Matayo 27:41 - KITABU KITAKATIFU

⁴¹ Avasaalisi vanene harara na avigizi vi Lilaga kandi avakulundu navo vamukolera ekehenyahenye nivavoora,

Matayo 27:41 ပူးပေါင်းရင်းမြစ်များ

Ayubu 13:9

Niiva Nyasaye yakahenzerizi mu liiva lienyu liosi, mulaloreka valungi imbiri weve? Muganaganaa munyala kugaada Nyasaye kuli mugadaa vandu?

Zaburi 35:26

Leka yavo avasangalira uvusaliri vwange, vaguutwi ligali kandi vadandanywi. Leka yavo avevoora vaveeye avalahi kuvita inzi vaduuki mu lilegwa.

Isaya 28:22

Mutaseki lieganihiza lia muheezaa mba! Niiva mulakola ndio, vulave vudinyu ligali ku munyi kohononoka. Mali kuhulira litovola lia Yahova Wuvunyali aganagana kudiviza kivala choosi.

Isaya 49:7

Nyasaye Mutakatifu wa avandu va Isiraeli kandi muhonyi avooreraa mulala olegelizwa ligali, udunyirangwa ni zihiiri kandi oveeye mutumikiri wa avamihi ndi: “Avami vaavo valakolora noveeye muvoholore, kandi valaza nukuhaana uluyali ku ivi; Avanene kandi valakolola noveeye muvoholore kandi valasigama kukuha luyali.” Yaga galakoleka kigira Yahova umali kotovola mutumikiri weve, Mutakatifu wa vandu va Isiraeli alindaa malagano geege.

Zekaria 11:8

Si ndaali ni liekuzira na vayi vandi vavaga avandunyira mba. Ndavadiviza vosi ku mweli mulala.

Matayo 27:40

Vavoola, “Ivi si wavoola ulasambula Litembeli ma uliumbake kandi ku madiku gavaga? Wehonyie umwene. Niiva oveeye Umwana wa Nyasaye yika kutura ku musalaba!”

Matayo 27:42

“Yahonyia avandi, navuzwa sianyala kwehonyia umwene! Aveeye Mwami wa Isiraeli, kalunu niiva aliika kutura ku musalaba, kunyi kulamusuuvira.

Luka 18:32

Kigira alahaanwa ku avandu vizihiiri, navo valamukolera kehenyahenye, kandi vamunyege nu kumutuzira amate; valamukuya nizingova, kandi valamwita.

Luka 22:52

Maku Yeso yavolera avasaalisi vanene, avanene va valindi vi Litembeli, navakulundu, avaari ni vazi kumugumira ndi, “Munyingiliraa ni vivavi kandi nizimbimbu kuli mwingiliraa umunuuri?

Luka 23:35

Avandu vasingira ho nivahenza, lwa aviimiliri va Vayuda vamukolera kehenyahenye. Vavoola, “Yahonyia avandi, leki yehonyie umwene niiva aveeye Kristo wa Nyasaye amali kotovola.”