Matayo 23:35 - KITABU KITAKATIFU

³⁵ Kulwa yaga, amaduywa goosi galava ku munyi kigira amasahi ga valungi agaatahizwa mu lirova. Yee, kutura ku liitwa lia Habili utaali na mahiolo kuduuka ku liitwa lia Zakaria, umwana wa Berekia, wa mwitira hagati hi Litembeli nu vwali.

Matayo 23:35 ပူးပေါင်းရင်းမြစ်များ

Litanga 4:8

Maku Kaini yavolera Habili amwavo weve, “Genda kuzie kogenda mu mulimi.” Lwa vaali nivaveeye uwene yeyo, Kaini yingilira Habili amwavo weve ma namwiita.

2 Avami 21:16

Mwami Manase yita avandu vanyingi ligali avaari vugira kisaalia, kuduuka kali zinzira zia Jerusalemi zidorokaa amasahi; yakola yaga komeeda ku limilira avandu vi Ivuyuda mu lisigamira vifananyi navakola kokora uvwoni imbiri wa yahova.

2 Avami 24:4

na kuvita ligali kigira avandu va yaali ni yita avatali ni kisaalia kuvo. Yahova siyaali unyala kusamiha Manase ku yaga mba.

Isaya 14:21

Muleke liitwa litange! Avana vu mwami uyu valakuza, kigira uvwoni vwa avaguuga vaavo. Siaveeye ho kali mulala uliamiiha lirova mba anoho kwumbaka amadara amanene mu lirova mba.”

Isaya 26:21

Yahova yaazaa kutura mu vomenyo vwivwe vwu mwigulu ukuhaana mageri ku avandu vu mulirova kigira uvwoni vwavo. Avandu aviita vandi mu vwivisu ku lirova valavulika, kandi lirova sililavisa yavo avamala kwitwa mba.

Jeremia 2:30

Ndaamuha amageri, navuzwa yago goosi sigali kindu ku munyi mba. Simwambugirira kumulungikiza mba. Kivavi chiinyu aveene kimali kwita avaporofeti vinyu, kuli isimba induru yukwononyia.

Jeremia 2:34

Mumali kwita vandu vadaka avataveeye nimbala; si mwavanyoola ni vaveeye a viguliri kandi a vivi mba. “Navuzwa mu likora yaga goosi, muvooraa,

Jeremia 26:15

Navuzwa mumanye yaga: niiva mulanzita, munyi navandu vilidaala yili mulava nilihiolo liukwita umundu utaveeye nimbara, kigira ni Yahova uwanduma nduuki kumwiganihiza.”

Jeremia 26:23

Vamuleeta ku mwami Jehoyakimu, uwamwiti ni kivavi na muviri gwigwe gwasiuvwa havundu havulavu havayavira vakuzu.

Jeremia 26:8

kandi lwandaali nindakamara komoloma goosi aga Yahova yaali niyandagi kovora, vangumira nivahanzuka, “Gakuduukiraa witwi kulwayaga!

Zekaria 1:1

Mu mweli gwa munane, mu muhiga gwa kaviri lwa Dariasi yaali mwami wi kivala cha Pasia, Yahova yahaana makuva yaga ku muporofeti Zakaria, muyaayi wa Berekia, waali mwisukulu wa Ido.

Livalidza 35:33

Niiva mukoraa yaga mulonogonyia kivala cha mumenyi mu. Vulumindi vwonogonyia kivala, nihataveeyeho nelikuza liu mulumindi sihaveeye ho ninzira yindi yokokola mwima gwu kutakasa kivala hu mundu amali kwitirwa mba.

Luka 11:51

kutura ku liitwa lia Habili kuduuka ku likuza lia Zakaria wa viitira hagati huvwaali na havundu ahatakatifu. Yee ligali muvooleraa, likula yili lilakanyoole mageri ku vikolwa yivi.

Vikolwa 5:28

“Kwamwiganihiza vudinyu ligali mutigiza ku lieta liu mundu uyu mba; na kalunu, heenzi aga mukoli! Mulandizi amigizu ginyu mu Jerusalemi mwosi, na mwenya koleta kisaalia chilikuza liu mundu uyu ku kunyi!”

Vahebraina 11:4

Kigira lisuuvira, Habili yahaana ku Nyasaye kisiuviriru kilahi kuvita cha Kaini. Kuvitira mu lisuuvira yanyoora livugilirwa lia Nyasaye kuli mundu mulungi kigira Nyasaye mwene yavugilira vihaanwa vivie. Kuvitira mu lisuuvira lilie, Habili kali niyakuza, akikiri mwoyo.

Vahebraina 12:24

Mumali kuuza ku Yeso umuhambanyi wililagana lihia, kandi ku masahi guufa agasuuvirizaa vindu vilahi ligali kuvita masahi ga Habili.

Likunula 18:24

Babiloni lianyora amageri kigira amasahi gavaporofeti na vandu va Nyasaye, Yee, amasahi ga avandu viitangwa ku lirova, galoleka mu lidaala linene.