Matayo 25:35 - KITABU KITAKATIFU

³⁵ Ndaali ninzara na munyi mwamba chu kulia; ndaali nu vuluhu na munyi mwamba chu kunwa. Ndaali umugeni na munyi mwanyingiriza.

Matayo 25:35 ပူးပေါင်းရင်းမြစ်များ

1 Avami 17:11

Lwu mukali uyu yaali nazizaa kumuletera, mazi yamulanga navoora, “Kandi nuyanza ondetere mugadi.”

Ayubu 31:32

Ndaagenihiza avandu vokologendo munyumba yange, na sindavaleka vagone kuzinzira mba.

Tsing'ano 14:21

Mundu uchayaa mutende weve akolaa uvwoni, navuzwa aveeye nu vugasu oyo oveeye nizimbavasi ku vadaka.

Tsing'ano 14:31

Mundu udambiza vadaka alegeliza Nyasaye wavalomba, navuzwa oyo oveeye ni zimbavasi ku vadaka ahaanaa luyali ku Yahova.

Tsing'ano 19:17

Mundu nahaana vindu vivie ku vadaka, gaveeye kuli kwegobiza Yahova, na Yahova alakwilanyira.

Tsing'ano 22:9

Mundu oveeye muhaani alagasizwa kigira ahaanaa viukulia vivie ku vadaka.

Tsing'ano 25:21

Niiva vasigu vovo vaveeye ninzara, uvahe chukulia; nivaveeye nuvuluhu, uvahe chavanwa

Ezekieli 18:16

anoho kudambiza mundu woosi anoho kwiva, kandi atungi magovi geege, kandi ahaane viukulia ku vaveeye ninzara, kandi ahaane zinguvu ku vaveeye niviahonyo,

Ezekieli 18:7

Mundu uyu siadambizaa mundu woosi mba, navuzwa atungaa magovi geege; siaveeye munuri, navuzwa ahaanaa viukulia ku vaveeye ninzara, kandi ahaanaa zinguvu ku vaveeye niviahonyo.

Danyeli 4:27

Kunangwa O, Mwami, olonde miigizu gange oleke kokora uvwoni, okole gaveeye malungi kandi ove nizimbavasi ku vadaka. Maku ulazizagilira kuva mu vutugi vunyingi.”

Mika 6:8

Awa, Yahova umali kokovoolera agaveeye amalahi. Aga yenya kutura ku kunyi ni yaga: Kokora uvulungi, kumanyia uvuyanzi vutaveeye nekeheri, nokomenya mu liegehiza harara na Nyasaye wiitu.

Matayo 25:40

Mwami alakavativuliri, ‘Muvooleraa, choosi cha mwakolera mulala ku avamwavo vange avakeekeke yava, mwakolera inzi!’

Matayo 26:11

Munyi mulava na vadaka vuli kazozo, navuzwa simulava ninzi amadiku goosi mba.

Marko 14:7

Munyi muvezaa na avadaka vuli kazozo, na munyala kuvakonya ing'inga yoosi ya muyanzaa.

Luka 11:41

Navuzwa, muhaane vindu eveeye mugati mwi vikombe kandi mu zisahani ku ni ivindi viosi vilava vilahi ku munyi.

Yohana 13:29

Kigira Yuda yaali muviiki wa mabese, avalala kuvo vaganagana Yeso ya muvooleraa azie kugura vindu vienyeka mu lisavo, anoho ahaane kindu choosi ku avadaka.

Vikolwa 10:31

navoora: ‘Korinelio! Lisaala liilio ni zisadaka zizio ku vadaka vivugiliywi na Nyasaye.

Vikolwa 11:29

Avandu avasuuviraa yavo vatovora kuhila kindu choosi cho vokonyi, sa mulala kuli anyala, ku avamwavo vamenya Ivuyuda.

Vikolwa 16:15

Inyima wu mukali oyo harara navinyumba yeye vaali nivakabatizwa, yakwingiriza navoora, “Hambi mumenye munyumba yange niiva mumali kolola ndi mbeeye musuuviri wiligali mu Mwami. Yakogoonya kuzie naye.”

Vikolwa 4:32

Kiduma choosi cha vandu vasuuviri vaali harara nu mwoyo mulala kandi niziganagani zindala. Sihaaliho nu mundu kali mulala kuvo uwalola kindu cha aveeye nacho kuva ni chiche yeng'ine mba. Navuzwa vasanga nukugavulana vindu viosi via vaali navio keleng'ani.

Varumi 12:13

Mukoonye Vakrisitayo vache mu vudaka vwavo. Muve avingirizi vavageni kandi avihuli vizinyumba zienyu.

Varumi 12:20

Kuvita yaga, mang'oda gavoora: “Musigu woovo naava ninzara, umuhe chukulia; Naveeye nuvuluhu, umuhe chukunwa. Kigira mu likora ndio ulamukola ave nizisoni mwene.”

Varumi 16:23

Mugenihizi wange Gayu, kandi wi likanisa livuganiraa munyumba yeeye, amuchelizi. Erasito, umuviiki wi miandu ji lidaala linu, harara na Kwaritasi amiitu wiitu, vamuchelizi. [

Vafeso 4:28

Mundu wivaa atiiva kandi mba, navuzwa nivulahi adidikane, ayinziri na makono geege, akole kindu keveeye chuvusuuvirifu, kandi aduuki kuva mundu unyala kokonya mudaka.

Filemona 1:7

Amiitu wange umuyanze ndaali nu vusangali uvunyingi kandi kelema mwoyo kigira uvuyanzi vuvwo! Ivi umali kusangaliza mioyo ja vandu va Nyasaye.

Vahebraina 13:16

Mutivilira kokora vulahi kandi kokonyana aveene naveene, kigira yivi nivio visiuviliru viyanziza Nyasaye.

Vahebraina 6:10

Nyasaye siaveeye vugira vulungi mba! Sialivilira miyinzi jinyu ja mwakora, anoho vuyanzi vwinyu vwa mwalolekiza kuye novokoonyi vwa mwaha vandu va Nyasaye kandi mu kihaanaa ku Avakristayo vache vinyu, ma mukizizagiliraa kokoonya Avakristayo vache vinyu.

Yakobo 1:27

Lisuuvira lilahi litaveeye nu vudamanu imbiri wa Nyasaye Baba wiitu ni yili: kokonya avavisandu na vakunzakali mu likuba ikivi liavo, nu kwilinda ligali umwene avuli kwononywa ni ivindu vie kivala.