Nehemia 4:14 - KITABU KITAKATIFU

¹⁴ Ndalora ndi avandu zana vahendi mwoyo, kunangwa ndavavolera aviimiliri navanene vaavo, “Mutatia avasigu viitu mba. Mwizurizi ndi Yahova aveeye munene kandi wukutihiza, ma mulwaaniri avandu vikivala chienyu, avana vinyu, avakari vinyu kandi zinyumba zienyu.”

Nehemia 4:14 ပူးပေါင်းရင်းမြစ်များ

2 Samweli 10:12

Ove wizingulu kandi muluviliri! Genda kulwaaniri avandu viitu vudinyu kandi madaala ga Nyasaye wiitu. Uvulariri vwa Yahova vokoleke!”

2 Kyetsinyinga 32:7

“Muve avagulu kandi avaluviriri. Mutatia mwami wa Asiria anoho iliihi linene liaveeye nalio mba. Koveeye ni zinguru zinene ligali ku lovega lwiitu kuvita iziveeye ku lovega lwilwe.

Nehemia 1:5

Maku ndaavoora: “O, Yahova, Nyasaye wu mwigulu, Nyasaye munene kandi kwosi kokoheza uluyali lonene ligali. Ivi udukiza lilagana liilio nu vusuuvirifu, ku yavo avakuyanza kandi avahulira malago googo,

Ayubu 37:22

Uvwaku vulahi kuli izahabu vololekaa kutura ivaale, Nyasaye umali kuvikwa vukumi vwukutihiza.

Zaburi 143:5

Nzizuliza amadiku gakale, ng'anagana ku vindu viosi via ivi walomba, kandi nzizuliza vikolwa vivio viosi.

Zaburi 20:7

Avalala vasuuvira mu magare gaavo gu vulwani na avandi vasuuvira mu zibarasi ziavo, navuzwa kunyi kusuuviraa mu zinguru zia Yahova Nyasaye wiitu.

Zaburi 27:1

Yahova aveeye uvulavu vwange kandi ovohonyi vwange. Na sinyala kutia mundu woosi mba. Yahova aveeye imbinga yange, sinyala kutia mba.

Zaburi 46:11

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 65:5

O, Nyasaye, ivi ukutivuliranga ku likuha uvuguuti, kandi okolaa vindu viokogenyia okohonyia kunyi. Avandu ku lirova liosi, kandi engereka wi zinyanza zie ihale vasuuvira mu ivi.

Zaburi 66:3

Mu voole ku Nyasaye; “Vindu via okolaa viveeye viokogenyia! Zinguru zizio ziveeye zinene ligali! Kali avasigu vovo vinamaa imbiri woovo mu vuti.

Zaburi 66:5

Hambi mulole aga Nyasaye amali kokora, vikolwa vivie viveeye viokogenyia hagati ha avandu.

Kutwula 14:14

Yahova alamulwaanira, na icha mukora vuzwa nu kuchiring'ana.”

Kutwula 14:25

Yakola magurudumu gamagaare gaavo nigahanda, kunangwa gagendaa nuvudinyu. Avandu va Egebeti vavoola, “Yahova alwaaniraa vandu va Isiraeli! Gendi kwiluki kutuli hano imbiri wa vandu va Isiraeli.”

Kohelethu 12:1

Kunangwa wizulizi mulombi woovo nugikiri muyaayi, madiku gi kivi ni gagikiri kuduuka kigira mihiga gizaa novoole, “Sisangalira livamwoyo mba.”

Danyeli 11:32

Mwami alakatumikiri vugadi kunyoola lidinyiriza kutura ku yavo avaleka idini yaavo, navuzwa yavo avaloonda Nyasaye, valakavalwaane.

Zekaria 14:3

Maku Yahova alakatuli nu kulwaana zihiiri yizio kuli yakola maziambiri.

Livalidza 14:9

Mutahing'ana na Yahova mba, kandi mutatia vandu vamenyi mu kivala yiki mba. Kulavaguuta ligali. Yahova aveeye harara ni kunyi kandi amali kuguuta avanyasaye vaavo avavakingaa. Kunangwa mutatia mba.”

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.

Kwidzulitsa 1:21

Heenzi, Yahova Nyasaye winyu umali kuhaana ku munyi kivala zana. Muzie mwingiri mu kandi mukivuguli kuli Yahova Nyasaye wavaguuga vinyu yamuvolera. Mutatia anoho kukuza mioyo mba.’

Kwidzulitsa 10:17

Kigira Yahova Nyasaye winyu aveeye Nyasaye wavanyasaye vosi; kandi mwami wa avami, Nyasaye munene, wizingulu kandi wukutihiza; uvula kumanyia liyaanzilira avandu valala kuvita avandi kandi siavugilira kuvugura viambeti mba.

Vahebraina 13:6

Kunangwa leki kuluviliri, ma kovoole, “Mwami aveeye mukonyi wange; sindatia mba. Mundu alangola ki?”

Joshua 1:9

Wizulizi ndi inzi mali kukulaga ove mugulu kandi muluviliri! Utatia kandi utakuza mwoyo mba, kigira Inzi, Yahova Nyasaye woovo, mbeeye harara nivi hoosi aha uzia.”

Vakalagi 3:27

Lwa yaduuka mu kivala chivigulu cha Efuraimu, yakuba ikisiliva, kulanga avandu va Isiraeli muvulwani; maku yaavimilira kusulunguta kutura mu vigulu.