Matayo 18:35 - KITABU KITAKATIFU

³⁵ Yeso yamaliriza kovora, “Baba wange wu mwigulu alakola malala meere ku munyi niiva simulasamiiha avamwavo vinyu mugati mwi mioyo jinyu.”

Matayo 18:35 ပူးပေါင်းရင်းမြစ်များ

Tsing'ano 21:13

Nusuula kuhuliriza kulianira liumundu mudaka, lianira liilio kwenya ovokonyi sililahulirizwa mba.

Tsing'ano 21:2

Unyala kuganagana ndi kindu choosi chokolaa keveeye kilungi, navuzwa wizulizi ndi Yahova yamanya gaveeye mu mioyo jietu kandi nu mukalagi wilienya liilio.

Jeremia 3:10

Inyima wivindu yivi, Yuda amwavo utaveeye musuuvirifu, wa Isiraeli yagada vuzwayirani ku inzi; siyaali nagiligali mba. Inzi Yahova mali kovora.”

Zekaria 7:12

kandi vaakora mioyo jaavo kuva midinyu kuli lwanda. Ndaali nu vutima ligali kigira sivali vanyara kuhulira miigizu gandatuma kuvitira mu vaporofeti vaali ho kale mba.

Matayo 18:34

Maku umwami yavihilirwa ligali, naamuhira muvuhambe kuduuka atungi iligovi lilie liosi.”

Matayo 6:12

Ukusamihi uvwoni vwitu, kuli kunyi kusamiiha avakwoneraa.

Marko 11:25

Lwa musaala, musamiihi umundu woosi uva niyaamukolera uvudamanu, kunangwa Baba winyu oveeye mwigulu aduuki kumusamiiha uvwoni vwinyu.” [

Marko 11:26

Navuzwa munyi ni mutasamiiha avandu, Baba winyu oveeye mwigulu, si alasamiiha uvwoni vwinyu mba.]

Luka 16:15

Navuzwa Yeso yavavolera, “Munyi muveeye yavo aveekolaa aveene kuva avalungi imbiri wa avandu, navuzwa Nyasaye yamanya mioyo jinyu. Kindu cha avandu vizominyaa kuva chuluyali ligali, imbiri wa Nyasaye kelolekaa kuva chukuvihiliriza ligali.

Yakobo 2:13

Nyasaye sialimanyia livererera lwa alikalagira umundu uyu uwavula kuva ni zimbavasi; navuzwa zimbavasi ziveeye ni liguuta ku likalaga.

Yakobo 3:14

Navuzwa ni muva ni muveeye nembodoka, uvululu, uvwimani ni likayirwa mu mioyo jinyu, mutakola uvwoni ku agiligali ku liekonya kigira ovogeri kandi mutaveha ovovehi ku agiligali mba.

Yakobo 4:8

Mwisuundi ahimbi ku Nyasaye naye alisuunda ahimbi ku munyi. Mwiganili munyi avoni; mutakase mioyo jinyu, munyi avagadaa.

Likunula 2:23

Nainzi ndiita valondi veve, kandi amakanisa goosi galamanya ndi ndaamanya zing'anagani zia vuli mundu harara ni lienya lilie. Ndatunga vuli mulala winyu kolondekana ni likora liayaakola.