Matayo 21:15 - KITABU KITAKATIFU

¹⁵ Avasaalisi vanene kandi Avigizi vi Lilaga vavihilirwa ligali lwa valora agokogenyia ga Yeso yakola, na avana ni vaahanzuka mu Litembeli ni vavoola: “Hosana ku Umwana wa Daudi.”

Matayo 21:15 ပူးပေါင်းရင်းမြစ်များ

Isaya 26:11

Avasigu vovo sivamanyi ndi ulakavahe mageri mba. O, Yahova, uvaviiki mu zisoni na oleke vasaliri. Leka vasaliri maduywa aga umali kuvetegekizira. Uvamanyie kuli uyanza avandu vovo.

Matayo 20:24

Lwa aviigi vandi avaari likomi vahulira yaga, vaavihilira avamwavo vaviri yavo.

Matayo 21:23

Yeso yingira kandi mu Litembeli ni yigiza. Lwa yaali ni yigizaa, avasaalisi vanene na vakulundu vamuteeva, “Okolaa ivindu yivi ku vunyali vwa vwaha? Nivwaha wakuha uvunyali yivu?”

Matayo 21:9

Kiduma cha avandu valala vaamwimilira na avandi nivamulonda inyima. Vataanga kuhanzuka nivavoora, “Hosana ku Umwana wa Daudi! Agasizwi uyu uzaa mu Iieta liu Mwami! Yizominywi Nyasaye oveeye yigulu mwigulu!”

Matayo 22:42

“Munyi muvooraa ki ku makuva ga Mesia? Aveeye wi kisukururwi cha vwaha?” Vaamutivulira, “Aveeye wi kisukururwi cha Daudi.”

Matayo 26:3

Maku avasaalisi vanene navakulundu vavugana harara ha mugizi gwinyumba yu Musaalisi Munene uwalangwa Kayafa,

Matayo 26:59

Avasaalisi vanene ni kiyaalo choosi venyeleriza amakuva go vovehi kugina Yeso, vaduuki ku mwita;

Matayo 27:1

Lwa vwacha, avasaalisi vanene na vakulundu vaakora kiyaalo ku Yeso nivalomba zing'anagani kuli vanyara kumwita.

Matayo 27:20

Navuzwa avasaalisi vanene na vakulundu vavoolera avandu vateeve Baraba avoholorwi, na Yeso yiitwi.

Matayo 9:27

Lwa Yeso yatura ahene yaho, avavoku vaviri vaamulonda ni valira vudinyu, ni vavoola, “Umwana wa Daudi, okovere zimbavasi!”

Marko 11:18

Lwa avasaalisi vanene na avigizi vi Lilaga va gahulira, vatanga kwenya inzira yu kumwita, navuzwa, vaamutia kigira ikiduma cha vandu vosi chagenya ku amingizu geege.

Luka 20:1

Lidiku lilala, lwa Yeso yaali ni yigizaa avandu mu Litembeli kandi niyilwaza Ivangeri, avasaalisi vanene, na avigizi vi Lilaga harara na vakulundu vaza kuye.

Luka 22:2

Avasaalisi vanene kandi avigizi vi Lilaga vaali nivagerizaa konyoora inzira yu kwiita Yeso muvwivisu, kigira vaatia avandu.

Luka 22:66

Lwa vwacha, avakulundu, avasaalisi vanene kandi avigizi vi Lilaga vavugana harara Yeso yaleetwa imbiri wi kiyaalo chavo kuyaalwa.

Yohana 11:57

Avasaalisi vanene na Avafarisayo vaali nivahaani malago ndi, niiva mundu amanyi havundu ha Yeso aveeye, avavoolere, kunangwa vaduuki kumugumira.

Yohana 12:19

Kunangwa, Avafarisayo vavolerana, “Muloraa? Sikunyala kokora kindu choosi mba. Heenzi kuli kivala choosi kimulondaa.”

Yohana 4:1

Avafarisayo vahulira ndi Yeso yanyoora kandi yabatizaa aviigi avanyingi kuvita Yohana.

Yohana 7:42

Amang'oda Matakatifu gavoora ndi? Sigavoola, Mesia alatula mukisukululwi cha Daudi, na alivulwa mu Bezelehemu, lidaala lia Daudi!”