Matayo 14:33 - KITABU KITAKATIFU

³³ Vosi avaari mu liato vaasigamira Yeso, ni vavoola, “Ligali ivi oveeye Umwana wa Nyasaye.”

Matayo 14:33 ပူးပေါင်းရင်းမြစ်များ

Zaburi 2:7

Mwami avoora, “Ndalandiza aga Yahova Nyasaye Wuvunyali yambolera, ‘Ive oveeye mwana wange muyaayi; kalunu inzi mali kugwa baba woovo.

Danyeli 3:25

“Navuzwa kigira ki ndolaa vandu vane vagendagenda mu muliru? Si vavoheywe mba, kandi si vaveeye ku ne kelolero chu kumanyia ndi vasaliriziywi mba. Mundu wa kane, alolekaa kuli engelosi.”

Matayo 14:32

Lwa vombi vanina mu liato, imbuza yakiring'ana.

Matayo 15:25

Navuzwa mukali oyo yaza nasigama imbiri weve, navoora, “Mwami, ongonye!”

Matayo 16:16

Simoni Petero yativura, “Ivi oveeye Mesia Umwana wa Nyasaye oveeye mwoyo.”

Matayo 17:5

Lwa yaali nakemoloma, ililesi lilavu liavakunika, nu umwoyo gwahulirika kutura mu lilesi zana ni govoora, “ Uyu nu Umwana wange wandayanza, mumuhuliri.”

Matayo 2:11

Vingira munyumba, ni valora umwana na Maria mama weve; na viinama imbiri weve ni vamusigamira. Vavoholora iziakiiba ziavo, ni vamuha vihaanwa viezahabu, ikimuli na manemane.

Matayo 26:63

Navuzwa Yeso yakiring'ana. Musaalisi Munene yamuvolera, “Ngwisuuhiza mu lieta lia Nyasaye oveeye mwoyo, okovolere niiva ivi niyie Mesia, Umwana wa Nyasaye.”

Matayo 27:43

Yasuuvira Nyasaye navoora, aveeye Umwana weve; kalunu leki kolole niiva Nyasaye yenya kumuhonyia.”

Matayo 27:54

Lwu munene wa vasikari, harara na vasikari avalindaa Yeso valora ilidegera lie lirova ni vindu viosi viekoleka, vaatia ligali ni vavoola, “Ligali umundu uyu yaali Umwana wa Nyasaye.”

Matayo 28:17

Lwa vamulola vaamusigamira kali niiva avalala kuvo vahayahayiza.

Matayo 28:9

Lwa vaali nivazizaa kovoolera aviigi veve, nonoho Yeso mwene yagana navo navacheliza; “Mirembe ku munyi.” Vakali yavo vazia kuye, ni vagumira ku virenge vivie, kandi vaamusigamira.

Matayo 4:3

Maku, Setani yaza kuye, namuvolera, “Ivi nuuva noveeye Umwana wa Nyasaye, laga amagina yaga gagwi uvuchima.”

Marko 1:1

Yaga na makuva malahi ga Yeso Kristo, Mwana wa Nyasaye.

Marko 14:61

Navuzwa Yeso yakiring'ana kandi siyaativula likuva liosi kali lilala mba. Musaalisi Munene yamuteeva, “Ivi niyie Mesia, Mwana wa Nyasaye Wuvugasu?”

Marko 15:39

Munene wa vasikari uwaali nasingiyi imbiri weve yalora kuli Yeso yalira ma nakuza, yavoola, “Agiligali umundu uyu yaali Mwana wa Nyasaye!”

Luka 24:52

Vaamusigamira ma nivirana Jerusalemi, nivizuuyi uvusangari vonene;

Luka 4:41

Mademoni gaturaa kuvandu vanyingi nigahanzuka, nigavoora, “lvi oveeye Mwana wa Nyasaye!” Navuzwa Yeso yagagondokera, siyagavugilira gamolome mba, kigira gaamanya aveeye Kristo.

Luka 8:28

Lwa yalora Yeso, yahanzuka nu mwoyo munene, naagwa havirenge, imbiri weve, navoora, “Mbeeye naki niivi, Yeso, Mwana wa Nyasaye, oveeye igulu ligali? Ngogonya, utangubiza kivi mba.”

Yohana 1:49

Nazanieli yamutivulira, “Mwigizi, ivi niyie Mwana wa Nyasaye! Ivi oveeye Mwami wa Isiraeli!”

Yohana 11:27

Marita yamuvolera, “Yee Mwami! Inzi suuviraa ndi ivi niyie Mesia, Mwana wa Nyasaye, uzaa mu kivala.”

Yohana 17:1

Lwa Yeso yaali ni yakamala kovora yaga, yahenza mwigulu navoora, “Baba, ing'inga iduuki! Ukuminyi Mwana woovo kunangwa Mwana aduuki kukukuminya ivi.

Yohana 19:7

Avayuda vaamutivulira, “Kunyi koveeye ni Lilaga, na kolondekana ni Lilaga yili, gaduukanaa akuze, kigira yekolaa mwene kuva Mwana wa Nyasaye.”

Yohana 6:69

Kunyi kwasuuvira, kandi kwamanya ndi ivi niyie Mutakatifu wa Nyasaye.”

Vikolwa 8:36

Lwa vaali ni vakizizagilira no logendo, vaduuka havundu ha amazi gaali. Kiziri oyo yavoola, “Henza amazi ngaga yaaha, ni kindu ki ikinzigalira mburi kubatizwa?” [

Varumi 1:4

ku liiva liu vutakatifu vwu vunyasaye vwivwe, Yeso Kristo yalolekizwa ni zinguru zinene kuva Mwana wa Nyasaye kulwo kusimugukizwa kutura mu vakuzu.