienyu harara na vaveeye ninzara kandi mwiguli zinyumba ku vadaka vatali na hango. Muhaane zinguvu ku yavo avatali nikindu chukwiviika, kandi mutasuula kokoonya aviiko vinyu mba.

Matayo 18:25

Mundu oyo siyaali ni kindu chu kutunga mba. Mwami weve yaatuliza lilago agulizwi harara nu mukali weve kandi vana veve, ni vindu viosi via yaali navio, ligovi liduuki kutungwa.