Matayo 21:31 - KITABU KITAKATIFU

³¹ Ku ni mwana ki ku vaviri yava wakola lienya lia baba weve?” Vaamutivulira, “Umwana wimbiri.” Kunangwa Yeso yavavolera, “Agiligali muvooleraa, avasololi vuvusuuru na avaheyi valingira mu Vwami vwa Nyasaye imbiri winyu.

Matayo 21:31 ပူးပေါင်းရင်းမြစ်များ

Ayubu 15:6

Amakuva ga ivi mwene ovola galakukalagira, siaveeye ninzi mba. Gu munwa gugwo govoora, galakukalagira, munwa gugwo mwene gukuyaalaa.

Ezekieli 33:11

Uvavoolere ndi ligali kuli inzi, Yahova Wuvunyali, mbeeye Nyasaye oveeye mwoyo, si sangala kolola mwoni nakuzaa mba. Ndakayanzi kolola naleki kokora vwoni kandi naveeye mwoyo. Avandu va Isiraeli, muleke uvudamanu vwamukolaa. Kigira ki mwenya kukuza?

Matayo 12:50

Ku vosi okolaa uvulariri vwa Baba wange oveeye mwigulu, uyu niyie amwavo wange kandi mbozo wange, kandi mama wange.”

Matayo 18:3

navoora, “Muvooleraa agiligali ndi, ni mutagirung'ana mugwi kuli avana vakekeeke, munyi simulingira ligali mu vwami vwu mwigulu mba.

Matayo 20:16

Yeso yamaliriza makuva geege ku livoora ndi, “Avaveeye avinyima valava avimbiri, navo avimbiri valava avinyima.”

Matayo 21:30

Mundu oyo yazia ku umwana weve winyima namuvolera malala meere kandi. Naye yamuvolera: ‘Yee baba, nziza,’ navuzwa siyaazia kuyinzira mba.

Matayo 5:18

Agiligali muvooleraa, kuduuka lwi ligulu ni lirova vilihera, induguta anoho kedonye kilala kekekeeke ligali chi induguta yi Lilaga, sivinyala ligali kogota, kuduuka lwa viosi vilitwekizwa.

Matayo 5:46

Kigira niiva mulayaanza yavo avamuyanzaa venyine, mulanyola madanyi ki? Kigira kali avasololi vuvusuuru, vakora ndio!

Matayo 6:5

“Lwa musaala, mutava kuli avagaadi, kigira yavo vayaanza kusaala nivasingiyi mu masinagogi kandi muvwavukaniru vwi zinzira kunangwa, avandu vavalore. Ligali muvooleraa, vamali konyoora amadanyi gaavo.

Matayo 7:21

“Si vaveeye vosi avamboleraa, ‘Mwami, Mwami,’ avalingira mu Vwami vwu mwigulu; navuzwa ni yavo avakolaa uvulariri vwa Baba wange oveeye mwigulu veng'ine.

Matayo 9:9

Yeso yatura ahene yaho; kandi lwa yaali navitaa, yalora mundu mulala ulangwa Matayo ni yikaye ha vasololeraa uvusuru. Yeso yamuvolera, “Nonda.” Nonoho Matayo yasingira naamulonda.

Luka 15:10

Kunangwa muvooleraa, nindio zingelosi va Nyasaye valisangala kigira kwiganira kwu mundu mwoni mulala.”

Luka 19:22

Mwami weve yamutivulira, ‘Ivi mutumikiri mudamanu ndatumikira makuva googo ivi mwene kukukalagira. Ivi wamanya inzi mbeeye mundu mululu, mbugura chandavula kuviika kandi ngesaa aha ndaavura kumiza?

Luka 7:29

Lwa avandu vosi, kali avasololi vuvusuuru vahulira amakuva ga Yeso; vavugilira ndi zinzira zia Nyasaye ziveeye zinungi, kigira vaali ni vabatiziywi na Yohana.

Yohana 3:3

Yeso yamutivulira, “Ngovolera agiligali, mundu navula kwivulwa vuhia, sianyala kolola Uvwami vwa Nyasaye mba.”

Yohana 3:5

Yeso yamutivulira, “Ngovolera agiligali, mundu natiivulwa liivulwa lia amazi ni lia Roho, sianyala kwingira mu Vwami vwa Nyasaye mba.

Vikolwa 17:30

Nyasaye yayivilira zing'inga ziavandu vavura, kumumanya, Navuzwa kalunu, alaangaa avandu vosi, havundu hoosi, viganiri.

Varumi 3:19

Kalunu kumanyi ndi goosi agi Lilaga livolaa, gaveeye ku yavo avamiihangwa ni Lilaga, kunangwa vavuli kuva ni kivuni chukwisayasayira ku, na vandu vosi vanyoore likalagirwa lia Nyasaye.

Varumi 5:20

Lilaga liaza liduuki komeeda vudamanu; navuzwa hu vwoni vwameedeka, zimbavasi zia Nyasaye ziamedeka ligali kuvita.

2 Petro 3:9

Mwami sialindagiraa kutwekiza lilagana lilie, kuli avandu vandi vaganagana. Navuzwa, aveeye umwikuziri ni munyi, kigira siyenya umundu kali mulala ku munyi adivizwi, navuzwa yenya vosi vaduuki ku lieganira.