Mika 1:8 - KITABU KITAKATIFU

⁸ Maku Mika yavoola, “Kigira yaga ndalira nu kusioma. Kumanyia liverera liange, ndagenda ku virenge viere kandi chahonyo. Ndaasama kuli kivwi, na ndaasioma kuli lihudu.

Mika 1:8 ပူးပေါင်းရင်းမြစ်များ

2 Avami 18:13

Mu muhiga gwa komi na ine gwi liamiiha liu mwami Hezekia, Senakeribu, mwami wa Asiria yingilira madaala manene gi Ivuyuda gi zimbinga kandi nagaguuta.

Esther 4:1

Lwa Modekai yahulira goosi agaali nigakoleeywi yatandula zinguvu zizie mu vovereri niyiviika zinguvu zia magunia nu kwibuuga ligoke. Yazia naavitira hagati hi lidaala linene nakubaa izikwiri zinene nuvuzunu,

Ayubu 30:29

Lilira liange liveeye liokoveleriza kuli lie kivwi anoho indizu, kandi mbeeye mulina wi livuudu mwigendanyama.

Zaburi 102:6

Mbeeye vuzwa kuli linyonyi liu mu changalangwe, kuli likuuli mu mang'anye.

Isaya 13:21

Lidaala yili lilakave havundu hi zinyama ziu muchangalangwe zilakamenye kandi lilakave havundu ha makuuri galiumbaka zinyumba ziago. Amahudu galamenya yo, kandi zimburi ziu muvulimu zilavinira mu mang'anye.

Isaya 13:22

Zimbiti zilafuma mu zimbinga zia zio, na vivwi vi laloka mu zinyumba ziuvusangali ziazio ziu vwami. Ing'inga yu kudiviza lidaala linene lia Babiloni iduuki! Amadiku galio sigalamedwa kandi mba.”

Isaya 16:9

Kalunu siomeraa mizabibu ja Sibuna kuli siomeraa Jazeri. Maliga gange gidorokaa kigira munyi madaala ga Heshiboni na Eleyale, kigira sihaveeye ho niligesa kokora avandu Vasangale mba.

Isaya 21:3

Aga ndalora nukuhulira mu malola gamali koleta uvuti vonene kandi uvuzunu vwizuli mu inzi; uvuzuunu vululu kuli vwu mukali oveeye mu lilumwa liu kwivura.

Isaya 22:4

Kalunu, mundeke siomere vululu, avandu vange vosi avamali kukuza. Mutagelizi koneminya mwoyo mba.

Isaya 32:11

Munyi mwamenyangi mulielemeliza, litaveeye ni lihenda mwoyo, navuzwa kalunu, mudegere nu uvuti! Mutulizi zinguvu zienyu, kandi mwevohe zinguvu ziamagunia mu vikenge vienyu.

Jeremia 4:19

Uvuzunu! Sinyala kwikuzira kuvuzunu mba! Mwoyo gwange! Mwoyo gwange gukubaganaa vudinyu ligali! Sinyala kuchiring'ana mba; mbulira visiliva kandi liyoga lie liihi.

Jeremia 9:1

Ndakayanzi niiva mutwi gwange gwakaveeye kidaho cha mazi, kandi zimoni ziange kisinukiru chamaliga, kunangwa ndakaliri mbasu nu vudiku, kigira avandu vange vamali kwitwa.

Jeremia 9:10

Ndaavoora, “Ndasiomera ivigulu kandi ndalilira iviayiru. Kigira vimali kwuma kandi umundu siavitaa mu mba ilihulirika lie mitugu lihulirika mba; amanyonyi kandi zinyama ziu muvulimu zimali kuburuka nu kuzia.”

Jeremia 9:19

Hulira ilihulirika lielilira mu Ziyoni, “Kwadivizwa! Koveeye muzisoni ligali! Kuduuka kutuli mukivala chiitu; zinyumba zietu zimali kusambulwa.”

Ezekieli 32:18

Yavoola, “Mwana wu Mundu,” usiome kigira vandu vanyingi va Egebeti. Uvaviiki mu kivala cha vakuzu harara ni zihiiri zindi zie zinguru.

Mika 2:4

Lwi ing'inga yene yiyi iduuka, avandu valatumikira makuva ginyu kuli kelolero chi kivi, na valimba ulwimbu yilu lwu kukuza mwoyo. Kigira vindu viamwavitiramu: Kumali kudivizwa ligali! Yahova umali kuvugura milimi jietu, kandi ujigavuliyi yavo avakuhila muvuhambe.”

1 Samweli 19:24

Yaatuliza zinguvu zizie kandi naaporofeta imbiri wa Samweli, naagona hasi chahonyo mbasu yigwo gwosi nuvudiku yivwo vwosi. Yiki nicho chagira avandu nivavoora, “Saolo naye kandi ugwiyi muporofeti?”