Matayo 18:15 - KITABU KITAKATIFU

¹⁵ “Amwavo woovo nakwonera, zia kuye umumanyie uvwoni vwivwe. Navuzwa gakoleke vuzwa mu vwivisu hagati hinyu. Niiva mulahuliriza umali kwilanyia amwavo woovo.

Matayo 18:15 ပူးပေါင်းရင်းမြစ်များ

Zaburi 141:5

Mundu mulahi alahaana amageri ku inzi kandi alang'ondokera mu vulahi, navuzwa si ndavugilira uluyali kutura ku vandu vadamanu mba, kigira inzi saalaa kazozo ku vikolwa viavo vidamanu.

Tsing'ano 11:30

Uvulungi vuhaana livamwoyo, navuzwa kilage kitulizaho livamwoyo.

Kyavalevi 19:17

“Mutadunyiri avamwavo vinyu mumwoyo mba, navuzwa mugaye havulavu kunangwa muvuli kokora uvwoni kigira oyo.

Matayo 18:14

Kandi nindio, Baba winyu oveeye mwigulu siavugiliraa mulala ku vakekeeke yava agote mba.

Matayo 18:21

Petero yaza ku Yeso, namuteeva, “Mwami, amwavo wange nanzonela ndamusamiiha haali kanga? Haali saba?”

Matayo 18:35

Yeso yamaliriza kovora, “Baba wange wu mwigulu alakola malala meere ku munyi niiva simulasamiiha avamwavo vinyu mugati mwi mioyo jinyu.”

Varumi 12:21

Mutaleka uvudamanu vumuguuti mba, navuzwa muguuti uvudamanu mu likora vulahi.

1 Vakorintho 8:12

Navuzwa niiva wonera avamwavo vovo niwononyia zing'anagani ziavo lwa ziveeye zindedekere, wonera Kristo kandi.

2 Vakorintho 7:12

Kunangwa, lwa ndaamung'odera ibarwa yeyo, siyaali kigira oyo woona, anoho kigira oyo wonerwa mba. Mu vwiyangu yivwo ndamug'odera kunangwa gaduuki koloeka havulavu, imbiri wa Nyasaye ndi munyi muveeye nu vwihaani kigira kunyi.

Vagalatia 6:1

Avaamitu vange, niiva mundu woosi yanyooleki nakora vwoni munyi avaveeye mu Roho gavadukiraa mumukonye vulungi mu vohoma. Navuzwa mwilindi aveene gase na munyi mulagerizwa kandi.

Vakolosai 3:13

Mwikuzirane aveene naveene, na niiva mulala aveeye ni likuva liu kwililira ku uwache, vasamiihane, kuli Mwami yamusamiiha.

1 Vatesalonike 4:6

Mu makuva yaga, mundu atakolera Mukristayo wache uvudamanu. Umwami mwene alavaanza kisaalia ku yavo avakolaa vindu yivi viosi; kuli kwamuvolera, kandi ku mwiganihizaa nizinguru.

2 Vatesalonike 3:15

Navuzwa mutamuvugula kuva umusigu mba, navuzwa mu mwiganihizi kuli aveeye mulala ku vandu vasuuvira.

Tito 3:10

Vandu valeta liavukana, uviganihizi lwu kutanga nulwakaviri, ma olekane navo ligali.

1 Petro 3:1

Avakali, mwegehizi ku vasaazavinyu kunangwa, niiva mulala kuvo siyasuura, likuva lia Nyasaye, miima jinyu milahi jilamukola asuuviri,