Mika 4:9 - KITABU KITAKATIFU

⁹ Kigira ki mwaniraa vudinyu ligali? Kigira ki mukubaa kivi kuli mukali oveeye mulilumwa liumwana? Gaveeye kigira simuveeye nu mwami, na aviideri vinyu vaakuza?

Mika 4:9 ပူးပေါင်းရင်းမြစ်များ

Isaya 13:8

Vosi valava nu uvuti kandi valava nu vuzunu, kuli mukali aveeye mu vuzunu vwililumwa liu mwana. Vuli mundu alahenza wache nuvuti, kandi valava mu zisoni.

Isaya 21:3

Aga ndalora nukuhulira mu malola gamali koleta uvuti vonene kandi uvuzunu vwizuli mu inzi; uvuzuunu vululu kuli vwu mukali oveeye mu lilumwa liu kwivura.

Isaya 26:17

O, Yahova, ivi okoli kunyi kuliri vudinyu, kuli mukali aliraa mu vuzunu mu lilumwa liu mwana.

Jeremia 22:23

Mumenyaa mu mirembe mu zinyumba ziumbakwa ni midaragwa kutura Lebanoni; navuzwa mulaverera lwa munyoora vuzunu kuli vwu mukali ulumwaa.

Jeremia 30:10

“Avatumikiri avandu vange Isiraeli, mutatia mba; avandu va Isiraeli, mutatiihizwa mba. Ndamusoola kutura mukivala chi ihale yicho, kutura mukivala chamuveeyemu avahambe. Munyi na mulirana yengo kandi namumenye mumirembe; munyi na mukingwi, umundu kali mulala sinaamutihizi mba.

Jeremia 4:21

Ndaalora iliihi kandi kuhulira mwoyo gwi visiliva kuduuka ng'inga ki?

Jeremia 4:31

Ndaahulira ililira kuli liu mukali oveeye mulilumwa liu mwana, ndaahulira iliayura kuli mukali wivuraa mwana weve wukutanga. Liali lilira lia avandu va Jerusalemi vaagamuraa imvika, nivanyiraa imikono jiavo nivavoora, “Kumali kudiva! Vazaa kunzita!”

Jeremia 48:41

amadara kandi zimbinga zilagumilwa. Ku lidiku liene yilio, avasikari va Moabu valatiihizwa kuli umukali oveeye mu lilumwa liumwana.

Jeremia 50:43

Mwami wa Babiloni uhuliyi makuva mageni, kandi makono geege sigaveeye nizinguru kali hakuzu mba. Umali kugumirwa muvuzunu, uvuzunu kuli vwumukali oveeye mu lilumwa liu mwana.

Jeremia 8:19

Muhulirizi! Mbulira avandu vange nivalira mukivala choosi: “Yahova yatura mu Ziyoni? Mwami wa Ziyoni yatura yo kandi naye?” Yahova, mwami wavo yativura, “Kigira ki mwakora inzi kuva nu vutima ku lisigamira vifananyi viinyu! Kandi linamira avanyasaye vinyu avageni avataveeye kindu?”

Lisyoma lya Jeremia 4:20

Avasigu viitu vagumira uwaali kuli kisinukiru chi livamwoyo lietu, umwami wa Yahova yaali natovoye, kandi wakwali kwamusuvira alakukinga kutura ku avasigu viitu.

Hosea 10:3

Maku avandu yava valavoora, “Kunyi si koveeye nu mwami mba kigira si kwatia Yahova mba. Navuzwa kali niiva kwakaveeye nu umwami yakakokoleye kindiki?”

Hosea 13:13

Munyi muveeye mu vuzunu kuli vwu mukali ulumwaa. Navuzwa mwana uyu aveeye vugira limanyiriza; lwa ing'inga iduuka yu kwivulwa mwana uyu si yenya kutura munda mwa mama weve mba.

Hosea 3:4

Mu liiva kuli yili avandu va Isiraeli valakamenye ku ing'inga indambi vugira avami anoho aviimiliri, vugira visiuviliru anoho magina gizitiilu matakatifu, vugira vifananyi viu kutumikira ku vusigitiri.

Mika 5:3

Kunangwa Yahova alaleka vandu veve ku avasigu vaavo kuduuka lwu mukali aliivula mwana muyaayi weve. Maku avandu Vaisiraeli avaveeye mu vuhambe valakahambanywe harara na vandu vaavo.

Yohana 16:21

Ing'inga yu mukali alumwa aveeye novovereri kigira ing'inga yuvusaliri iduuki; navuzwa niyakamara kwivura umwana, siyizuliza kandi uvusaliri yivwo mba kigira vuyanzi vwu mwana wivuliiywi mu kivala.

Likunula 12:2

Yaali ninda niyenya kwivura; uvuzunu nu uvusaliri vwi lilumwa vwa mulomba nalira ligali.