Matayo 24:5 - KITABU KITAKATIFU

⁵ Kigira avanyingi valaza ni vatumikira ilieta liange ni vavoola, ‘Inzi niyie Mesia!’ Navo valagotiza avandu vanyingi.

Matayo 24:5 ပူးပေါင်းရင်းမြစ်များ

Jeremia 14:14

Navuzwa Yahova yativura, “Avaporofeti yavo vavoola ovovehi mu lieta liange; Inzi si ndaavatuma mba, anoho si ndaavalaga anoho kuvavoolera likuva kali lilara kuvo mba. Amalola gavaporofeta si gaturaa ku inzi mba. Ovoporofeti vwa amalola gaavo voveeye vindu via vuzwa kandi vwi zing'anagani ziuvugadi.

Jeremia 23:21

Yahova yavoola, “Sindaatuma vaporofeti yava mba, navuzwa kalindio vazia. Sindaavaha likuva liosi mba, navuzwa vamoloma mulieta liange.

Jeremia 23:25

Ndaamanya vaporofeti yavo kovora avavoora ovovehi mu lieta liange kandi vekola ndi inzi mali kuvaha amakuva gange mu maloto gaavo.

Jeremia 37:9

Inzi Yahova, mwiganihizaa muvuli kwigaada aveene ni muganaganaa ndi avandu va Babiloni valavula kuuza, valaza.

Matayo 24:11

Avaporofeti vovovehi avanyingi valaza na valagotiza avandu vanyingi.

Matayo 24:24

Kigira valatulira mesia vovovehi, na vaporofeti vovovehi. Valakola ivilolekizu vinene vaduuki kugaada kali avatovole va Nyasaye, niganyalika.

Yohana 5:43

Inzi mali kuuza nu vunyali vwa Baba wange, navuzwa munyi si mu nyingilizi mba. Navuzwa mundu wundi niyazaa ku vunyali vwivwe mwene, munyi mulamwingiriza vwangu.

Yohana 8:24

Yiki nicho kivuni chagira nimuvoolera ndi, mulakakuziri mu vwoni vwinyu. Mulakakuziri mu vwoni vwinyu niiva si musuuviraa ndi ‘Inzi mbeeye wa inzi mbeeye.’ ”

Yohana 8:28

Kunangwa Yeso yavavolera, “Lwa muliiva nimwakaginga Mwana wa Adamu igulu ku musalaba, ulwene yilwo nilwo lwa mulimanya ndi, ‘Inzi niyie,’ kunangwa mulakamanye ndi inzi sinyala kokora kindu choosi ku vunyali vwange mwene, navuzwa mboraa vuzwa aga Baba yanzigiza geng'ine.

1 Yohana 2:18

Avana vange, ing'inga ye keheri eveeye himbi; kandi kuli mwahulira umusigu wa Kristo yaazaa; kali kalunu avasigu va Kristo avanyingi vamali kololeka, ku yaga kumanya ni ing'inga ye keheri eveeye himbi.

1 Yohana 2:22

Nivwaha oveeye mugaadi? Ni uyu wambakanaa ndi Yeso aveeye Mesia, umundu kuli uyu aveeye umusigu wa Kristo. Yambakana Baba kandi Mwana.

1 Yohana 4:3

Navuzwa mundu woosi uvula kwiyama Yeso, siaveeye na Roho wa Nyasaye mba. Yigwo ni roho gwu musigu wa Kristo, gwa mwahulira guzaa; kali kalunu goveeye mu kivala.

Likunula 13:8

Avandu vosi avamenyaa mu lirova valakisigamira, nivatali avamita gaavo gang'odwa mu kitabu chi livamwoyo chu Mwana wi Ligondi witwa; kutura lirova nilikikiri kolombwa.