Nahum 3:15 - KITABU KITAKATIFU

¹⁵ Kali mugerizi kuli munyala, mulasambwa kuduuka lwa mukuza, anaho mulitirwa mu vulwani. Muladivizwa kuli vitagwa viliviywi ni zisigi. Munyi mwameedeka kuli zisigi.

Nahum 3:15 ပူးပေါင်းရင်းမြစ်များ

Isaya 66:15

Yahova alaza numuliru, na magare geege gu vulwani gaveeye kuli kihuzuzi. Alaleeta uvutima vwivwe vululu hasi ni iligondoka lilie kuli lomemo lwu muliru.

Isaya 66:16

Yahova alaleeta likalaga lilie liu muliru kandi alahaana amageri gi kivavi ku vandu vosi. Yavo ava Yahova aliita valava vanyingi.

Jeremia 51:14

Yahova Wuvunyali umali kwisuuha mwene ndi, alaleeta avasaza avanyingi kwingilira Babiloni kuli muganda gwi zisigi, na valava ni lihanzuka lie liguuta.

Joeli 1:4

Vikoonya vie zisigi viayeraa ku vitagwa kuzing'inga lugano lugano; che kekoonya kilala cha leka, kekoonya chakaviri cha diviza.

Joeli 2:25

Ndamwiranyira via mwagotiza ku mihiga je kiduma chi zisigi lwa zialia vitagwa vienyu. Yaali inzi uwatuma amahi gu vulwani kumwingilira.

Amosi 7:1

Ndaali na malola kutura ku Yahova Nyasaye Wuvunyali. Mu malola yago, ndalora Yahova nalomba kiduma chi zisigi inyima wi kidieli chu vunyasi vwu mwami vwali nivwakatimulwa, na uvunyasi zana nivutangaa kusivuka kandi.

Nahum 2:13

Yahova Wuvunyali avoora, “Inzi mbeeye musigu winyu! Ndakasambe magare ginyu gu vulwani. Avasikari vinyu valakitirwi mu vulwani, kandi ndakavuguli vuli kindu choosi cha mwavugula kutura ku vasigu vinyu. Lienya lia vatumwa vinyu sililakahuliriki kandi mba.”

Nahum 3:13

Avasikari vinyu vaveeye kuli avakali, kandi kivala chiinyu keveeye vugira likingwa imbiri wa vasigu vinyu. Muliru guladiviza miluguyu jihaana virivwa vienyu.

Zefania 2:13

Yahova alakanyiiri mukono gwigwe kolovega lwi Ivaale nu kudiviza Asiria. Alakakole lidaala lia Nineve kuva mang'anye kandi changalangwe vugira mazi,