Nahum 2:11 - KITABU KITAKATIFU

¹¹ Kalunu lidaala linene lialange kuli luhangaywa lwi zisimba ziamenya mu liveeye haliki? Havundu hi zisimba zisoleri zialiraa, havundu hi zisaza ni zingali ziali zinyala kuzia kandi havundu ha vana vazio vaali vanyara kuva mu mirembe?

Nahum 2:11 ပူးပေါင်းရင်းမြစ်များ

Litanga 49:9

Yuda aveeye kuli isimba, yitaa vasigu vayo ma yirana mu lungaywa lwayo yinjila ma egonaa hasi. Avulaho mundu unyala kuvugilira kugikubiza ikivi.

Isaya 13:7

Amakono gaavo galava amadedekere, kandi valakuza mioyo jaavo.

Isaya 31:4

Yahova yambolera, “Kali avayi ni vahanzuka ni vakuba liyoga, sivanyala kutihiza anoho kukunga isimba kutura ku inyama ya imali kwita mba: Kunangwa, siaveeye ho nu mundu unyala kungaya inzi Yahova Wuvunyali kukinga kiguru cha Ziyoni mba.

Isaya 5:29

Avasikari vahumaa kuli zisimba zimali kwita inyama na zigigingaa kugihira ha vundu hataveeye ho nu mulala unyala kuzinyaga.

Jeremia 2:15

Avasigu vaavo vavafumiraa kuli zisimba; vakoli kivala chavo kugwa changalangwi, kandi madaala manene gaavo gagwiyi amang'anye vugira vandu.

Jeremia 4:7

Kuli isimba itulaa havundu hukwivisa hayo, umudivizi wizihiiri umali kutura ichova. Yaazaa kudiviza avandu vi Ivuyuda. Amadara gi Ivuyuda galatigala amang'anye, kandi siaveeyeho kali mulala ulimenya mu mba.

Jeremia 50:17

Yahova avoora, “Avandu va Isiraeli vaveeye kuli magondi gakungwa kandi gasalanywa nizisimba. Vingilirwa mulitanga nu mwami wa Asiria, kandi mwami Nebukadineza wa Babiloni yamenena ivigumba viavo.

Jeremia 50:44

“Kuli isimba itulaa mu mulitu munene ahimbi nu mugera Jorodani nukuzia mukivala chuvwayiru vuvisi, Inzi, Yahova ndaaza kandi ndakora avandu va Babiloni nonoho kunyagula nu kuzia ihale kutura mu lidaala liavo. Maku mwimiliri wa Inzi nandovole alakamiihi ihiiri. Nivwaha unyala kufwananywa ninzi? Nivwaha wakaagelani ninzi? Mwami ki wakahing'ani ninzi?

Ezekieli 32:2

Yavoola, “Mwana wu Mundu, uhaane lieganihiza ku mwami wa Egebeti. Umuvolere makuva yaga: Ivi wekolaa kuva kuli isimba hagati hizihiiri, navuzwa oveeye kuli ingwina yuhulanyia mazi mu mugera. Uduvulaa mazi ni virenge vivio kandi okolaa migera kugwa ovodohi.

Joeli 2:6

Lwa ziesunda himbi, vuli mundu atizaa; mumoni mwosi mugirung'anaa mamubuhera.

Mika 5:6

Valakamihi kivala cha Asiria nikivavi; kandi kivala cha Nimurodi ni kivavi chetegeki kotema. Valakakohonye kutura ku vandu va Siria lwa valingila kivala chietu, nukogenda mu zinzako zietu.

Nahum 2:12

Isimba isaza yitaa inyama yayo, ma itandulanya mu vidonye, ma igavulira zisimba zingali harara na vana vayo. Yizuliza luhangaywa lwayo ni vidonye vie zinyama.

Nahum 3:1

O, vayaayi, kivi keveeye ku lidaala liu vugadi kandi lilumindi! Liizula vutugi vunyala kulanywa kandi kuvugulwa!

Zefania 3:3

Aviimiliri valio vafuuma kuli zisimba, avakalagi valio vaveeye kuli vivwi viveeye ni inzara, avahuvali valiza kali kigumba kuduuka mugambazuri, si vanyara koleka kali kigumba mba.

Livalidza 23:24

Ihiiri ya Isiraeli eveeye kuli isimba yi zinguru: Siesosaa kuduuka lwa itandula nu kudiviza mba, kuduuka lwa inwa masahi ga imali kwita.”