Matayo 9:18 - KITABU KITAKATIFU

¹⁸ Lwa Yeso yaali nakevoola amakuva yaga kuvo; munene mulala Muyuda yaza kuye, nasigama imbiri weve navoora, “Mukaana wange yakakuza ulwene yilu. Nuyanza hamba uviiki mukono gugwo kuye, naye alasimuguka.”

Matayo 9:18 ပူးပေါင်းရင်းမြစ်များ

2 Avami 5:11

Navuzwa Naamani yatura ho nu vutima ovonene navoora, “Nganaganangi ndi alatula ichova kuuza ku inzi, asaale ku Yahova Nyasaye weve, kuhavatiza mukono gwigwe ahe liguli liveeye no kombonyia ovogere vwange!

Matayo 14:33

Vosi avaari mu liato vaasigamira Yeso, ni vavoola, “Ligali ivi oveeye Umwana wa Nyasaye.”

Matayo 15:25

Navuzwa mukali oyo yaza nasigama imbiri weve, navoora, “Mwami, ongonye!”

Matayo 17:14

Lwa Yeso harara na aviigi veve viirana ku kiduma, mundu mulala yazia ku Yeso, nasigama,

Matayo 20:20

Maku mama wa avana va Zebedayo yaza ku Yeso, harara na vana veve, namwinamira, kandi naamusava kindu kilala.

Matayo 28:17

Lwa vamulola vaamusigamira kali niiva avalala kuvo vahayahayiza.

Matayo 8:2

Maku umugere mulala yaza na musigamira, navoora, “Mwami, nuyanza unyala kombonyia!”

Matayo 8:25

Aviigi vazia kuye nivamuvukiza nivavoora, “Mwami okohonyie, kudivaa!”

Matayo 9:17

Kandi mundu siazukaa iwaini imbia mu imuuya yi kesero kikulu mba. Nakora ndio imuuya ilatanduka na iwaini ilasunduka hasi, na imuuya iloneka. Navuzwa mundu naazuka iwaini imbia mu imuuya yie kesero kihia, na viombi sivilondeka mba.”

Matayo 9:19

Kunangwa Yeso yasingira harara na aviigi veve, naamulonda.

Matayo 9:24

Yavavolera, “Tuli ichova! Mukaana uyu siakuzi mba, nitali agonaa.” Navo vaamuseka nivamukolera kehenyahenye.

Luka 13:14

Navuzwa munene wilisinagogi yavihilirwa ligali kigira Yeso yamuhonyia ku lidiku lie Lisabato. Kunangwa yavolera avandu vaali nivavugani ho, “Muveeye na madiku sita gokokolera mu miyinzi. Munyala kuuza mu madiku gene yago muhonywi vulwaye vwinyu, navuzwa mutaazi ku lidiku lie Lisabato mba.”

Luka 18:18

Mwimiliri mulala Muyuda yateeva Yeso, “Mwigizi Mulahi, gandukira ngole ki nduuki konyoora livamwoyo litahera mba?”

Luka 7:2

Uwene yeyo, Munene wa vasikari va Varumi mia yaali nu mutumikiri uwu Mwami weve yaali niyayaanza kukila. Mutugwa oyo yaali mulwaye ligali kandi yaali ahimbi kukuza.

Yohana 11:25

Yeso yamuvolera, “Inzi niyie lisimuguka kandi livamwoyo. Usuviraa inzi kali niiva alakuza alava mwoyo;

Yohana 11:32

Lwa Maria yaduuka ha Yeso yaali kandi naamulora, yagwa ha virenge vivie nasigama, namuvolera, “Mwami, ulava hano ngano mbozo wange si yaali akuzi mba.”

Vikolwa 13:15

Inyima wi lisoma mu kitabu chi Lilaga lia Musa kandi mu mang'oda ga vaporofeti, avanene vi lisinagogi vaatuma mundu kuvo kovora ndi: “Avaamitu, nimuveeye ni likuva liu kudinyiriza vandu, muvavoolere.”

Vikolwa 28:8

Galoleka ndi baba wa Pubulio yaali naagoni mu kidali, nalwalaa luhuuza kandi likengi. Paolo yazia kumulora, aviikaa makono geege ku mulwaye na lwa yamalakumusaala na amuhonyia.