Nehemia 13:31 - KITABU KITAKATIFU

³¹ Ndalohiza iziingu zitumikaa kigira kusamba vihaanwa zileetwe ku ing'inga indahi idukanaa, kandi kigira avandu koleta vihaanwa viavo viuvuswage vwukutanga namakuyu gukutanga kwenga. Unzizulizi yaga goosi, O, Nyasaye, na ongolere.

Nehemia 13:31 ပူးပေါင်းရင်းမြစ်များ

Nehemia 10:34

Kunyi avandu, avasaalisi, vandu va Levi, kulakuba ikura vuli muhiga kwenya kumanya ni avikiliango ki avaadukana koleta iziingu ziu kusambira visiuviliru vihaanwa ku Yahova Nyasaye wiitu ku uvwali kolondekana ni lienya lie Lilaga.

Nehemia 10:35

Kulahila mu Litembeli vuli muhiga, ligesa liukutanga kandi nivihaanwa vietu vindi vie iwaini, maguta ga muzeituni, kandi ni zing'ano ziosi zia makuyu.

Nehemia 10:38

Avasaalisi vaveeye kisukururwi cha Haruni valava harara na va Levi lwa zizaka zivungizwa, kigira litumikirwa mu Litembeli, vandu va Levi valahila mu mavikiru kidieli chi likomi chi zizaka ziosi zia vavungiza.

Nehemia 13:14

Unzizulizi, O, Nyasaye wange, vindu viosi yivi, kandi vikolwa viange vilahi via inzi mali kokolera Litembeli liilio kandi kigira kukusigamira.

Nehemia 13:22

Maku ndalaga vandu va Levi vitakase na vazie kuliinda virivwa ku vaduuki kolola ndi Lisabato likoleywe kuva litakatifu. Unzizulizi, O, Nyasaye wange, kigira yaga kandi, na omberere kigira ovonene vwi zimbavasi zizio.

Nehemia 5:19

Ngusaala, O, Nyasaye wange, unzizulizi ku goosi aga mali kokolera avandu yava.

Zaburi 106:4

Unzizulizi O, Yahova, lwa okonyaa avandu vovo; lwa ohonyia avandu vovo, umbalizi harara navo.

Zaburi 25:7

Usamihi uvwoni na mahiolo gu vwana vwange. O, Yahova mu vuyanzi vuvwo uvutahera kandi mu vulahi vuvwo unzizulizi.

Luka 23:42

Yavoola, “Yeso! Unzizulizi lwu uduuka mu Vwami vuvwo.”