Matayo 9:33 - KITABU KITAKATIFU

³³ Ahene yaho, lwi lidemoni liali ni liakakungwa kutura mu umundu waali idimbidi oyo yaatanga komoloma. Avandu vagenya ni vavoola, “Amakuva kuli yaga gakiri kwekoleka ku mu Isiraeli.”

Matayo 9:33 ပူးပေါင်းရင်းမြစ်များ

2 Avami 5:8

Lwu muporofeti Elisha yahulira ichaali ni chekoleki, yatuma likuva ku mwami navoora “Kigira ki ivi nutandula zinguvu zizio? Tuma musaza oyo ku inzi ku aduuki kumanya ndi haveeye nu muporofeti mu Isiraeli!”

Zaburi 76:1

Nyasaye yamanyikana mu kivala chi Ivuyuda; lieta lilie liveeye nu luyali ligali mu Isiraeli.

Isaya 35:6

Mundu mulema alatumatuma kuli kisusu, kandi yavo avaveeye zidimbidi, zinimi ziavo zilimba nukusangara. Amazi galasinuka mwigendanyama, kandi togera twa mazi tulituruka kuvitira mu changarangwi.

Jeremia 32:20

Mu zing'inga zia kale, wakola vilolekizu kandi viokogenya mukivala cha Egebeti, kandi umali kuzizagilira kuvikola kuduuka ing'inga yiyi, mu Isiraeli kandi hagati zihiiri zindi ziosi, kunangwa kalunu wamanyikana havundu hoosi.

Matayo 8:10

Lwa Yeso yahulira yaga, yaagenya ligali navolera avandu vaali ni vamulonda, “Agiligali muvooleraa, ngikiri konyoolaku umundu woosi mu Isiraeli oveeye ni lisuuvira kuli yili.

Matayo 9:32

Lwa avandu vaali nivazizaa, vandu valala valetera Yeso mundu mulala uwaali idimbidi uwaali ni lidemoni.

Marko 2:12

Nonoho yasingira navugura vogono vwivwe nazia chova vwangu wa avandu vosi vamulola avamumanya ni vagenya. Vakuminya Nyasaye ni vavoola, “Kukikiri kolola ku kindu kuli yiki mba!”

Luka 11:14

Lidiku lilala Yeso yaali natulizaa lidemoni ilialomba mundu mulala kuva idimbidi. Lwu lidemoni liatura, mundu waali idimbidi oyo yamoloma; avandu vagenya ligali.

Luka 7:9

Lwa Yeso yahulira vindu yivi, yaagenya ligali. Yagirung'ana navolera kiduma cha avandu vamulonda, “Inzi muvooleraa; ngikiri konyoora mundu kali mulala oveeye ni lisuuvira linene kuli yili kali mu Isiraeli mba.”