Matayo 2:11 - KITABU KITAKATIFU

¹¹ Vingira munyumba, ni valora umwana na Maria mama weve; na viinama imbiri weve ni vamusigamira. Vavoholora iziakiiba ziavo, ni vamuha vihaanwa viezahabu, ikimuli na manemane.

Matayo 2:11 ပူးပေါင်းရင်းမြစ်များ

Litanga 43:11

Baba wavo yavavolera, “Niiva nindio genyekaa gave, muvuguli viukulia vilahi kutura mukivala chiinyu ma muviiki mu misigo jiinyu muhiliri umundu oyo kuli kihanwa: Maguta gu mwayu makekeeke, vwuki, munyovo, manemane nizinzoli ziokulia.

1 Avami 10:10

Yaaha mwami Solomoni vihaanwa via yaali naleti, kuvita zikilo 4,000 zie zahabu kandi mudalasini munyingi ligali kandi na magina guvuguli. Mudalasini gwu mukali uyu yaaha Solomoni gwali umunene kuvita gwa yanyoora ing'inga yindi yoosi.

1 Avami 10:2

Yazia harara nu muganda munene gwa vatumikiri, kandi ni zing'amia nizigingi mudalasini mwayu, izahabu inyingi ligali kandi magina guvuguli vonene. Lwa Solomoni yagana, nu mukali oyo yamuteeva mateeva goosi ga yaali anyala kuganaganyia.

Zaburi 2:12

mudegere nukumwinamira gase uvutima vwivwe vulaaka, na munyi mukuzi vwangu. Vaveeye nuvugasu yavo vosi avanyagura kuye vanyoore likingwa.

Zaburi 45:8

Zinguvu zizio zifunyaa mwayu gwa manemane, wundi na kida. Aviimbi vakusangalizaa mu zinyumba ziuvwami, iziasiafa na miinu gi zinzogu.

Zaburi 72:10

Avami va Sipeini na vivisulu valamuha vihaanwa; avami va Sheba na Seba valamuleetera vihaanwa.

Zaburi 72:15

Mwami ahindiri ligali! Ahevwe izahabu kutura Sheba; avandu vamusaliri masaala zing'inga ziosi; uvugasu vwa Nyasaye vove kuye kazozo.

Zaburi 95:6

Hambi, gendi kumwinamiri kandi kumusigamiri; gendi kusigame imbiri wa Yahova mulombi wiitu.

Kutwula 30:23

“Uvuguli vindu vifunya mwayu mulahi, imanemane yamazi zikilo sita, zikilo zivaga ziumudalasini, zikilo zivaga zie indago enolu,

Kutwula 30:34

Yahova yavolera Musa, “Uvuguli vidonye vileng'ani kutura ku vitagwa vifunya mwayu yivi; isitakite, onicha, galibanumu, ni kimuli.

Lwimbu lwa Solomoni 3:6

Nivwaha uyu uzaa kutura mu changalangwi kuli itiiru yu mwoki, yayivaka maguta gu mwayu ga manemane kandi gi kimuli, galombwa kutura ku mudarasini gwa vakiranyi?

Isaya 60:6

Zing'amia zilaza mu vwingi kutura Midia kandi Efa. Zilaza kutura, Sheva valaleta izahabu kandi ni kimuli, kandi valavoora amakuva amalahi aga Yahova amali kuvakolera.

Kyavalevi 6:15

Musaalisi alavugula luhi lulala lwu vusie vunyuki vwi kihaana, na maguta, kandi kimuli choosi keveeye ku kihanwa chuvuswage, alakisambira ku vwali kuli kidieli chukwizuliza ndi choosi kihaaniywi ku Yahova. Lifunya lie kihanwa yiki lilayaanziza Yahova.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Livalidza 7:14

Vahaana kandi ibakuli indala yi zahabu yaali nu vulitu vwi ziguramu 110, ni yizuuyi kimuli kifunyaa mwayu

Livalidza 7:86

Vuli ibakuli yi zahabu ni yizuuyi kimuli kifunyaa mwayu yu vulitu ziguramu 110, kolondekana ni ligera lie Lihema Litakatifu. Zisahani ziosi zie zahabu 12, ziali nu vulitu kiloguramu 1.5.

Matayo 1:18

Liivulwa lia Yeso Kristo liali kuli ndi. Lwa Josefu yaali ni yakakwa Maria, mama wa Yeso, navuzwa nivakikiri kuva harara, kuli musaza nu mukali, yanyooleka naveeye ninda ya Roho Mutakatifu.

Matayo 12:46

Lwa Yeso yaali nakemoloma ku viduma, henza, mama weve na avamwavo veve vaza nivasingira ichova, ni venya kovolerana naye.

Matayo 14:33

Vosi avaari mu liato vaasigamira Yeso, ni vavoola, “Ligali ivi oveeye Umwana wa Nyasaye.”

Matayo 2:10

Lwa valora eng'ereng'ani yeyo, vasaangala nu vuyanzi vonene ligali.

Matayo 2:2

Na vateva, “Aveeye hayi, uyu umwana uwivuliiywi kuva mwami wa Vayuda? Kigira koololi eng'ereng'ani yeeye Ivugwi, na kuuzi kumusigamira.”

Luka 2:16

Maku vazia vwangu, nivanyoora Maria na Josefu, kandi nivalora akaana ni kagoni mu mulinga.

Luka 2:38

Ing'inga yene yeyo, yingira mu Litembeli nasandiza Nyasaye, navoora agu mwana oyo ku avandu vosi, avaari nivalindilira ovohonyi vwa Jerusalemi.

Yohana 19:39

Nikodemo uwaazia kolola Yeso vudiku ulwambiri, yazia harara na Josefu. Vavugura vindu viazuganywa manemane ni subiri ividuuka zikilo salasini.

Likunula 19:10

Ndaagwa hasi mamumama havirenge vivie, kumusigamira. Navuzwa, yambolera, “Utakola ndio mba! Inzi mbeeye vuzwa mutumikiri wacho, kandi uwavamwavo vovo, yavo vosi avagumira agiligali ga Yeso yalolekiza. Usigamiri Nyasaye!” Kigira agiligali ga Yeso yaavuula, nigo agadinyirizaa avaporofeti.

Likunula 5:8

Lwa yaali niyakavugula kitabu zana, ivilombe vine viveeye mwoyo, harara na vakulundu sirini na ine, vaagwa imbiri wu Mwana wi Ligondi. Sa mulala yaali nu vukana, ni vituva vie izahabu, ni vizuyi kimuli, viosi niviveeye lisaala lia vandu va Nyasaye.

1 Samweli 10:27

Navuzwa vandu valala avikivihiri vavoola, “Mundu uyu anyala kokokolera malahi ki?” Vachaaya Saolo kandi si vamuleetera ku kihanwa choosi mba. Navuzwa Saolo yakiring'ana.