Matayo 23:39 - KITABU KITAKATIFU

³⁹ Kutura kalunu ngovolera agiligali, si ulandola kandi kuduuka lwa ulivoola, ‘Nyasaye agaasizi uyu uzaa mu lieta liu Mwami.’ ”

Matayo 23:39 ပူးပေါင်းရင်းမြစ်များ

Zaburi 118:26

Nyasaye agaasizi umwami wingiraa mu Litembeli mu lieta lia Yahova! Kugasiza munyi kutura mu Litembeli lia Yahova!

Hosea 3:4

Mu liiva kuli yili avandu va Isiraeli valakamenye ku ing'inga indambi vugira avami anoho aviimiliri, vugira visiuviliru anoho magina gizitiilu matakatifu, vugira vifananyi viu kutumikira ku vusigitiri.

Zekaria 12:10

“Ndakahaane ku visukululwi via Daudi harara na vandu vandi va Jerusalemi Roho wi zimbavasi kandi Roho wi lisaala. Valakahenze ku oyo wavatoza nakuza, kandi valakamusiomere kuli mundu asiomeraa mwana weve mudelwa. Valakasiome vululu kuli yavo avasiomera mwana wavo muyaayi wukutanga wa vamali kogotiza.

Matayo 21:9

Kiduma cha avandu valala vaamwimilira na avandi nivamulonda inyima. Vataanga kuhanzuka nivavoora, “Hosana ku Umwana wa Daudi! Agasizwi uyu uzaa mu Iieta liu Mwami! Yizominywi Nyasaye oveeye yigulu mwigulu!”

Luka 17:22

Maku yavolera aviigi veve, “Amadiku gaaza lwa muliegomba kolola lidiku lilala ku madiku gu Mwana wa Adamu, navuzwa simulililola mba.

Yohana 14:19

Mu ing'inga engekeeke, avumukivala si valandola kandi mba navuzwa munyi mulandola; na kigira inzi mbeeye mwoyo, munyi kandi mulava mwoyo.

Yohana 14:9

Yeso yamuvolera, “Filipo, menyi nimunyi zing'inga yizi ziosi, na ivi ukikiri kumanya? Uyu umali kolola inzi, aloli Baba. Kigira ki ovola ndi: ‘Kumanyie Baba?’

Yohana 8:21

Yeso yavolera Avafarisayo kandi, “Inzi nziza ihale na munyi mulakanyenye, navuzwa mulakakuziri mu vwoni vwinyu. Wanzinzia simunyala kuuza yo mba.”

Yohana 8:24

Yiki nicho kivuni chagira nimuvoolera ndi, mulakakuziri mu vwoni vwinyu. Mulakakuziri mu vwoni vwinyu niiva si musuuviraa ndi ‘Inzi mbeeye wa inzi mbeeye.’ ”

Yohana 8:56

Aburahamu baba winyu yasangala kolola lidiku lie liza liange; yalilola kandi yayanza.”

Varumi 11:25

Gaveeye agiligali gumuvuvisi, aganyenyaa munyi avaamitu vange mumanye; galamukola muvuli kuganagana ndi kuli muveeye avageri. Uvudinyu vwi mioyo ja vandu va Isiraeli sivoveeye vwukuhindira mihiga, navuzwa vulava ho vuzwa kuduuka lwa vandu vi zihiiri vosi vaza ku Nyasaye.