Matayo 25:36 - KITABU KITAKATIFU

³⁶ Ndaali chahonyo na munyi mwambika izinguvu. Ndaali umulwaye na munyi mwandeenda. Ndaali muvuhambe, na munyi mwaza kondola.’

Matayo 25:36 ပူးပေါင်းရင်းမြစ်များ

Isaya 58:7

Musange viukulia vienyu harara na vaveeye ninzara kandi mwiguli zinyumba ku vadaka vatali na hango. Muhaane zinguvu ku yavo avatali nikindu chukwiviika, kandi mutasuula kokoonya aviiko vinyu mba.

Ezekieli 18:16

anoho kudambiza mundu woosi anoho kwiva, kandi atungi magovi geege, kandi ahaane viukulia ku vaveeye ninzara, kandi ahaane zinguvu ku vaveeye niviahonyo,

Ezekieli 18:7

Mundu uyu siadambizaa mundu woosi mba, navuzwa atungaa magovi geege; siaveeye munuri, navuzwa ahaanaa viukulia ku vaveeye ninzara, kandi ahaanaa zinguvu ku vaveeye niviahonyo.

Ezekieli 34:4

Si muhenderaa agaveeye amadedekere anoho kohonyia agaveeye malwaye mba, anoho si muvohelelaa agasaliraa anoho kwiranyia agavoyavoya anoho kohenza aga gotaa mba. Muvogono yivwo mumali kugamiiha ni zinguru kandi nu vululu.

Matayo 25:37

“Ahene yaho avalungi valakavoole, ‘Mwami, ni ng'inga ki ya kwakolola noveeye ninzara ma nikukuha ichukulia, anoho noveeye nu vuluhu ma ni kukuha ichukunwa?

Matayo 25:43

Ndaali umugeni na simwanyingiriza. Ndaali chahonyo na simwambika mba; ndaali umulwaye kandi mu vuhambe, navuzwa munyi simwaninda mba.’

Luka 3:11

“Oveeye ni zinguvu ziviri ahaane ku oyo utali nayo; na oveeye ni viu kulia akole ndio.”

Vikolwa 20:35

Inzi mali kumumanyia mu zinzira ziosi ndi, ku liyinzira vudinyu, gakuduukiraa kokoonye avadedekere, nikwizuliza amakuva gu Mwami Yeso mwene yavoola, ‘Lihaana liveeye nu vugasu kuvita livugula.’ ”

Vahebraina 10:34

Mwasanga mu likindukizwa harara na yavo avaari mu vuhambe, kandi mwa vugilira kunuurwa vindu vienyu, kigira mu manya vulahi ndi munyi aveene muveeye ni vindu vilahi ligali kuvita, navio ni vitahera mba.

Vahebraina 13:3

Mwizurizi yavo avaveeye muvuhambe, kuli avamuvoheywi harara navo. Mwizurizi yavo avakubaa kivi kuli musaliraa navo.

Yakobo 1:27

Lisuuvira lilahi litaveeye nu vudamanu imbiri wa Nyasaye Baba wiitu ni yili: kokonya avavisandu na vakunzakali mu likuba ikivi liavo, nu kwilinda ligali umwene avuli kwononywa ni ivindu vie kivala.