Matayo 25:40 - KITABU KITAKATIFU

⁴⁰ Mwami alakavativuliri, ‘Muvooleraa, choosi cha mwakolera mulala ku avamwavo vange avakeekeke yava, mwakolera inzi!’

Matayo 25:40 ပူးပေါင်းရင်းမြစ်များ

2 Samweli 9:1

Lidiku lilala Daudi yateva, “Aveeye ho nu mulala uwatigala ku vandu avinyumba ya Saolo? Niiva aveeye ho, ndakayanzi kumumanyia zimbavasi kigira Jonazani.”

2 Samweli 9:7

Daudi yamuvolera, “Utatia mba. Ndakoveera zimbavasi kigira baba woovo Jonazani. Ndakwiranyira mulimi gwosi gwaali gwa guuga woovo Saolo, na ivi ulingirizwa kulia chukulia komesa yange kazozo.”

2 Avami 4:10

Genda kwumbake akayumba kadi igulu wi inyumba yitu yiyi, kumuvikiri mu kidali, emesa, endeve kandi itaya, kunangwa ave unyala komenya mu lwa ava nakuluutaa.”

Tsing'ano 14:31

Mundu udambiza vadaka alegeliza Nyasaye wavalomba, navuzwa oyo oveeye ni zimbavasi ku vadaka ahaanaa luyali ku Yahova.

Tsing'ano 19:17

Mundu nahaana vindu vivie ku vadaka, gaveeye kuli kwegobiza Yahova, na Yahova alakwilanyira.

Jeremia 39:17

Navuzwa Inzi Yahova, ndakohonyia, kandi siulavikwa mu zinguru zia vandu va utizaa mba.

Matayo 10:40

“ Uyu uwingirizaa munyi, yingirizaa inzi, kandi uyu uwingirizaa inzi, yingirizaa uyu uwanduma.

Matayo 10:42

Ligali muvooleraa, ku vosi ulinwehiza mulala ku avakeekeke yava kisanda cha mazi makindu kigira aveeye umulondi wange, alakanyoole amadanyi geege.”

Matayo 18:10

“Mulole ndi muvuli kuchaya mulala ku vakekeeke yava inzi muvooleraa. Zingelosi ziavo mwigulu, ziveezaa imbiri wa Baba wange vuli kazozo. [

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Matayo 25:39

Ni ng'inga ki ya kwakolola noveeye umulwaye anoho mu vuhambe ma nikuza kokolola?’

Matayo 25:45

Umwami alakavavoolerc, ‘Muvooleraa, choosi cha mwavura kokolera mulala ku vakekeeke yava, mwavura kokolera inzi.’

Matayo 28:10

Maku Yeso yavavolera, “Mutatia mba! Muzie kovoolera avamwavo vange vazie Galilaya, valandolera yo.”

Marko 9:41

Ligali muvooleraa, ku vosi umuha ekekombe cha mazi munwi kigira muveeye harara ninzi, alanyoola amadanyi.”

Luka 19:38

Vavoola, “Nyasaye agaasizi Mwami Munene uza mu lieta liu Mwami. Mirembe jive mwigulu, nu uvukumi vove mwigulu igulu ku Nyasaye!”

Yohana 20:17

Yeso yamuvolera, “Utang'umira mba; Ngikiri kwanigira igulu wa Baba. Navuzwa zia ku avamwavo vange uvavoolere, ‘Nzirana ku uyu oveeye Baba wange kandi Baba winyu; Nyasaye wange kandi Nyasaye winyu.’ ”

Varumi 8:29

Yavo ava Nyasaye yatovola kutura mu litanga nivo ava yaahula vaduuki kuva kuli Mwana weve, kunangwa Mwana aduuki kuva wu kutanga hagati ha vamwavo vanyingi.

2 Vakorintho 4:5

Kunyi sikwilwazaa makuva giitu vene mba, navuzwa kwilwazaa Yeso Kristo oveeye Mwami, na kunyi aveene koveeye avatumikiri vinyu kulwa Yeso.

Vagalatia 5:13

Avaamitu vange, munyi muve vavoholore. Navuzwa ovovoholore vwinyu vutahaana uvwiyangu vwi liegomba liu muviri kumwamiiha mba, navuzwa mutumikirane aveene naveene mu vuyanzi.

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

Vagalatia 5:6

Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

Vafeso 5:30

kunyi koveeye vivero viu muviri gwigwe.

Vahebraina 6:10

Nyasaye siaveeye vugira vulungi mba! Sialivilira miyinzi jinyu ja mwakora, anoho vuyanzi vwinyu vwa mwalolekiza kuye novokoonyi vwa mwaha vandu va Nyasaye kandi mu kihaanaa ku Avakristayo vache vinyu, ma mukizizagiliraa kokoonya Avakristayo vache vinyu.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

1 Yohana 4:20

Niiva umundu woosi avoora, “Nyanza Nyasaye,” navuzwa adunyiraa amwavo weve, aveeye mugaadi. Niiva avula kuyaanza amwavo weve wa alolaa, anyala kuyaanza ndi Nyasaye wa atalolaa?

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 19:16

Ku iganza yeeye nu ku litango lilie, kwaali nikong'odeywe ilieta “Mwamihi wa avamihi, kandi mwami wa avami.”