Matayo 20:15 - KITABU KITAKATIFU

¹⁵ Sivoveeye vulahi inzi ngole kuli nyanza ku vindu viange? Anoho ongendekeraa kigira inzi mbeeye umuhaani mulahi?’ ”

Matayo 20:15 ပူးပေါင်းရင်းမြစ်များ

Kutwula 33:19

Yahova yamutivulira, “Ndavitiza uvulahi nuvukumi vwange imbiri woovo, ndalandiza lieta liange litakatifu. Inzi mbeeye Yahova. Ndava ni zimbavasi na uyu wanyenyaa koveera zimbavasi. Kandi ndava ni livererera ku uyu owanyenya koverererwa.

Tsing'ano 23:6

Utalia komesa yu mundu mwimani anoho utakayirwa chukulia kilahi chakoheye mba.

Tsing'ano 28:22

Mundu mwimani adidikanaa kunyoola uvutugi, navuzwa siamanyi ndi vudaka vulamunyoola mba.

Jeremia 18:6

“Mbeeye nuvunyari kokora kumunyi avandu va Isiraeli agumulongi yakola nilidohi? Munyi muveeye mumakono gange kuli lidohi liveeye mumakono gumulongi.

Matayo 11:25

Ing'inga yeyo Yeso yavoola, “Baba, Mwami wi ligulu kandi lirova! Ngusandizaa ligali kigira waavisa ivindu yivi ku avageri na avilimanya, na nuukunulira ivihanzahanza.

Matayo 20:14

Vugula mutungu gugwo uzie. Nyaanzi kuha winyima uyu kuli mbezaa ivi.

Matayo 6:23

Navuzwa emoni yooyo neveeye indamanu, muviri gugwo gwosi gulava mu kisundi. Kunangwa niiva uvulavu voveeye mu ivi nivoveeye kisundi, kisundi yicho ne kenene ligali kuvita.

Marko 7:22

okoheya, ukukayirwa, uvuviti kokora kifavi chi zing'ano ziosi; ovovehi, embodoka, kolegeriza, kugina kwelola harara nuvusiru

Yohana 17:2

Kigira waha Mwana woovo uvunyali ku avandu vosi aduuki kuhaana livamwoyo litahera mba ku yavo vosi vawamuha.

Vikolwa 13:45

Navuzwa Avayuda lwa valora viduma via avandu, vizura embodoka, nivahangaliza makuva ga Paolo yavoola, nivamunyega.

1 Vakorintho 4:7

Nivwaha wakokora kuva munene kuvita vandi? Siaveeye Nyasaye wakuha ivindu yivi viosi? Na niiva ivi waahevwa, kigira ki wigingira kuli kitaveeye kihanwa cha Nyasaye yakuha?

Vafeso 1:11

Vindu viosi vekolekaa kolondekana ni lilohiza lia Nyasaye kandi likalaga lilie Nyasaye yakotovola kove avandu veve umwene kuvitira mu Kristo kigira uvulariri vwivwe, kolondekana na aga yaali ni yakalaga kutura mulitanga.

Vafeso 2:1

Maziambiri munyi mwaali avakuzu mu Roho kigira lihiola kandi uvwoni vwinyu.

Vafeso 2:5

ndi lwa kwaali avakuzu mu Roho kigira mahiolo giitu, yakokola kove mwoyo harara na Kristo. Gaveeye ku zimbavasi zia Nyasaye ndi munyi muhonyiywi.

Kwidzulitsa 15:9

Mutasuula kumwegobiza kindu kigira muhiga gwa magovi gasamifwa goveeye ahimbi mba. Mutaleka zing'anagani zindamanu kuli yizi zingili mu zing'anagani zienyu mba. Niiva musuraa kumwegobiza, alalira ku Yahova kigira munyi, na munyi mulanyoleka ni lihiolo.

Kwidzulitsa 28:54

Kali mundu muhocha ligali kandi wi zimbavasi hagati hinyu sialivererera amwavo weve, anoho mukali wa yayaanzaa anoho avana veve vatigara mba.

Yakobo 1:18

Ku vulaliri vwivwe umwene, yakoleta mu livamwoyo kuvitira mu likuva lie ligali, kunangwa kuduuki kuva kuli amakuyu gu kutanga hagati hi ivilombe vivie.

Yakobo 5:9

Avaamitu vange, mutililira nokomonyana aveene ku vene, kunangwa Nyasaye avuli kumukalagira. Mukalagi aveeye ahimbi, yetegeki kwingira.