Matayo 25:41 - KITABU KITAKATIFU

⁴¹ “Alakavoolere avaveeye ku mukono gwigwe mumosi, ‘Tuli ku hizi munyi avalaamwa na Nyasaye! Muzie mu muliru gwi mihiga ni mihiga ugwalomberwa Setani harara ni zingelosi veve!

Matayo 25:41 ပူးပေါင်းရင်းမြစ်များ

Zaburi 119:115

Tuli ku inzi munyi avoni. Inzi ndahulira malago ga Nyasaye wange.

Zaburi 119:21

Ivi ogondokera avigingiri; leka yavo avatahuliraa malago googo valaamwe.

Zaburi 139:19

O, Nyasaye, ndakayanzi ivi witi avandu vachamu vosi! Ndakayanzi avarumindi vosi vatuli ku inzi.

Zaburi 6:8

Tuli ku inze, munyi avandu vadamanu! Yahova ahuliraa lisioma liange kigira ovokonyi.

Isaya 66:24

“Avandu vosi valazia nokohenza ku miviri jakuza jayavo avamala kwibaala ku inzi. Zing'ende zililia miviri jaavo na si zilakuza mba, kandi muliru guvasamba si gulasiminywa mba, kandi valava chu kuvihiliriza ku vandu vosi.”

Jeremia 17:5

Yahova avoora, “Ndakalagira oyo ugirung'anaa kutura ku inzi, kandi usuviraa mu mundu, kandi mu zinguru zizie.

Matayo 13:40

Kuli mavanze gavungizangwa harara ma gasambwa nu muliru, galava ndio mu keheri chi ing'inga yiyi.

Matayo 13:42

nukulaswa mu kisambiru chu muliru. Ahene yaho avandu valalira nu kudiedieyiza amiinu.

Matayo 13:50

na valasiuva avachamu zana mu kisambiru. Ahene yaho avandu valalira nu kudiedieyiza amiinu.”

Matayo 18:8

“Niiva mukono gugwo anoho kerenge chicho ni kikwikigitaliza ma vikolombe okole uvwoni uvikalage ma uvisiuvi ihale. Ni vulahi ivi kwingira mu livamwoyo vugira mukono anoho kerenge, kuvita kusiuvwa mu muliru gwi mihiga ni mihiga noveeye na makono gombi anoho ivirenge viombi.

Matayo 25:42

Kigira, ndaali ninzara na munyi simwamba ichukulia. Ndaali nu vuluhu na simwamba amazi.

Matayo 25:46

Kulwayago, valazia konyoora ikivi na maduywa gi mihiga ni mihiga, navuzwa avalungi valanyora livamwoyo lie mihiga ni mihiga.”

Matayo 3:12

Aveeye ne kesesero chiche mumukono gwigwe. Kandi alalaviza oloze lwilwe ligali, nuvuswage alateera mu kedeera, navuzwa umukuzi alagusaamba nu muliru gutasimikaa.”

Matayo 4:10

Ku Yeso yamuvolera, “Tula ku inzi, Setani! Kigira gang'odwa, ‘Ulasigamira Mwami Nyasaye woovo kandi ulamutumikira oyo yenyine!’ ”

Matayo 5:22

Navuzwa inzi muvooleraa: Mundu woosi uva nu vutima na amwavo weve alakalagirwa. Uyu onyegaa amwavo weve alahilwa mu kiyaalo. Mundu woosi ovolera amwavo weve: ‘Ivi oveeye musiru,’ aveeye mu vudinyu vwu kuzia mu muliru gwe gehena.

Matayo 7:23

Ahene yaho ndakavavolere, ‘Si mumanyi kali hakuzu, tuli imbiri wange, munyi avakolaa vudamanu!’

Luka 13:27

Navuzwa Mwami alakavoole, kandi ‘Muvooleraa agiligali, simanyi munyi muturaa hayi mba. Tuli imbiri wange, munyi vosi avaakoraa uvudamanu!’

Luka 16:24

Kunangwa, yahanzuka, ‘Baba Aburahamu! Omberere! Tuma Lazaro yiini esonga ye kedete chiche mu mazi na akindizi lulimi lwange, kigira mbeeye mu vusaliri vonene ligali mu lemo lwu muliru yilu.’

Yohana 8:44

Munyi muveeye avana vababa winyu Setani, nu uvulariri vwinyu ni okokora likayirwa lia baba winyu. Oyo yaali mulumindi kutura mulitanga kandi sianyala kusingira kolovega lwa agiligali mba, kigira agiligali sigaveeye muye mba. Choosi ichavoolaa cho vovehi avoora kuturana ni liiva lilie lia yalombwa nalio, kigira aveeye muvehi kandi ni baba wovovehi.

2 Vatesalonike 1:7

navuzwa munyi avakubizangwa ikivi mulanyola ovososi ni lielemereriza, kandi ku kunyi ndio. Alakola ndio lwu Umwami wiitu Yeso alolekaa kutura mwigulu harara ni zingelosi veve avizingulu,

2 Vatesalonike 1:9

Valahevwa mageri agaveeye lidivizwa lie mihiga ni mihiga kandi kwavukanywa kutura imbiri wu Mwami kandi kutulizwa mu vukumi vwi zinguru zizie.

Vahebraina 6:8

Navuzwa niiva lilamera amafa ni ikayongo anoho indiva ya matagalu siliveeye novokoonyi, kandi liveeye ahimbi kulaamwa na Nyasaye. Mu keheri chalio lilakasambwe nu muliru.

2 Petro 2:4

Nyasaye siyavererera zingelosi ziakola vwoni mba, navuzwa vazisiuva mu gehena, wazialindwa mukisundi nizivoheywe minyororo kuduuka likalagirwa.

1 Yohana 3:10

Kunangwa, nindio kumanya yavo avaveeye avana va Nyasaye, kandi yavo avaveeye avana va Setani. Umundu woosi utakola uvulungi vwa Nyasaye, kandi utayaanzaa amwavo weve, siaveeye umwana wa Nyasaye mba.