Mika 1:6 - KITABU KITAKATIFU

⁶ Kunangwa, Yahova avoora, “Ndakora lidaala linene lia Samaria kitumi cha mang'anye mu kivala, havundu hukusimika mizabibu. Ndasundura vijonjo via magina vie lidaala linene hasi mu livona, na ndadiviza imise ji lidaala linene lia Samaria.

Mika 1:6 ပူးပေါင်းရင်းမြစ်များ

2 Samweli 17:13

Niiva yirana inyima nukwirukira mu lidaala linene, avandu vosi valaleta migoye ku lidaala linene zana, na kulaling'usa, nukuliviika mu mugera goveeye isi wi livona. Sihalava na kagina kalekwa kondongozi kwi kiguru mba.”

2 Avami 18:10

Mu muhiga gwa kavaga gwi likumbiriza yilio, yagumira Samaria. Yigu gwaali muhiga gwa sita gwi liamiiha lia Hezekia, kandi muhiga gwa tisa gwi liamiiha lia Hoshea.

2 Avami 18:9

Mu muhiga gwa kane gwi liamiiha lia Hezekia, gwali muhiga gwa saba gwi liamiiha liu mwami Hoshea wa Isiraeli, mwami Shalimanaseri wa Asiria yingilira kulwaana Isiraeli kandi nakumbiriza Samaria.

2 Avami 19:25

“Ukikiri kuhulira ndi ndalohiza kokora yaga mu maziambiri? Na kalunu mali kuduukiza makuva yaga. Ndakuha zinguru kugirung'anyia madaala manene gi zimbinga muduuki kugadiviza gave vitumi vie vianyi.

Isaya 17:1

Yahova yavoola, “Damasiko sililava lidaala linene kandi mba. Lilava vuzwa kitumi chi vianyi.

Isaya 25:12

Alakadivizi zimbinga zia Moabu harara na madigi gaavo matambi nukugatuula hasi mu luguchi.

Isaya 25:2

Umali kokora madaala manene kuva mang'anye nukwononyia zimbiga ziago. Zinyumba ziuvwami zia vasigu viitu vumbaka zituliho mihiga ni mihiga.

Jeremia 31:5

Munyi mulataga milimi jimizabibu kuvigulu via Samaria, kandi yavo avazavatage navalie ku makuyu gajo.

Jeremia 51:25

Babiloni, ivi oveeye kuli kiguru ikidivizanga kivala choosi, navuzwa Inzi, Yahova mbeeye musigu woovo. Ndakuvugura, ngusisuli kuduuka kumalova, ma ngoleke noveeye kuli ligoke.

Jeremia 51:37

Kivala yicho cha Babiloni kilagwa kitumi cha mang'anye, havundu hi zinyama ziu muvulimu zilakamenye. Kilakave kivala chu vuti; mundu sialakamenye mu mba, kandi vosi avalolaa kivala yiki, valakave nuvuti ligali.

Jeremia 9:11

Yahova avoora, “Ndakora Jerusalemi ikitumi cha mang'anye, ahavundu hivivwi vimenya; amadara givuyuda galagwa viangalangwe, havundu hu mundu atamenyi.”

Lisyoma lya Jeremia 4:1

Muporofeti avoora: Izahabu indahi imali kwononywa, kandi imali kogotiza ling'ereng'ana liayo; magina guvuguli vonene gu mu Litembeli gamali kusalanywa mu zinzira.

Ezekieli 13:14

Ndasambura lidigi liavumbaka novodohi nukulidiviza, kandi ndaleka imise jalio jamagina hazwa. Lilamugwila na mwosi muladiva. Maku mulamanya ndi Inzi mbeeye Yahova.

Hosea 13:16

Avandu vilidaala lia Samaria valanyora mageri kigira vamali kwibaala ku inzi. Vosi valitirwa mu vulwani; avana vaavo valasionolanywa mu vidonye, na vakali vaavo avaveeye ni zinda valatemanywa.”

Amosi 5:11

Kunangwa mumali kudambiza avadaka nu kuvanura vuswage vwavo. Kigira yaga, simulamenya mu zinyumba zindahi zia magina gavazwa zia mwumbaka, kandi simulanwa iwaini kutura ku mizabibu milahi ja mwasimika mba.

Amosi 6:8

Yahova Nyasaye Wanyala Viosi mu zinguru zizie umali kuhaana lieganihiza lie liesuha yili: “Mbihirirwa luyali lwa avandu va Isiraeli: Ndegelizaa zinyumba ziavo zie lielemeza. Ndahaana amadara gaavo manene harara na avandu vamenyi mugo ku avasigu vaavo.”

Mika 3:12

Kunangwa, kigira munyi, Ziyoni ilalimwa kuli umulimi, Jerusalemi lilava kitumi cha amang'anye na kiguru chi Litembeli kilagwa umulitu.

Habakuk 3:13

Ivi waazia kohonyia vandu vovo, kohonyia mwami vwovo mutovole. Wasionolanya mutwi gwu mwimiliri wa vachamu, kandi wadiviza valondi veve vosi.

Matayo 24:2

Navuzwa yavativulira, “Muloraa ivindu yivi viosi? Agiligali muvooleraa, si lilakatigale hano ligina kali lilala ni lisiingiyi mu vogono vwalio mba; goosi galakavunguluki.”