Matayo 28:20 - KITABU KITAKATIFU

²⁰ muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Matayo 28:20 ပူးပေါင်းရင်းမြစ်များ

Litanga 39:21

Navuzwa Yahova yaali harara na Josefu, kandi yamuyanza ligali, kandi namugasiza imbiri wu mulindi winyumba ya vahambe.

1 Avami 1:36

Binaya yativura, “Galakolwa ndio, kandi Yahova Nyasaye woovo adinyirizi amakuva yaga.

1 Kyetsinyinga 16:36

Mwizominye Yahova, Nyasaye wa Isiraeli! Mwizominye Yahova lero kandi mihiga ni mihiga! Maku avandu vosi vizominya Yahova, vavoola, “Amini” nivizominya Yahova.

Zaburi 46:11

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 46:7

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 72:19

Lieta lilie liuvukumi lizominywi uvukumi vwivwe vwizuli lirova liosi. Amini! Amini!

Kutwula 3:12

Nyasaye yamuvolera, “Inzi ndava harara nivi, na lwa utuliza avandu yava mu Egebeti mulakasigamiri ku kiguru yiki. Yicho kilava kimanyiru ndi inzi mali kukutuma.”

Kutwula 8:27

Gakuduukiraa kuzia ologendo lwa madiku gavaga mwigendanyama kuhaana visiuviliru ku Yahova Nyasaye wiitu, kuli yakulaga.”

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Jeremia 26:2

Yahova yambolera, “Singira mumugizi gwi Litembeli na ulandizi amakuva gamali kukulaga ovoole ku avandu vaza kutura mu madaala gi Ivuyuda kusigamira Yahova. Utaleka kindu kali kilala mba.

Ezekieli 46:10

Mwamihi alingira lwa avandu vingira, kandi alatula lwa avandu vatura.

Matayo 1:23

“Henza, mukaana mugima alavereka, naye aliivula umwana muyaayi, naye alagulikwa ‘Imanueli’ ” iliveeye kovora, “Nyasaye aveeye harara ni kunyi.”

Matayo 13:49

Galava kuli ndio mu ing'inga ye keheri. Zingelosi valatura, kandi valavukanyia avandu vachamu kutura ku avalungi;

Matayo 18:20

Kigira hoosi ha vavugani vaviri anoho vavaga ku lieta linage, inzi mbeeye hagati haavo.”

Matayo 24:3

Lwa Yeso yaali niyikaye mu Kiguru cha Mizeituni, aviigi veve vaza kuye machiriri nivamuteeva, “Kovolere, ivindu yivi vilakakoleke ing'inga ki? Ni kelolekizu ki ikilimanyia iliiza liilio, kandi ekeheri chi lirova?”

Matayo 6:13

Utakuhila mu magerizu mba, navuzwa ukutulizi mu kigira uvwami, ni zinguru ni vivio, mihiga ni mihiga’

Marko 16:20

Aviigi vazia kwilwaza muvivala viosi. Mwami yayinzira harara navo, nadinyiriza amakuva gaavo ni vilolekizu vialondekana navo.]

Vikolwa 2:42

Yava vosi vamenya harara nivigaa ku avatumwa, komenya harara mu vuhambani mu vusangi, komeganyia mugadi kandi mu lisaala.

Vikolwa 20:27

Sindaleka kali hakuzu kumulandizira makuva gi lienya liosi lia Nyasaye.

1 Vakorintho 11:2

Kalunu nzizominyaa munyi kigira munzizulizaa kazozo mu vindu viosi, kandi mulonda ligali amigizu ga ndaamuha.

1 Vakorintho 11:23

Inzi ndaanyoora amigizu kutura ku Mwami agambezaa munyi: ndi Mwami Yeso, mu vudiku yivwo vwa yazaamwa, yavugula mugadi,

1 Vakorintho 14:37

Niiva umundu woosi aliganagana kuva muporofeti anoho ave ni kihanwa cha Roho, gaduukanaa amanye ndi ga mung'oderaa gaveeye amalago gu Mwami.

Kwidzulitsa 12:32

“Mukore goosi aga mali kumulaga; mutameeda kindu choosi kugo anoho kutuliza ku kindu choosi mba.

Kwidzulitsa 5:32

“Avandu va Isiraeli, mugelihi mulindi mukore goosi aga Yahova Nyasaye winyu amali kumulaga. Mutavula kuhulira lilago liosi ku malago geege mba.

Vakolosai 1:28

Kunangwa kwilwazaa Kristo ku vandu vosi kutumikira vogeri vwosi kuviganihiza kandi kuvigiza, kuduuki koleta vuli mundu imbiri wa Nyasaye, kuli mundu muduukiru mu Kristo.

Joshua 1:5

Joshua, mundu kali mulala sialakakuguuti mu livamwoyo liilio liosi mba. Ndava harara niivi kuli ndaali na Musa. Ndava niivi kazozo; sindakoleka kali hakuzu mba.

2 Petro 3:2

Nyenya munyi mwizurizi amakuva gavoolwa na vaporofeti vatakatifu lwimbiri ni lilaga liu Mwami oveeye Muhonyi, lia mwahevwa kuvitira mu vatumwa vinyu.

Likunula 1:18

Mbeeye oveeye mwoyo! Ndaali ni ndaakuza, navuzwa, kalunu mbeeye mwoyo mihiga ni mihiga. Mbeeye nu vunyali ku likuza kandi ku kivala chavakuzu.

Likunula 22:14

Vaveeye nuvugasu avogizaa zinguvu ziavo, vaduuki kulia amakuyu gu musaala gwi livamwoyo kandi kwingira mu virivwa nu kuduuka mu lidaala linene.