Matayo 28:2 - KITABU KITAKATIFU

² Nonoho, liali ho ilidegera linene lie kivala; engelosi wu Mwami yika kutura mwigulu, nagomagominya iligina, ma niyikara ku.

Matayo 28:2 ပူးပေါင်းရင်းမြစ်များ

Matayo 27:60

naguviika mu kilindwa chiche kihia cha yaali navaazi mu lwanda ludinyu. Maku yagomagominya iligina ilinene nakunika ha vwingiliru vwi kilindwa ma nazia.

Matayo 27:66

Kunangwa vazia ni vasingilira ikilindwa ni vaviika umuhuri ku ligina, no koleka ho avasikari va lindi.

Yohana 20:1

Mugambazuri mu mavwevwe, lidiku lia Jumapili, isi nikikiri imwamu, Maria Magadalena yazia ha kilindwa, nalora ligina liali ku kilindwa lituliziywi ku.

Vikolwa 16:26

Nonoho haali ni lidegera linene lie lirova, nilidengeyiza misingi ju vuhambe, viliango viosi vigulika, ni minyororo jaavoholoka nijitonya kutura ku vahambe

Vikolwa 5:19

Navuzwa vudiku yivwo engelosi wu Mwami yigula virivwa viu muvuhambe, naavimilira kutura ichova, na avavoolera,

1 Petro 1:12

Nyasaye yavulira avaporofeti yava ndi, miyinzi jaavo sijali kigira madanyi gaavo aveene mba, navuzwa kigira munyi, kandi kuli mwahulira vatumwa avamwilwazira Makuva Malahi mu zinguru zia Roho Mutakatifu uwatumwa kutura mwigulu. Ivindu yivi nivio vie zingelosi venyeleriza nu vuha kuvimanya.

Likunula 11:19

Litembeli lia Nyasaye iliveeye mwigulu ligulwa. Lisandugu Litakatifu lia amalago geege lie lilagana lialoleka. Maku, liali ho nilihemahema lie zimbeni, ni mioyo, ni lihirigana lie zinguba, ni lidegera lie lirova, ni imbura ya magina manene.