Matayo 25:24 - KITABU KITAKATIFU

²⁴ “Navuzwa oyo uwahevwa ekegero kilala chi talenta yaza navoora, ‘Mwami, ndaamanya ivi oveeye mundu mululu. Ogesanga ha wavula kutaga, kandi uvungiza ha wavula kusalanyia.

Matayo 25:24 ပူးပေါင်းရင်းမြစ်များ

Isaya 58:3

Avandu vateva, “Kigira ki kunyi kohonge lilia niiva Yahova sialola mba? Kigira ki kwegehiza niiva ivi si uvugulaamu logendo mba?” Yahova avavolera, “Agiligali gaveeye ndi, ku ing'inga ndala nzere ya muhongaa lilia, munyi mwenya vuzwa lieyanziza lienyu aveene, ni mudambiza avayinziri vinyu vosi.

Jeremia 2:31

Munyi avandu va Isiraeli, muhulirize agambooraa. Inzi mali kugwa kuli changalangwi ku munyi, kandi kuli kisundi ligali kandi kivala chu vuhimwa? Kigira ki muvooraa ndi mulakola kuli gamuyaanzizaa, kandi simunyala kwirana ku inzi mba?

Matayo 18:24

Lwi livaliza liatanga, yaleetelwa umundu mulala uwaali ni ligovi lie zitalenta zielefu likomi.

Matayo 20:12

ni vavoola, ‘Avandu vasamuyi inyima yava vakoli miyinzi ku isa ndala vuzwa. Kigira ki koheveywi mutungu mulala navo, na kunyi kwikuziyi ku mbasu mululu lidiku liosi ni kuyinzira?’

Matayo 25:25

Inzi ndaatia ma ninzia kuvisa vudinyu italenta yooyo mu marova. Henza! Ngiyi iyaali iyooyo; givuguli.’

Matayo 25:26

“Mwami weve yamutivulira, ‘Ivi umutumikiri mudamanu kandi mugata! Wamanya inzi ngesaa aha ndaavura kutaga, kandi mbungizaa aha ndaavura kusalanyia uvuguza.

Matayo 7:21

“Si vaveeye vosi avamboleraa, ‘Mwami, Mwami,’ avalingira mu Vwami vwu mwigulu; navuzwa ni yavo avakolaa uvulariri vwa Baba wange oveeye mwigulu veng'ine.

Luka 15:29

Navuzwa yamutivulira, ‘Henza, mihiga yiji josi ndakuyinzilira kuli mutugwa, na ngikiri kuvunaga ku malago googo kali lilala mba. Na ivi ukiri kumba ku kali kememe chi imburi ndala nainzi nombe lilia harara navalina vange mba!

Luka 19:13

Kunangwa, yalanga avatumikiri veve likomi, navaha zikilo likomi zie feza. Yavavolera, ‘Muviiki yizi ku miyinzi, kuduuka lwa nzirana.’

Luka 6:46

“Kigira ki munyi mulangaa inzi, ‘Mwami, Mwami,’ navuzwa simukola agamuvoolera mba?

Varumi 8:7

Oyo wamiifwa ni zing'anagani ziu muviri aveeye musigu wa Nyasaye; siatizaa Lilaga lia Nyasaye, kandi sianyala kulitia mba.

Varumi 9:20

Navuzwa ligali ivi oveeye vwaha uluviliraa kwilanyira Nyasaye amativuli? Inyingu sinyala koteeva umulongi wayo, “Kigira ki wanomba kuli ndi?”