Matayo 6:33 - KITABU KITAKATIFU

³³ Kunangwa mwenye kutanga uvwami vwa Nyasaye, nu vulungi vwivwe; na ivindu yivi viosi muladasirwa.

Matayo 6:33 ပူးပေါင်းရင်းမြစ်များ

1 Avami 17:13

Elija yamuvolera, “Utahenda mwoyo mba. Zia olombe chukulia yicho. Navuzwa kutanga ndugila utuchima tudi kutura ku cha oveeye nacho na ondeetere, kandi vutigaye vwosi ku ivi nu muyaayi woovo.

Zaburi 112:3

Avinyumba yeeye valava avahinda kandi avatugi; kandi alava nilimedeka lie miandu mihiga ni mihiga.

Zaburi 37:25

Mu madiku gi lihindira liange, inzi sindaalola ku mundu musuuvirifu naleki Yahova mba, anoho avana veve nivasavaa chukulia mba.

Zaburi 37:3

Usuuviri Yahova, na okole agaveeye amalahi, na ndio ulamenya mu kivala mu likingwa lilie.

Tsing'ano 10:3

Yahova sialaleka vandu valungi vave ninzara mba, navuzwa alakinga vachamu kuvula konyoora viavenyaa.

Tsing'ano 28:10

Niiva ulimilira mundu mulungi kokora vudamanu, ulagwa mu mutego gugwo, navuzwa avandu vataveeye nimbala valanyora miandu milahi.

Tsing'ano 8:18

Mbeeye nu vutugi kandi luyali komeedeka kwi miandu nu kwinyaliza kuhaana.

Kohelethu 10:2

Mwoyo gwu mundu mugeri gokolaa vindu vilahi, navuzwa mwoyo gwu mundu musiru gokolaa vindu vidamanu.

Isaya 26:9

Ngwegomba nu mwoyo gwange gwosi uvudiku vwosi lwa ukalagiraa lirova harara na vandu valio, vosi valiiga uvulungi vuveeye ki.

Isaya 33:6

na alahaana mirembe ku ihiiri. Yahova akingaa avandu veve kazozo, kandi avaheezaa ovogeri ni limanya. Livikiru liavo linene kuvita liveeye liitia Yahova.

Isaya 45:24

“Vosi valavoora ndi, vulungi kandi zinguru vituraa ku inzi, navuzwa vosi avadunyiraa inzi, valaduuka mu zisoni.

Jeremia 23:6

Lwaveeye mwami, avandu vi Ivuyuda navahone, kandi avandu va Isiraeli navamenye mumirembe. Kunangwa navamuguliki ‘Yahova muhonyi wiitu.’ ”

Matayo 19:28

Yeso yavavolera, “Muvooleraa agiligali ndi, lwu Umwana wa Adamu alikala ku endeve yu vwami yu vukumi vwivwe mu Likula Lihia, hene yaho, munyi avalondi vange likomi na vaviri mulikala ku zindeve ziu vwami likomi na vaviri, ukwaamiiha izihiiri likomi na ziviri zia Isiraeli.

Matayo 19:29

Navuzwa, ku yavo vosi avaleka zinyumba ziavo anoho avamwavo vaavo, anoho avavozo, anoho ava baba anoho avamama vaavo, avana, anoho milimi jaavo kigira inzi, valanyora ivindu haali mia, kandi valanyora imiandu je livamwoyo litahera mba.

Matayo 3:2

“Mwiganiri, kigira Uvwami vwu mwigulu voveeye ahimbi.”

Matayo 4:17

Kutura ing'inga yeyo, Yeso yaatanga kwilwaza navoora, “Mwiganiri, kigira Uvwami vwu mwigulu voveeye ahimbi!”

Matayo 5:6

“Vaveeye nuvugasu avaveeye ninzara kandi vuluhu vwu vulungi, kigira valigutizwa.

Luka 1:6

Vosi vaali avalungi imbiri wa Nyasaye, kandi vaatia ligali nokolonda malago na makuva gu Mwami vugira imbara.

Luka 12:31

Navuzwa mwenye kutanga uvwami vwa Nyasaye, na vindu yivi viosi mulahevwa.

Yohana 5:4

kigira vuli ing'inga, engelosi wu Mwami yikaa mu mazi nukugaduvula. Mulwaye wukutanga kwingira mu mazi inyima wa mazi kuduvulwa, yahonaa uvulwaye vwosi vwa yaali navwo.]

Yohana 6:27

Mutayinziliri viukulia vioneka; navuzwa muyinziliri viukulia vimenya kuduuka ku livamwoyo litahera mba. Yivi nivio viukulia viu Mwana wa Adamu alimuha; kigira Baba Nyasaye umali kuviika muhuri gwi livugilirwa kuye.”

Vikolwa 20:25

“Ndaavodong'anangi yiyi niyi mu munyi ninzilwaza Uvwami vwa Nyasaye. Navuzwa, kalunu siaveeyeho kali mulala ku munyi ulindola kandi.

Vikolwa 28:31

Yilwaza Uvwami vwa Nyasaye nu kwigiza amakuva gu Mwami Yeso Kristo nu vuluviliri, kandi vugira kwigalirwa.

Varumi 1:17

Kigira Ivangeri ivuulaa kuli Nyasaye akolaa vandu kuva valungi naye mwene kuvitira mu lisuuvira kutura mu litanga kuduuka mu keheri. Ni kuli Amang'oda Matakatifu gavoora, “Umundu okolwaa mulingi na Nyasaye kuvitira mu lisuuvira, alava mwoyo.”

Varumi 10:3

Sivamanya kuli Nyasaye akolaa vandu kuva valungi imbiri weve mba, kandi vamali kogerizaa kwiyumbakira uvulungi liiva liavo veene. Nandio sivihaana vene kuliiva lia Nyasaye liu kulungikiza vandu mba.

Varumi 14:17

Uvwami vwa Nyasaye sivoveeye lilia kandi linwa mba, navuzwa voveeye uvulungi, imirembe kandi uvuyanzi voleetwa na Roho Mutakatifu.

Varumi 8:31

Kunangwa ku vindu yivi kovoole ki'? Nyasaye naveeye kolovega lwiitu, nivwaha unyala kukuhingira'?

1 Vakorintho 1:30

Nyasaye aveeye uvutangiliru vwi livamwoyo lienyu mu Kristo Yeso; wa yakola kuva ovogeri vwitu, uvulungi vwitu, uvutakase vwitu, kandi ovohonyi vwitu.

1 Vakorintho 3:22

Naava naveeye Paolo, anoho Apolo, anoho Petero, lirova, yili anoho livamwoyo kandi likuza, vindu viveeyeho kalunu anoho vilivaho, yivi viosi viveeye vienyu,

2 Vakorintho 5:21

Kristo siyali nuvwoni mba, navuzwa Nyasaye yamulomba kusanga muvwoni vwitu, kunangwa kunyi kuduuki kusanga mu vulungi vwa Nyasaye muye.

Vafilipi 3:9

Kandi nduuki kuhambanywa naye ligali. Inzi simbeeye nu vulungi vwange umwene, yivwo ovonyoleka ku lilonda Lilaga. Inzi kalunu mbeeye nu vulungi uvuhaanwa kuvitira mu lisuuvira mu Kristo. Uvulungi vuturaa ku Nyasaye kandi uvweledaa ku lisuuvira.

2 Vatesalonike 1:5

Yaga goosi gamanyia ndi likalaga lia Nyasaye liveeye lirungi, na munyi mulavalizwa kuva avaduukani konyoora vwami vwivwe uvugira nimunyoola likubizwa kivi.

2 Petro 1:1

Inzi Simoni Petero, umutumikiri kandi umutumwa wa Yeso Kristo; Ng'oderaa vandu vosi kuvitira mu vulungi vwa Nyasaye wiitu, kandi Muhonyi wiitu Yeso Kristo avamali konyoora lisuuvira lilala liere liu vulahi kuli lietu.

2 Petro 1:11

Kunangwa mulanyola livugilirwa liu vukumi mu Vwami vwi mihiga ni mihiga vwu Mwami kandi Muhonyi wiitu Yeso Kristo.