Matayo 24:48 - KITABU KITAKATIFU

⁴⁸ Navuzwa naava mutumikiri mudamanu, alevoolera umwene mu mwoyo gwigwe, ‘Mwami wange akizia,’

Matayo 24:48 ပူးပေါင်းရင်းမြစ်များ

2 Avami 5:26

Navuzwa Elisha yavoola, “Sindaali yo mu Roho lwa musaza oyo yatura mu ligare lie liihi lilie kukwaganira? Yiyi sieveeye ing'inga yu kuvugilira mabese ku zinguvu, milimi ji mizeituni ni vizabibu, magondi ni zing'ombe anoho avatumikiri!

Kohelethu 8:11

Lwi likalaga liu vudamanu livulaa kwekoleka vwangu, vandu vetegeka kokora vudamanu.

Isaya 32:6

Mundu musiru alavoora uvusiru, kandi aganagana kokora vindu vidamanu. Goosi agakolaa kandi agaavoola gaveeye gu kuvihiliriza ku Yahova, kandi si ahaanaa viukulia ku avaveeye ninzara anoho siahaanaa ku avaveeye nu vuluhu kindu chu kunwa mba.

Ezekieli 12:22

Yavoola, “Mwana wu Mundu, ni lugano ki lwa umali kuva nalwo yilu kigira kivala cha vandu va Isiraeli, ‘Madiku gameedeka kandi vuli malola si gatwekizangwa mba?’

Ezekieli 12:27

“Mwana wu Mundu, avandu va Isiraeli vaganagana ndi malola googo kandi voporofeti vuvwo voveeye kigira madiku gaaza.

Matayo 18:32

Mwami yalanga mutumikiri oyo namuvolera, ‘Ivi oveeye mutumikiri mudamanu ligali! Ivi wangonya ma ningusamiiha iligovi liilio liosi!

Matayo 24:47

Agiligali muvooleraa, alaviika mutumikiri oyo asingiliri ivindu vivie viosi.

Matayo 24:49

ma atange kukuya avatumikiri vache, kandi kulia nu kunwa harara na vahambiki,

Matayo 25:26

“Mwami weve yamutivulira, ‘Ivi umutumikiri mudamanu kandi mugata! Wamanya inzi ngesaa aha ndaavura kutaga, kandi mbungizaa aha ndaavura kusalanyia uvuguza.

Marko 7:21

Kigira ivitulaa mugati mu mwoyo gwu mundu vituraa mu zing'anagani zindamanu izimwimiliraa kokora uvudamanu zing'ano ziosi, ukunuura, ukwita, livolizana,

Luka 12:45

Navuzwa, niiva mutumikiri oyo alaganagana mu mwoyo gwigwe nokovoora, ‘Mwami wange alindagiyi kwirana,’ ma atange kukubaga avatumikiri vandi avikisaza na avikikali, atange kulia nu kunwa nukuhambika.

Luka 19:22

Mwami weve yamutivulira, ‘Ivi mutumikiri mudamanu ndatumikira makuva googo ivi mwene kukukalagira. Ivi wamanya inzi mbeeye mundu mululu, mbugura chandavula kuviika kandi ngesaa aha ndaavura kumiza?

Yohana 13:2

Yeso harara na aviigi veve, vaali komesa nivalizaa chukulia cha mugolova. Setani yaali namali kuviika mu mwoyo gwa Yuda muyaayi wa Simoni Esikarioti zing'anagani ziu kuzaama Yeso.

Vikolwa 5:3

Petero yamuteeva, “Anania, kigira ki oleki Setani akwamihi mu mwoyo gugwo uduuki kovoolera Roho Mutakatifu ovovehi, mu livaasa kedonye cha mabese gonyooye ku mulimi?

Vikolwa 8:22

Kigira yaga wiganiri uvudamanu vuvwo yivu, usaale Mwami, aduuki kukusamiiha mu liganagana kindu kuli yiki.

Kwidzulitsa 15:9

Mutasuula kumwegobiza kindu kigira muhiga gwa magovi gasamifwa goveeye ahimbi mba. Mutaleka zing'anagani zindamanu kuli yizi zingili mu zing'anagani zienyu mba. Niiva musuraa kumwegobiza, alalira ku Yahova kigira munyi, na munyi mulanyoleka ni lihiolo.

Kwidzulitsa 9:4

“Inyima wa Yahova Nyasaye winyu amala kumukungira avandu yavo, mutavooli mu mioyo jinyu ndi ‘Gaveeye kigira uvulungi vwitu mba, Yahova yakoleta kuvuguli kivala yiki.’ Awa, Yahova azizaa kukunga avandu vizihiiri yizi vatuli imbiri winyu kigira uvudamanu vwavo.