Matayo 22:16 - KITABU KITAKATIFU

¹⁶ Kunangwa, vaatuma kuye valala ku aviigi vaavo harara na avasangi vu muganda gwa Herodi. Vamuteeva, “Mwigizi, kumanyia ivi oveeye umundu wiligali, kandi wigiza uvulariri vwa Nyasaye mu agiligali. Ivi siutiizaa mundu woosi mba, kigira ovonene vwu mundu anoho iligondo si viveeye ikindu ku ivi mba.

Matayo 22:16 ပူးပေါင်းရင်းမြစ်များ

1 Avami 22:14

Navuzwa Mikaya yativura, “Ngwisuuhiraa ku Yahova oveeye mwoyo, ndi inzi ndavoora cha Yahova yambolera mbore.”

Zaburi 12:2

Vuli mundu avoora ovovehi ku wache, vagadana aveene naveene.

Zaburi 5:9

Avasigu vange si vavola agiligali mba. Zing'anagani ziavo ziveeye ziu kwononyia, amakuva gaavo gaveeye gu vugadi kandi madoto, navuzwa galetaa likuza ligali ku vandu.

Zaburi 55:21

Makuva gu munwa gwigwe gaali manulu ligali kuvita isiagi, navuzwa yaali ni livihiliriza mu mwoyo gwigwe. Amakuva geege gaali kuli amaterere gokodotiza, navuzwa gakalagaa kuli vivavi viugi.

Tsing'ano 29:5

Mundu ugadaa valina veve yetegeraa mutego mwene.

Malaki 2:6

Vigiza gaali amalungi, na vuzwa si vigiza gaali madamanu mba. Vamenya mu lihulirizana kandi mu mirembe na inzi. Si vaakora vuzwa gaali malungi kuvo vene mba, navuzwa vakonya kandi vandu vandi avanyingi vavuli kokora vudamanu.

Malaki 2:9

Ku lwayaga, mu vogono yivu ndakakole avandu va Isiraeli kumuchaya, kigira si mutiizaa lienya liange mba, lwa mwigizaa vandu vange, simuvavugula kuva kindu kilala mba.”

Matayo 22:24

“Mwigizi, Musa yavoola ndi, ‘Mundu naleta umukali maakuzi vugira koleka avana, gadukanaa amwavo weve yiranyie umukunzakali oyo umwandu, ma yivuliri amwavo weve avana.’

Matayo 22:26

Gaali ndio kandi ku amwavo wa kaviri uwa kavaga, kali kuduuka ku uwa saba.

Matayo 26:18

Yavativulira, “Muzie mu lidaala, munyumba yu mundu, ma mumuvolere, ‘Mwigizi avoora, ing'inga yange iduuki. Nyenya kokolera Lipasaka munyumba yooyo harara na aviigi vange.’ ”

Matayo 26:49

Yuda yazia kilungika ku Yeso namuvolera “Mirembe jive ku ivi, Mwigizi,” kandi yamuvusa.

Marko 10:17

Lwa Yeso yaatanga logendo lwilwe, umundu mulala yanyagula nasigama imbiri weve, ma na muteeva, “Mwigizi mulahi, ngola ndi nduuki konyoora livamwoyo litahera mba?”

Marko 12:13

Valala ku Vafarisayo na valala ku valondi va Herodi vaatumwa ku Yeso vamugerizi na mateeva.

Marko 12:14

Vazia kuye ni vamuvolera, “Mwigizi, kumanya ivi oveeye umundu wiligali vugira kodegerizwa na goosi ga vandu vavoola. Si ohenza ku vuduukiru vwu mundu mba, navuzwa wigiza agiligali ginzira ya Nyasaye. Ni vulahi kutunga uvusuru ku Kaisari, anoho kuvuli kutunga?”

Marko 3:6

Kunangwa, Avafarisayo vaatura ichova, nonoho, vavolerana harara na vandu avumuganda gwa Herodi valohizi kuli vaali vanyara kwita Yeso.

Marko 8:15

Yeso yavagerihiza navoora, “Mugerihi! Muhenze vulahi kigira amamera ga Vafarisayo na Herodi.”

Luka 20:21

Vamuteveleriza nivavoora, “Mwigizi, kumanyi vulahi ivi ovola kandi wigiza amakuva gaveeye guvulungi; kandi ivi si welizaa avandu kolondekana novonene vwavo mba. Navuzwa wigiza agiligali kolondekana nu vulaliri vwa Nyasaye ku Mundu.

Luka 7:40

Yeso yativura namuvolera, “ Simoni, mbeeye nilikuva liu kokovoolera.” Naye ya muvooleraa, “Mwigizi, mbolera.”

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Yohana 18:37

Kunangwa Pilato yamuvolera, “Maku ivi nu Mwami?” Yeso yativura, “Ivi mwene ovola inzi nu Mwami. Kigira yaga inzi ndivulwa; kandi kigira yaga ndaaza mu kivala kovoolera avandu agiligali. Vuli mundu wa agiligali ahuliraa umwoyo gwange.”

Yohana 7:18

Oyo wevoolera ku vunyali vwivwe mwene yeyenyera uvukumi vwivwe mwene; navuzwa uyu uwenyaa uvukumi vwa oyo wamutuma, aveeye wiligali, na muye siaveeye nuvugadi vwosi mba.

2 Vakorintho 2:17

Kunyi sikoveeye kuli avandu vandi vanyingi, avagulizaa likuva lia Nyasaye mba; navuzwa kigira Nyasaye, umali kutuma kunyi, kovora agiligali imbiri weve kuli avatumikiri va Kristo.

2 Vakorintho 4:2

Kuviki halovega vikolwa viu vwivisu kandi zisoni; sikogerizaa kugaada vandu mba, anoho sikovehizaa likuva lia Nyasaye mba. Mu giligali komenyi imbiri wa Nyasaye nikogerizaa kwiyizominya vene mu zing'anagani zia vuli mundu.

2 Vakorintho 5:16

Kutura kalunu, kunyi sikukalagiraa mundu woosi kolondekana ni liiva liu muviri mba. Kali niiva ing'inga yindi kwakalagira Kristo kolondekana ni liiva liu muviri mba. Kali niiva ing'inga yindi kwakalagira Kristo kolondekana ni liiva lia vandu kalunu sikokolaa ndio kandi mba.

Vagalatia 1:10

Muganaganaa ngerizaa koteeva vandu anoho Nyasaye kovora ndi agambooraa sigaveeye malungi? Anoho ngerizaa kuyaanziza avandu? Niiva ndakagerizi kuyaanziza avandu, si ndakaveeye mutumikiri wa Kristo mba.

Vagalatia 2:6

Navuzwa ku yavo avaloleka kuva vaveeye aviimiliri vanene hagati ha vandu avasuuviraa, mboraa yaga kigira ovonene vwavo sivoveeye ni kivuni ku inzi mba. Nyasaye siakalagaa ku lihenza ligondo lie chova liu mundu mba. Aviimiliri yavo, si vaali ni kindu chokomeda ku Ivangeri ya nzilwazaa yiyi mba.

Kwidzulitsa 33:9

Vamanyia uvusuuvirifu vonene ku ivi kuvita ku aviivuli vaavo, avamwavo, anaho avana vaavo vahulira malago googo Kandi vaali avasuuvirifu ku Lilagana liilio.

1 Vatesalonike 2:4

Navuzwa kuli wa Nyasaye yakuvugilira kokolwe avalindi vi Ivangeri yeeye, ku kovora ndio sikovoola kuyaanzizi avandu mba, navuzwa kuyaanzizi Nyasaye ugerizaa mioyo jietu.

Yakobo 3:17

Navuzwa ovogeri vuturaa igulu, voveeye vulahi mulitanga ku viosi; voveeye vwi mirembe kandi, vwovohocha, kandi vwu vulina; vwokoleeta avandi ahimbi, vwizuyi zimbavasi na kandi vwama amakuyu gi vikolwa vilahi; uvutaveeye ni lieriza kandi uvugadi.

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.