Matayo 7:25 - KITABU KITAKATIFU

²⁵ Imbura yakuba, imigera jizura, imbuza enene nihuza ni zinguru ku inyumba yeyo. Navuzwa si yagwa mba, kigira yaali niyumbakwa ku lwanda.

Matayo 7:25 ပူးပေါင်းရင်းမြစ်များ

Tsing'ano 10:25

Avandu vachamu valahirwa ihale lwi kiihi kiiza, navuzwa vandu vaveeye vasuuvirifu vakingwa ing'inga yoosi.

Malaki 3:3

Alakaze kukalaga kuli mundu atulaa kandi aselezaa ifeza. Mutumwa wa Yahova alakatakase vasaalisi kuli muturi atulaa ifeza ni izahabu kunangwa vaduuki koletera Yahova vihaanwa viduukana.

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

Matayo 7:24

“Kulwayago, mundu woosi uhuliraa amakuva gange, naagakora, aveeye kuli mundu mugeri, uwumbaka inyumba yeeye ku lwanda.

Matayo 7:26

“Navuzwa mundu ku vosi uhuliraa amakuva gange, kandi navula kugakola, aveeye kuli mundu musiru, uwumbakaa inyumba yeeye ku muyeke.

Matayo 7:27

Imbura yakuba, imigera nijizura imbuza enene nihuza, kandi nihuza ni zinguru ku inyumba yeyo, nayo yagwa, kandi liigwa liayo liali nu mufuumu munene ligali!”

Vikolwa 14:22

Vadinyiriza mioyo ja vandu avasuuviraa va madaala yaga, nivavameeda zinguru vamenye ligali mu lisuuvira. Vavavolera, “Gakuduukiraa kunyi kwosi kuvitiri mu vusaliri vonene kuduuki kwingira mu Vwami vwa Nyasaye.”

Vafeso 3:17

Saalanga ndi kandi Kristo aduuki kolomba vomenyo vwivwe mu mioyo jinyu kuvitira mu lisuuvira. Saalanga ndi vuyanzi vuduuki kuva musingi gwivindu viosi via mukoraa,

Vakolosai 2:7

musingiri vudinyu, kandi mwumbakwe muye, nu kuvikwa zinguru mu lisuuvira lienyu, kuli mwigizwa. Muve kandi ni lisandiza linyingi.

Yakobo 1:12

Aveeye nu vugasu umundu wikuziraa mu ligerizwa, kigira lwamali kuguuta nu kuvita ligerizwa kuli yili anyoora itaji yi livamwoyo lia Nyasaye yasuuviriza yavo vosi avamuyanzaa.

1 Petro 1:5

Vugasu yivu voveeye ku munyi, avakingwa ni zinguru zia Nyasaye kuvitira mu lisuuvira kigira vohonyi vwetekekiziywi kololekizwa mu ing'inga ye keheri.

1 Petro 1:7

Kivuni cha magerizu yaga kimanyia ndi lisuuvira liange liveeye lia giligali kali izahabu inyala kusambwa mu muliru; kandi ndio lisuuvira lienyu liveeye lilahi ligali kuvita izahabu, ligerizwa kunangwa liduuki kuhindira. Maku mulakanyoole lizominywa, vukumi kandi luyali ku lidiku lia Yeso Kristo aliloleka.

1 Yohana 2:19

Vaatura kukunyi, navuzwa sivali mu lisanga lietu mba. Valava nivaali mu lisanga lietu ngano vamenya ni kunyi. Navuzwa vaatura ku kunyi ku vaduuki kumanyikana havulavu kuva, vosi sivaveeye kukunyi mba.