Matayo 19:24 - KITABU KITAKATIFU

²⁴ Kandi muvooleraa, voveeye vodoto ligali ing'amia kuvitira mu muluhu gwi sindani, kuvita umutugi kwingira mu Vwami vwu mwigulu.”

Matayo 19:24 ပူးပေါင်းရင်းမြစ်များ

Jeremia 13:23

Umundu mumwamu anyala kugirung'anyia ligodo lilie anoho engo inyala kugirung'anyia vodondonye vwayo? Niiva vanyara, maku munyi avakola uvudamanu munyala kwiga kokora agaveeye amalungi.

Matayo 19:25

Lwa aviigi vahulira ndio, vagenya ligali, ni nivavoora, “Ku, nivwaha unyala kohonywa?”

Matayo 19:26

Navuzwa Yeso yavahenza navoora, “Ku vandu, likuva yili silinyalika mba, navuzwa ku Nyasaye, ivindu viosi vinyalikaa.”

Matayo 23:24

Aviimiliri vavoku munyi! Mulomba kichungiru kwigalira inji mu chu kunwa chiinyu, navuzwa mumiraa ing'amia!

Luka 18:25

Yee, voveeye vudinyu ligali kuvita mundu mutugi kwingira mu Vwami vwa Nyasaye, kuvita ing'amia kuvitira mu muluhu gwi isindani.

Yohana 3:3

Yeso yamutivulira, “Ngovolera agiligali, mundu navula kwivulwa vuhia, sianyala kolola Uvwami vwa Nyasaye mba.”

Yohana 3:5

Yeso yamutivulira, “Ngovolera agiligali, mundu natiivulwa liivulwa lia amazi ni lia Roho, sianyala kwingira mu Vwami vwa Nyasaye mba.

Yohana 5:44

Munyala ndi kusuuvira inzi lwa munyi muyanzaa konyoora vukumi kutura ku munyi aveene, na simwenya konyoora vukumi kutura ku uyu oveeye Nyasaye yeng'ine mba?