Matayo 28:18 - KITABU KITAKATIFU

¹⁸ Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Matayo 28:18 ပူးပေါင်းရင်းမြစ်များ

Zaburi 89:19

Ivi wavoolera mu malola mutumikiri woovo musuuvirifu, mu madiku ga kale, “Inzi mali kuhaana ovokonyi ku musikari muguuti; mali kuhaana uvwami ku mulala wa inzi mali kotovola kutura mu avandu.

Zaburi 89:27

Ndamukora ave muyaayi wange wimbiri, kandi mwami munene ligali kuvita avami vosi.

Tsing'ano 8:15

Ngonyaa vami kwamiiha kandi vamiihi kolomba malago malahi.

Matayo 11:27

“Baba wange ombeeye ivindu viosi. Siaveeyeho nu mulala umanyi Umwana, natali Baba, kandi siaveeyeho nu mulala umanyi Baba natali Umwana, kandi ku vosi vu Umwana atovoraa kuvuula Baba weve kuvo.

Matayo 16:28

Muvooleraa agiligali, vaveeye ho valala ku avasingiyi hano avalivula kolola ilikuza kuduuka lwu Umwana wa Adamu alakaze kuli Mwami Munene.”

Matayo 26:64

Yeso yamuvolera, “Ivi ovola ndio. Navuzwa mbolera munyi mwosi: kutura ing'inga yene yiyi kuzizagilira, mulalora Mwana wa Adamu ni yikaye ku mukono mulungi gwa Nyasaye Wuvunyali, kandi ni yaazaa ku malesi gu mwigulu.”

Luka 10:22

“Baba wange ombeeye vindu viosi. Sihaveeyeho numulala umanyi mwana nivwaha, natali Baba, kandi sihali nu umanyi Baba nivwaha, natali Mwana, kandi ku vosi wu Mwana atovoraa ku muvuulira.”

Yohana 13:3

Yeso yamanya ndi, Baba weve umali kuviika vindu viosi hasi hi zinguru zizie, kandi yamanya ndi yatura ku Nyasaye kandi yirana ku Nyasaye

Yohana 17:2

Kigira waha Mwana woovo uvunyali ku avandu vosi aduuki kuhaana livamwoyo litahera mba ku yavo vosi vawamuha.

Yohana 3:31

Uyu uza kutura mwigulu aveeye munene kuvita vosi; uyu uza kutura mu kivala aveeye wikivala, kandi amolomaa vindu vie kivala. Navuzwa uyu uzaa kutura mwigulu nu munene kuvita vosi.

Yohana 3:35

Baba ayaanza Mwana weve kandi umali kuviika vindu viosi hasi hu vunyali vwivwe.

Vikolwa 10:36

Yili ni likuva lia Nyasaye yaahilira avandu va Isiraeli, ni yilwaza Ivangeri yi mirembe kuvitira mu Yeso Kristo, oveeye Mwami wa vosi.

Vikolwa 2:36

“Avandu vosi ava Isiraeli gavadukiraa vamanye ligali ndi Yeso uyu wa munyi mwavamba, niyie wa Nyasaye amali kokora ave Mwami kandi Mesia.”

Varumi 14:9

Kristo yakuza, nasimuguka kandi, aduuki kuva Mwami wa vaveeye mwoyo kandi wa vakuzu.

1 Vakorintho 15:27

Amang'oda Matakatifu gavoora, “Nyasaye yavika vindu viosi hasi hi virenge vivie.” Gaveeye vuzwa havulavu ndi amakuva, “Ivindu viosi” sigavolaa ndi Nyasaye siaveeye mulala ku vindu viosi viayaviika hasi ha Kristo mba.

Vakolosai 2:10

kandi mumali kohevwa uvudukiru vwosi vwi livamwoyo mu Kristo. Aveeye umutwi gwa roho jamiihaa kandi aveeye nuvunyari vwosi.

Vahebraina 1:2

Navuzwa mu madiku gu kumaliriza yaga umali kovolerana ni kunyi kuvitira mu Mwana weve wayatovola kuva mwene vindu viosi mu limalirika, kandi kuvitira muye yalomba ligulu ni lirova.

Vahebraina 2:8

kandi wavika vindu viosi isi wi virenge vivie, aviamiihi.” Makuva yaga gaveeye kovora ndi, Nyasaye yalomba mundu ave “Mwami ku vindu viosi,” yaga gavoora havulavu vindu viosi vugira koleka kindu kali kilala. Kuli gaveeye, sikololaa mundu niyamihaa vindu viosi kalunu mba.

1 Petro 3:22

naye umali kuzia mwigulu ku mukono mulungi gwa Nyasaye, yamiha zingelosi harara nu vunyali kandi zinguru ziosi ziu mwigulu.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 19:16

Ku iganza yeeye nu ku litango lilie, kwaali nikong'odeywe ilieta “Mwamihi wa avamihi, kandi mwami wa avami.”