Matayo 20:28 - KITABU KITAKATIFU

²⁸ kuli Umwana wa Adamu, siyaaza kutumikirwa, navuzwa kutumika nu kuhaana livamwoyo lilie kohonyia avandu vanyingi.”

Matayo 20:28 ပူးပေါင်းရင်းမြစ်များ

Ayubu 33:24

Mu livererera, engelosi zana alavoora, “Muvoholore! Sialazia musi mu kivala cha vakuzu mba. Ngugu hano mutungu gwu kumuvoholora.”

Zaburi 49:7

Mundu umwene sianyala kwitungira mba; sianyala kutunga Nyasaye uvuguli vwi livamwoyo lilie mba,

Isaya 53:5

Navuzwa yatumitwa kigira uvwoni vwitu. Yaasalirizwa kigira uvudamanu vwitu. Ku lihevwa mageri lilie, kunyi konyoole livamwoyo, ku likuywa lilie, kunyi kohoni.

Isaya 53:8

Yagumirwa nukukalagirwa nukuhirwa ukwitwa, na siali ho nuwahenda mwoyo ku agazizaa kwekoleka kuye mba. Yitwa kigira uvwoni vwitu.

Livalidza 7:15

kemoli kilala kigiriki, ligondi lilala limigu, ne kememe kilala kimigu chu muhiga mulala vive kuli vihaanwa viu kusambwa.

Matayo 20:27

kandi niiva mulala ku munyi yenya kuva mwimiliri hagati hinyu, kuduuka ave mutugwa winyu,

Matayo 26:28

yaga na masahi gange, agaveeye umuhuri gwi lilagana lia Nyasaye, agasundurwa kigira ilisamiifa liu uvwoni vwa vanyingi.

Matayo 8:20

Yeso yamutivulira, “Vivwi viveeye ni zimbangaywa, na amanyonyi gaveeye ni zinyumba ziago, navuzwa Umwana wa Adamu siaveeye na ahokososera mba.”

Marko 10:45

Kigira Mwana wa Adamu si yaza kutumikirwa, navuzwa kutumikira avandu nukuhaana ilivamwoyo lilie live umutungu gwa vandu avanyingi.”

Marko 14:24

Yeso yavavolera, “Yaga na masahi gange gi lilagana, agasunduliywi kigira avandu vanyingi.

Luka 22:27

Nivwaha oveeye munene, uyu wikaye komesa kulia viukulia anoho ni uyu umutumikiraa? Ni uyu wikala komesa kulia viukulia! Navuzwa, kali nigaveeye ndio inzi mbeeye hagati hinyu kuli uyu utumikaa.

Yohana 10:15

Kuli Baba amanya inzi, kandi ndio, inzi manya Baba kandi mbana livamwoyo liange kigira amagondi gange.

Varumi 4:25

Yahaanwa yiitwi kigira vwoni vwitu, kandi yasimugukizwa kunangwa kunyi kuduuki kokolwa avalungi imbiri wa Nyasaye.

2 Vakorintho 8:9

Munyi mumanya zimbavasi ziu Mwami wiitu Yeso Kristo. Kali niyaali mutugi, yekola kuva mudaka kigira munyi. Na kigira uvudaka vwivwe, munyi muduuki kuva avatugi.

Vagalatia 3:13

Kristo yakohonyia kutura mu kilaamo chi Lilaga lwa yagwa kilaamo kigira kunyi; kuli Mang'oda Matakatifu gavoora, “Mundu woosi usungwa ku musaala Nyasaye amulaami.”

Vafeso 1:7

Kuvitira mu masahi ga Kristo, kunyi konyooye livoholorwa, agaveeye kovora ndi, uvwoni vwitu vusamiihiywi. Nindio voveeye ovonene vwu vutugi vwi zimbavasi zia Nyasaye

Vafeso 5:2

Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Vahebraina 2:10

Vwali vulahi ndi, Nyasaye, umulombi numulindi wi vindu viosi, aduuki kokora Yeso kuva muduukiru ligali kuvitira muvusaliri, kunangwa aleete avana vanyingi kusanga mu vukumi vwivwe. Yeso niyie uvimiliraa kuduuka ku vohonyi.

Vahebraina 5:8

Kali niiva yaali Mwana wa Nyasaye, navuzwa yiiga kuhulira Nyasaye kuvitira mu vusaliri vwivwe.

Vahebraina 9:28

Mu liiva lilala liere Kristo kandi yahaanwa lulala kuva kisiuviriru kusamiiha uvwoni vwa vandu vanyingi. Ku ing'inga ya kaviri sialiloleka kusamiiha vwoni mba, navuzwa kohonyia yavo avamulindiliraa.

1 Petro 2:24

Mwene yaginga uvwoni vwitu mu muviri gwigwe ku musalaba, kunyi kuduuki kukuza ku uvwoni, kandi kove mwoyo ku vulungi. Kigira zingwagu zizie, munyi mwahonywa.

1 Petro 3:18

Kristo mwene yakuza lulala kigira uvwoni vwinyu naveeye umundu mulungi muvogono vwa voni, aduuki koleta munyi ku Nyasaye. Umuviri gwigwe gwitwa, navuzwa yakolwa mwoyo mu Roho,

1 Yohana 2:2

Kandi Kristo mwene aveeye kisiuviriru chu vwoni vwitu; kandi siaveeye ku vwoni vwitu kwenyine mba, navuzwa kandi nuvwoni vwa vumukivala vosi.

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege