Matayo 19:21 - KITABU KITAKATIFU

²¹ Yeso yamuvolera, “Niwenya kuva umudukiru, zia ugulizi ivindu vivio viosi ohe avadaka, na ivi ulava nu utungi mwigulu, ma uzi ononde.”

Matayo 19:21 ပူးပေါင်းရင်းမြစ်များ

Litanga 17:1

Lwa Aburamu yaali ni mihiga 99, Yahova yaloleka kuye kandi navoora, “Inzi mbeeye Nyasaye Wuvunyali. Utie inzi kandi okole agaveeye malungi kazozo.

Litanga 6:9

Yaga namakura ga Nuhu. Nuhu yaali umundu mulungi, vugira imbara hagati ha avandu mu ing'inga yeeye, kandi yatia Nyasaye.

Ayubu 1:1

Yaali ho mundu mu kivala cha Uzi, uwalangwa Ayubu. Mundu uyu yaali vugira imbara kandi mulungi, mulala uwatia Nyasaye, nukweleha ku uvudamanu.

Zaburi 37:37

Henza ku mundu mulahi kandi mundu mulungi; mundu wi mirembe aveeye ni visukululwi.

Matayo 16:24

Hene yaho Yeso yavolera aviigi veve, “Mundu ku vosi ni yenya yanonde, gamudukira yigaye umwene, ma avuguli umusalaba gwigwe anonde.

Matayo 19:20

Musoleri oyo yamuvolera, “Agene yaga goosi ndaagumira kutura uvwana vwange; kalunu ngole ki ikindi?”

Matayo 19:22

Lwu musoleri oyo yahulira agene yaga, yazia na aveeye no vovereri vonene ligali, kigira yaali nu vutugi vunyingi.

Matayo 19:28

Yeso yavavolera, “Muvooleraa agiligali ndi, lwu Umwana wa Adamu alikala ku endeve yu vwami yu vukumi vwivwe mu Likula Lihia, hene yaho, munyi avalondi vange likomi na vaviri mulikala ku zindeve ziu vwami likomi na vaviri, ukwaamiiha izihiiri likomi na ziviri zia Isiraeli.

Matayo 4:19

Yavavolera, “Hambi munonde, ninzi nda mukora avaluvi va vandu.”

Matayo 5:48

Kunangwa gamudukira muve vadukanu, kuli Baba winyu wu mwigulu aveeye mudukanu.

Matayo 8:22

Yeso yamuvolera, “Nonda. Leka avakuzu vayaviri avakuzu vaavo aveene.”

Matayo 9:9

Yeso yatura ahene yaho; kandi lwa yaali navitaa, yalora mundu mulala ulangwa Matayo ni yikaye ha vasololeraa uvusuru. Yeso yamuvolera, “Nonda.” Nonoho Matayo yasingira naamulonda.

Marko 10:21

Yeso yamuhenza nu vuyanzi namuvolera, “Udaki vuzwa kindu kilala. Zia ugulizi viosi via oveeye navio na uhaane ku avadaka, na ivi ulava ni livikiru mwigulu; ma uzi ononde.”

Marko 2:14

Lwa yaali navitaa, yalora Levi, muyaayi wa Alufayo, niyikaye munyumba ya vasololeraa mu uvusuru. Yeso yamuvolera, “Nonda!” Nonoho Levi yasingira naamulonda.

Marko 8:34

Yalanga ikiduma cha vandu na aviigi veve, navavoolera, “Mundu ku vosi uwenyaa kononda, yigaye umwene ma agingi musalaba gwigwe ma yanonde.

Luka 12:33

Mugulize vindu vienyu viosi, muhaane ku avadaka. Mwelombere zimuya zitakunguhaa mba, muve nilivikiru mwigulu ahu mwivi ataduuka, anoho ahizisere zitononyia mba.

Luka 14:33

Kunangwa, mundu woosi uvula koleka vindu viaveeye navio viosi, sianyala kuva mulondi wange mba.

Luka 16:9

Yeso yaazizagilira kovora, “Kandi ndio inzi muvooleraa, mwelombere avalina na avandu munzira yu uvugadi nu uvutugi vwilirova liu vwoni yili kunangwa lwa vuva nivufeye, munyi muduuki kwingira mu vomenyo vutaveeye nekeheri, mwigulu.

Luka 18:22

Lwa Yeso yahulira yaga, yamuvolera, “Wenyekaa okole kindu kilala kandi. Gulizaa viosi via oveeye navio, ugavuliri avadaka, na ulava nilivikiru liilio mwigulu; maku, uzi ononde.”

Luka 5:27

Inyima wayaga Yeso yatura ichova nalora musololi wu vusuuru uwalangwa Levi niyikaye mu ofisi. Yeso yamuvolera, “Nonda”

Luka 6:40

Musomi siavitaa mwigizi weve mba, navuzwa musomi woosi niyakamara kwigizwa alava kuli mwigizi weve.

Luka 9:23

Yavolera avandu vosi, “Niiva mundu woosi yenya kononda, gamudukira yigaye, kandi avuguli musalaba gwigwe yanonde kazozo.

Yohana 10:27

Amagondi gange gahulira mwoyo gwange; inzi ngamanyi, nago ganondaa.

Yohana 12:26

Uyu wenyaa kundumikira gamuduukira anonde, kandi hoosi ha mbeeye, niho hu mutumikiri wange ava, kandi mundu ku vosi undumikira, Baba wange alamuha uvukumi.

Vikolwa 2:45

Vaguliza uvutugi vwavo ni vindu viavo ni vagavulana mabese vosi, samulala kuli yenya.

Vahebraina 10:34

Mwasanga mu likindukizwa harara na yavo avaari mu vuhambe, kandi mwa vugilira kunuurwa vindu vienyu, kigira mu manya vulahi ndi munyi aveene muveeye ni vindu vilahi ligali kuvita, navio ni vitahera mba.