Nehemia 10:39 - KITABU KITAKATIFU

³⁹ Avandu va Isiraeli harara na vandu va Levi valahila engeso yaavo yu vuswage, iwaini impia, nivia maguta ga muzeituni mu zinyumba zia mavikiru umwa iviju ivitakatifu vie Litembeli vivikwa, kandi umwa avasaalisi, avaveeye ku miyinzi, avalindi vukulinda virivwa vie Litembeli, na vasangi vi Litembeli, na avukwimba ikwaya vaveeye ni zinyumba ziavo ziokomenya mu. Kunyi sikulaleka inyumba ya Nyasaye wiitu kali hakuzu mba.

Nehemia 10:39 ပူးပေါင်းရင်းမြစ်များ

2 Avami 7:10

Kunangwa vatura hokososa ha Vasiria, nivirana Samaria ha kirivwa; nivalanga avalindi, “Kunyi kuziiyi kuduuka mu hokososa ha Avasiria na sikololi anoho kuhulira mundu mba; zibarasi ni zibunda zikiri kovoholorwa, na amahema gaveeye vuzwa kuli vandu Vasiria vagaleki.”

2 Kyetsinyinga 31:11

Maku mwami Hezekia yalaga valombe ving'oze via mavikiru mu Litembeli lia Yahova, na vakora kuli valagwa.

2 Kyetsinyinga 31:12

Vavugura vindu viahaanwa: Zizaka ni vindu viatakaswa nivavika mu nu vusuuvirifu. Konani mundu mu Levi munene yavikwa kuva mulindi wi vindu yivi, na Shimei amwavo weve yaali wa 2 kuye mukonyeleri weve.

Nehemia 12:47

Mu ing'inga ya Zerubabeli, kandi mu ing'inga ya Nehemia, avandu vosi va Isiraeli vaahana vihaanwa vuli lidiku kigira likonyelera lia avimbi vu Mulitembeli, kandi na avasikari vukulinda Litembeli. Avandu vaahana kihanwa kitakatifu ku avandu va Levi, na vandu va Levi navo vahaana kedonye chenyekaa ku Avasaalisi.

Zaburi 122:9

Kigira Nyanza Litembeli lia Yahova oveeye Nyasaye wiitu, musaviraa uvugasu.

Livalidza 18:26

kovoolera vandu va Levi, “Lwa munyoora kidieli kutura ku vandu va Isiraeli cha inzi Yahova mbana ku munyi kuli imiandu, gamudukira muhaane kidieli chi likomi chu lugano lwa cho ku Yahova.

Livalidza 18:30

Lwa umala kuhaana kedonye keveeye kilahi, unyala kuviika vitigaye, kuli umulimi vitigaye namali kuhaana vihaanwa vivie

Kwidzulitsa 12:17

Mutaliira ku vihaanwa via muhaanaa ku Nyasaye mu madaala ginyu aha mumenyi mba: kali niiva izaka yuvuswage vwinyu anoho iwaini yinyu, anoho ya maguta gamuzeituni, anoho mitugu jitanga kwivulwa jie zing'ombe anoho magondi, anoho vihaanwa via mwalagana na Yahova anoho vihaanwa vienyu viu vuyanzi anoho vihaanwa vienyu vindi.

Vahebraina 10:25

Kutaleka mwimwa yigwo gwu kuvugana harara aveene naveene, kuli vandi vakora. Navuzwa mugende kudinyirizane mulala nuwache ligali, kigira kuli muloraa ndi Lidiku liu Mwami liveeye ahimbi.