Nahum 2:10 - KITABU KITAKATIFU

¹⁰ Lidaala lia Nineve limali kudivizwa, limali kolekwa kandi litigaye hazwa! Avandu vizuyi uvuti, amalu gaavo gadegeraa, kandi zinguru ziavo zifeye. Mumoni mwavo kusamuka.

Nahum 2:10 ပူးပေါင်းရင်းမြစ်များ

Litanga 1:2

Lirova liali vugira lifana liosi kandi vugira kindu. Kisundi chakunika lirova liosi, kandi Roho wa Nyasaye yaali ku mazi.

Zaburi 22:14

Zinguru ziange ziikami kuli amazi gasunduliywi ichova. Vigumba viange viosi viitiguki; mwoyo gwange guuyiinguki kuli ihura isalulukiziywi.

Isaya 14:23

Ndakora kivala yiki kuva havundu hi vilungu komenya, kandi ndakekola kuva madavalia ga amazi, kandi ndeya kivala yiki na amenyo gu kudiviza. Inzi Yahova Wuvunyali mali kovora.”

Isaya 21:3

Aga ndalora nukuhulira mu malola gamali koleta uvuti vonene kandi uvuzunu vwizuli mu inzi; uvuzuunu vululu kuli vwu mukali oveeye mu lilumwa liu kwivura.

Isaya 24:1

Henza, Yahova azizaa kudiviza lirova nukulikola hazwa. Alagirung'anyia lirova nukusalanyia vandu vamenya mulio.

Jeremia 30:6

Kalunu uganaganeku yaga! Musaza anyala kwivura mwana? Kigira ki ndolaa vuli musaza uviiki makono kunda yeeye kuli mukali oveeye mulilumwa lielivula? Kigira ki vuli mundu aveye novoveleli mumoni?

Jeremia 49:23

Yaga nigo aga Yahova yavoola kigira Damasiko: “Avandu mu madaala ga Hamazi na Aripadi vaveeye mulihenda mioyo kandi mulinyangizwa kigira vamali kuhulira amakuva madamanu. Vakukuza mioyo nukunyangizwa kuli inyanza itaveeye novosoosi.

Jeremia 51:62

Maku usaale ndi, ‘O, Yahova, ivi umali kovora ndi, uladiviza kivala yiki, kunangwa kindu kali kilala si kilamenya kucho mba, mundu anoho inyama. Kilava kuli changalangwi mihiga ni mihiga.’

Jeremia 8:21

Mwoyo gwange gulwaye, kigira avandu vange vakuzi; inzi siomaa kandi mbeeye mu lihenda mwoyo ligali.

Ezekieli 21:7

Lwa vakoteeva kigira ki okenyaa, uvavoolere ndi nikigira amakuva mageni gaazaa. Lwa nagaaze, navave nuvuti ligali, makono gaavo nagave madedekere, valavula kuva nu vuluviliri kandi amalu gaavo galadegera. Ing'inga imali kuduuka; eveeye hano.” Yahova Wuvunyali umali kovora.

Ezekieli 31:15

Yaga nigo aga Yahova Wuvunyali avoora, “Ku lidiku liene yilio lwu musaala yigu gulikuza nukuzia mu kivala chavakuzu, ndakagukuniki na mazi gu mu lirova, kuli kelolero chi Lisioma. Ndakagumili mazi gimigera gavuli kwituruka. Kigira musaala yigu gumali kukuza, ndakakuniki vigulu via Lebanoni ni kisundi, kandi ndakakole misaala josi ju mumulitu kwuma.

Danyeli 5:6

Maku ligodo lilie lia girung'ana, kandi zing'anagani zizie ziagota, vivero vivie viadegera kandi amalu geege gakubagana.

Joeli 2:6

Lwa ziesunda himbi, vuli mundu atizaa; mumoni mwosi mugirung'anaa mamubuhera.

Nahum 2:2

Yahova aveeye ahimbi kwilanyia vukumi vwa Isiraeli, kuli vaali kale avasigu vaavo ni vakikiri kuvadiviza.

Nahum 3:7

Yavo vosi avalimulola valakegose, valakavoole, ‘Lidaala lia Nineve litigaye amangaye! Nivwaha unyala kulivelerera? Nivwaha unyala koleminya vandu valio mwoyo?’ ”

Zefania 3:6

Yahova avoora, “Inzi mali kutulizaho zihiiri ziosi, mali kudiviza madaala gaavo nokoleka madigi galio kandi minaara jalio kuva mang'anye. Madaala gamali kolekwa; zinzira ziago ziatigala hazwa si aveeyeho nu mundu uvitira muzio mba.

Joshua 2:11

Kwaali nuvuti ligali nonoho lwa kwahulira amakuva yaga; kwosi kumali kogotiza uvuluviliri vwitu kigira munyi. Yahova Nyasaye winyu aveeye Nyasaye mu ligulu igulu kandi hano mu lirova.

Joshua 7:5

Ahene yaho avasaza va Ayi vavakunga kutura mu kirivwa chi lidaala, kuduuka Shebarimu, aha magina gayavwa kandi vita ahimbi vandu salasini na sita kunzira yikisulungutu. Maku vandu va Isiraeli vagotiza uvuluviliri vwavo; kandi vaali nuvuti vonene ligali.