Nehemia 13:10 - KITABU KITAKATIFU

¹⁰ Kandi ndamanya ndi avimbi vu Mulitembeli na va Levi vandi vaali nivatuli Jerusalemi, kandi nivirani mu milimi jaavo, kigira avandu sivali nivahevwa iviukulia vivaduuka mba.

Nehemia 13:10 ပူးပေါင်းရင်းမြစ်များ

2 Kyetsinyinga 31:4

Kandi mwami yalaga avandu vamenyi mu Jerusalemi kuhaana kidieli ku vasaalisi na vandu va Levi, kunangwa vaduuki kwihana aveene ku lilaga lia Yahova.

Nehemia 10:37

Kulahilira Avasaalisi mu Litembeli viukulia viuvusi vialombwa kutura ku vuswage vwageswa kutanga vuli muhiga, kandi nivihaanwa vietu vindi vie iwaini, maguta ga muzeituni, kandi ni zing'ano ziosi zia makuyu. Kulahilira avandi va Levi, avavungizaa izaka mu tudaala twiitu twu vulimi, izaka kutura ku viukulia vietu ivimelaa mu kivala chietu.

Nehemia 10:39

Avandu va Isiraeli harara na vandu va Levi valahila engeso yaavo yu vuswage, iwaini impia, nivia maguta ga muzeituni mu zinyumba zia mavikiru umwa iviju ivitakatifu vie Litembeli vivikwa, kandi umwa avasaalisi, avaveeye ku miyinzi, avalindi vukulinda virivwa vie Litembeli, na vasangi vi Litembeli, na avukwimba ikwaya vaveeye ni zinyumba ziavo ziokomenya mu. Kunyi sikulaleka inyumba ya Nyasaye wiitu kali hakuzu mba.

Nehemia 12:47

Mu ing'inga ya Zerubabeli, kandi mu ing'inga ya Nehemia, avandu vosi va Isiraeli vaahana vihaanwa vuli lidiku kigira likonyelera lia avimbi vu Mulitembeli, kandi na avasikari vukulinda Litembeli. Avandu vaahana kihanwa kitakatifu ku avandu va Levi, na vandu va Levi navo vahaana kedonye chenyekaa ku Avasaalisi.

Isaya 43:23

Simwandetera vihaanwa vienyu viu kusambwa via magondi; simwamba uluyali nivisiuviliru vienyu mba. Sindamudwika misigo miliduhu ku limuniga mundeetere vihaanwa mba, anoho kumuluhiza ku limuteeva kimuli mba.

Malaki 3:8

Inzi ndeva munyi ndi, voveeye vulahi mundu kugaada Nyasaye? Awa sigaveeye vulahi mba, navuzwa munyi mungadaa, kandi muteeva, ‘Kugaada kuli ndi?’ Mungadaa lwa muhaanaa kidieli chi likomi kandi mu vihaanwa.

Livalidza 35:2

“Volera vandu va Isiraeli ndi, kutura ku miandu javanyooye gavadukiraa vahane ku ihiiri ya Levi malala ku madaala manene vamenye mu, kandi vwayiru himbi na madaala yaga.

Kwidzulitsa 12:19

Muhenze vulahi ligali, gase mulaleka vandu vinyumba ya Levi mu madiku goosi ga mumenya mu kivala chienyu.