Nehemia 13:12 - KITABU KITAKATIFU

¹² Maku avandu va Ivuyuda vosi vatangakoleta zizaka ziavo ziu vuswage, zie iwaini, na maguta ga muzeituni mu ving'oze via mavikiru.

Nehemia 13:12 ပူးပေါင်းရင်းမြစ်များ

2 Kyetsinyinga 31:4

Kandi mwami yalaga avandu vamenyi mu Jerusalemi kuhaana kidieli ku vasaalisi na vandu va Levi, kunangwa vaduuki kwihana aveene ku lilaga lia Yahova.

2 Kyetsinyinga 31:5

Nonoho lwa lilaga lialandizwa, avandu va Isiraeli vahaana mu vunyingi amatunda gu kutanga nu ligera liavo, iwaini, amaguta, uvwuki ma kandi ku viosi via vagesa mu milimi jiavo, kandi valeta mu vunyingi izaka kandi kidichichio ku vindu viosi.

Nehemia 12:44

Mu ing'inga yeyo, avasaza vaatovolwa kusingilira ving'oze via mavikiru, gu uvwihaani vwi Litembeli vwaviikwa; harara ni zizaka, uvuswage vwukutanga, na makuyu gukutanga kwenga vuli muhiga. Kutura mu milimi jaali ahimbi na madaala, gavadukiraa valeete mu mavikiru gi zinyumba zie Litembeli vidieli vienyangwa ku Lilaga, avasaalisi na va Levi vahevwe, kigira avandu vosi va Ivuyuda vayanzizwa na vasaalisi kandi na vandu va Levi.

Kyavalevi 27:30

Kidieli kilala ku likomi chi viamo viosi viu mulimi, niviva vuswage, anoho makuyu, keveeye Yahova.

Malaki 3:10

Muleete kidieli chiinyu choosi chi likomi mu Litembeli, kunangwa litembeli live ni viukulia vinyingi. Mungerizi na inzi ndigula madirisha gu mwigulu kandi ndahaana vugasu vwi vindu vilahi vinyingi vie zing'ano ziosi kumunyi.

Malaki 3:8

Inzi ndeva munyi ndi, voveeye vulahi mundu kugaada Nyasaye? Awa sigaveeye vulahi mba, navuzwa munyi mungadaa, kandi muteeva, ‘Kugaada kuli ndi?’ Mungadaa lwa muhaanaa kidieli chi likomi kandi mu vihaanwa.

Kwidzulitsa 14:22

“Mulaviika halovega izaka kidieli chi likomi ku limeedeka lie ligesa lie milimi jinyu vuli muhiga.