Matayo 4:24 - KITABU KITAKATIFU

²⁴ Kunangwa, ulusuma lwa Yeso lwalanda mu Siria mwosi. Avalwaye vosi avaari ni zinguzu zie zing'ano ziosi nu vusaliri lugano, avaari na mademoni nindulumi kandi avaalema vaahirwa kuye, naye yavahonyia vosi.

Matayo 4:24 ပူးပေါင်းရင်းမြစ်များ

2 Samweli 8:6

Ahene yaho Daudi yalomba hokososa ha amahi geege mu kivala chavo kandi vaagwa avatumikiri veve, nivatunga uvusuru kuye. Yahova yaaha Daudi uvuguuti havundu hoosi nahoosi.

1 Avami 10:1

Mwami wi kikali wa Sheba yahulira lusuma lwa Solomoni kandi yazia Jerusalemi kumugeriza na mateeva madinyu.

1 Avami 4:31

Yaali mugeri ligali kuvita avandu vandi vosi; mugeri kuvita Ezani kutura mu kivala cha Ezarahi, kandi Hemani, Kalikoli, na Darida, avayaayi va Maholi, kandi Lusuma lwu vukumi vwivwe lwalanda hoosi muvivala viali muvotende.

1 Kyetsinyinga 14:17

Kunangwa luyali lwa Daudi lwalanda kuduuka muvivala viosi, na Yahova yakola vuli ihiiri kutia Daudi.

1 Kyetsinyinga 29:2

Inzi mali kokora zinguru ligali kuli nyaliza ukwetegekiza vindu viu kwumbakira Litembeli: Izahabu, ifeza, mugasa, kivia kandi misaala ji midaragwa komeeda ku magina manyingi guvuguli vudinyu ligali - iberulo, magina gikibara magina gukuviikwa, magina govong'orang'ore guvuguli vudinyu ligali;

Kutwula 15:26

Yavoola, “Niiva mulahulira ligali mwoyo gwange, inzi Yahova Nyasaye winyu ku likora agaveeye malungi imbiri wange nukulinda amalago gange, sindamuha amageri ni zinguzu zia ndaleta ku vandu va Egebeti mba. Inzi mbeeye Yahova muhonyi winyu.”

Matayo 12:22

Ahene yaho valetera Yeso mundu mulala muvoku kandi uwaali idimbidi kigira lidemoni liali ni liamugumira. Yeso yamuhonyia kuduuka namoloma kandi nalora.

Matayo 14:1

Ing'inga yeyo, Herodi, mwamihi wa Galilaya yahulira lusuma lwa Yeso.

Matayo 15:22

Kunangwa, mukali mulala Mukanani wi ikivala yicho yaza kuye, ni yanira navoora, “Mwami, Umwana wa Daudi, ombere zimbavasi! Mukaana wange aveeye ni lidemoni, na limukubiza ikivi ligali.”

Matayo 17:15

navoora, “Mwami, vererera umwana wange, kigira aveeye nindulumi, kandi asaliraa muno; agwizaa haali kanyingi mu muliru anoho mu mazi.

Matayo 17:18

Yeso yagondokera ilidemoni, nalio liatura kuye nonoho, kandi muyayi oyo yahona ing'inga yene yeyo.

Matayo 4:23

Yeso yavodong'ana hoosi mu Galilaya, ni yigizaa mu masinagogi gaavo, kandi yilwaza Ivangeri yu Vwami vwa Nyasaye. Yahonyia zing'ano ziosi zie zinguzu no vulwaye kandi ovodekeranu vwosi vwa avandu.

Matayo 8:28

Lwa Yeso yaduuka mu kivala cha Vagadareni, ku lwangereka lundi lwinyanza, avandu vaviri ava mademoni gaali ni gagumira vaagana naye nivatura mu mulimi gwi vilindwa. Avandu yavo vaali avu kutihiza ligali, kali siyaali ho mundu waluvilira kuvita kunzira yeyo mba.

Matayo 8:33

Avayi vi zinguruvi yizio viruka nivazia mu lidaala linene, nivavoora amakuva goosi ni vindu viekoleka ku vandu ava mademoni gaali ni gaagumira.

Matayo 8:6

“Mwami, mutumikiri wange nu mulwaye wafogoya; agoni munyumba, na azunangwa ligali.”

Matayo 9:26

Amakuva yago galanda mu kivala yicho choosi.

Matayo 9:35

Yeso yavodong'ana mu madaala goosi kandi mu tudaala; hiyigiza mu masinagogi gaavo niyilwaza Ivangeri yu Vwami vwa Nyasaye, nahonyia zinguzu ziosi kandi uvulwaye vwi zing'ano ziosi.

Marko 1:28

Na ndio ulusuma lwi ilizominywa lia Yeso lwalanda vwangu havundu hoosi ahaali ahimbi ni kivala cha Galilaya.

Marko 1:32

Lwi iliuva liayera, valetera Yeso avalwaye vosi, harara na vaali na mademoni.

Marko 2:3

lwa avandu vane vaza ni vamuleetera umundu wafogoya, nivamugingi.

Marko 2:4

Na kigira uvunyingi vwa avandu, si vaali vanyara kwisunda ahimbi ku Yeso mba. Kulwayago, vaafudura igulu winyumba ha Yeso yali. Lwa vamala koveta ho, vikizira ho uwafogoya oyo naagoni ko vogono vwivwe.

Marko 2:9

Ekeveeye ichangu ni kiliha? Kovoolera uwafogoya, ‘Usamihiywi uvwoni vuvwo,’ anoho kovora, ‘Singira, ugingi ovogono vuvwo, ogende?’

Luka 2:2

Yili liali livalizwa liu kutanga lwa Kwirinio yaali mwami wa Siria.

Luka 4:14

Yeso yirana Galilaya niyizuuyi zinguru zia Roho Mutakatifu, kandi amakuva geege galaanda muzimbega ziosi zia vodong'ana kivala yicho.

Luka 4:38

Yeso yatura mu lisinagogi niyingira munyumba ya Simoni. Navizara Simoni yaali na agumiliywi nuvulwaye vonene. Vamuteeva amuhonyie.

Luka 5:15

Navuzwa amakuva ga Yeso gameeda kulanda havundu hoosi. Viduma vinyingi via vandu viza kuye kumuhuliriza nokohonywa vulwaye vwavo.

Luka 5:24

Navuzwa nyenya mumanye ndi Mwana wa Adamu aveeye ni zinguru kusamiiha uvwoni mu lirova” Kunangwa yavolera mundu wafogoya oyo, “Ngovolera! Singira vugula vogono vuvwo uzie yengo.”

Luka 7:17

Amakuva mageni ga Yeso yaga, galanda mu kivala choosi chi Vuyuda nivivala viali ahimbi ni Vuyuda.

Yohana 10:21

Navuzwa avandi vavoola, “Yaga sigaveeye amakuva gu mundu oveeye ni lidemoni mba. Lidemoni linyala kwigura zimoni zia avavoku?”

Vikolwa 10:38

Mumanyi Yeso wa Nazareti, na kuli Nyasaye yamutovola ku limuha Roho Mutakatifu ni zinguru. Nyasaye yaali harara naye; yavodong'ana hoosi nakora amalahi no kohonyia vosi avi lidemoni liaali ni liavoha.

Vikolwa 15:23

Vaavaha ibarwa yang'odwa kuli ndi: “Kunyi, avatumwa navakulundu, avaamitu vinyu. Kuchelizaa munyi avaamitu vi Zihiiri zindi avamuveeye mu Andiokia, Siria na Kilikia.

Vikolwa 15:41

Vavitira Siria na Kilikia nivadinyirizaa amakanisa.

Vikolwa 28:9

Kigira kekolwa yiki, avalwaye vosi avaari mu kisulu yicho vaza kandi ma nivahonywa.

Vikolwa 8:7

Kigira mademoni gaali ni gagumira avandu vanyingi, gaturaa nigahanzuka nigalira; kandi avanyingi avaari nivafogoya, na avalema, vahonywa.

Joshua 6:27

Kunangwa Yahova yaali harara na Joshua, kandi ulusuma lwu luyali lwilwe lwalanda mu kivala choosi.