Nehemia 13:22 - KITABU KITAKATIFU

²² Maku ndalaga vandu va Levi vitakase na vazie kuliinda virivwa ku vaduuki kolola ndi Lisabato likoleywe kuva litakatifu. Unzizulizi, O, Nyasaye wange, kigira yaga kandi, na omberere kigira ovonene vwi zimbavasi zizio.

Nehemia 13:22 ပူးပေါင်းရင်းမြစ်များ

2 Avami 20:3

“Wizulizi, O, Yahova, inzi ndakutumikira nu vusuuvirifu vwu mwoyo gwange gwosi kandi nu luyali lwosi, kandi vuli kazozo, ndageriza kokora vulahi choosi ichawenyaa ngole.” Ma yaatanga kulira ligali.

2 Avami 23:4

Hene yaho, mwami Josia yavolera Hilicha, musaalisi munene, avasaalisi valondi veve, na vasikari vu kulinda avaari ku miyinzi ha vwingiliru vwi Litembeli valeete ichova wi Litembeli iviju viosi iviatumikaa mu lisigamira lia Baali, viu munyasaye wi kikali Ashera, kandi zing'ereng'ani. Mwami yasambira iviju yivi viosi ichova wi lidaala linene lia Jerusalemi ahimbi ni Livona lia Keduroni, na yaahira lligoke liavio Bezeli

2 Kyetsinyinga 29:24

Maku avasaalisi vita zimburi, nivavugura masahi gazio, nivuuha ku vwali, keve kihanwa chu kutuliza uvwoni vwosi vwa avandu va Isiraeli, kigira mwami yaali nalagi vihaanwa viukusamba ni vihaanwa viu vwoni vilomberwe Isiraeli yoosi.

2 Kyetsinyinga 29:27

Hene yaho mwami Hezekia yalaga ndi, kihanwa chu kusambwa kihanwe ku vwali. Lwi kihanwa chu kusambwa chatanga kuhaanwa, lwimbu lwa Yahova lwatanga kwimbwa, harara ni visiriva kandi ni vikuli nu vukana vwu mwami Daudi wa Isiraeli.

2 Kyetsinyinga 29:30

Mwami Hezekia harara na aviimiliri vi zihiiri valaga vandu va Levi kwimba zinyimbu ziu kwizominya Yahova na makuva ga Daudi na Asafu muporofeti. Vosi viimba zinyimbu ziu vusangali nu kwizominya Yahova, ma viinama haasi ni vasigamira Yahova.

Nehemia 12:10

Joshua yaali baba wa Joiakimu, na Joiakimu yaali baba wa Eliashibu, na Eliashibu yaali baba wa Jehoyada,

Nehemia 12:30

Avandu va Levi harara na Avasaalisi vakora muruka gwi litakasa aveene, kandi kutakasa avandu, virivwa harara na madigi ga madaala manene.

Nehemia 13:14

Unzizulizi, O, Nyasaye wange, vindu viosi yivi, kandi vikolwa viange vilahi via inzi mali kokolera Litembeli liilio kandi kigira kukusigamira.

Nehemia 13:31

Ndalohiza iziingu zitumikaa kigira kusamba vihaanwa zileetwe ku ing'inga indahi idukanaa, kandi kigira avandu koleta vihaanwa viavo viuvuswage vwukutanga namakuyu gukutanga kwenga. Unzizulizi yaga goosi, O, Nyasaye, na ongolere.

Nehemia 5:19

Ngusaala, O, Nyasaye wange, unzizulizi ku goosi aga mali kokolera avandu yava.

Zaburi 130:7

O, Isiraeli, musuuviri mu Yahova, kigira uvuyanzi vwivwe voveeye vwa kazozo; kandi avugiliraa kohonyia kunyi kazozo.

Zaburi 5:7

Navuzwa inzi, ndingira munyumba yooyo kigira vuyanzi vuvwo vonene, na inzi ndakusigamira mu Litembeli liilio litakatifu nu kwinamiraa ivi mu vuti vonene ku ivi.

Zaburi 51:1

O, Nyasaye, ombere zimbavasi kolondekana nu vuyanzi vuvwo uvutali nekeheri. Tuliza ho uvwoni vwange kolondekana nu uvunyingi vwi livererera liilo!

Isaya 38:3

“O, Yahova, unzizurize kigira inzi mali kukutumikira nu vusuuvirifu vwosi, kandi mali kokora agaveeye amalahi imbiri woovo nu mwoyo gwange gwosi kazozo.” Mwami Hezekia yalira vululu.

Isaya 49:23

Avami valava kuli avababa vinyu, avakali va avami valava kuli avamama vinyu. Valinama imbiri winyu kandi valegehiza nukuhaana uluyali ku munyi. Hene yaho, mulamanya ndi, Inzi mbeeye Yahova, na yavo vosi avaveeye nilisuvira mu inzi sivaliduuka mu zisoni mba.”

Isaya 55:7

Avadamanu valeke zinzira ziavo zindamanu. Avandu vachamu valeke zing'anagani ziavo ziuvuchamu viirane ku Yahova Nyasaye wiitu kigira aveeye wi zimbavasi vavererera; kandi aveeye mwangu kusaamiha.

2 Vakorintho 1:12

Kwekonya kigira ziganagani zie mioyo jietu zikusuuvirizaa ndi ilimenya lietu mu lirova yili, mbitilira uvuhambani vwitu ni munyi, vumali kwamiifwa nu vutakatifu, uvusuuvirifu ni zimbavasi zia Nyasaye, na sigaveeye kigira vogeri vwa vandu mba.

Kwidzulitsa 5:12

“Mulindi lidiku lie Lisabato no kulikola live litakatifu. Kuli Inzi Yahova Nyasaye winyu mali kumulaga.