Matayo 13:46 - KITABU KITAKATIFU

⁴⁶ Naye lwa yamala konyoora ilulu ndala yu vuguli vonene, yazia kuguliza viosi via yaali navio nagigula.

Matayo 13:46 ပူးပေါင်းရင်းမြစ်များ

Tsing'ano 2:4

Uvwenyelerizi vudinyu kuli wenyaa ifeza anaho vutugi vwaviswa.

Isaya 33:6

na alahaana mirembe ku ihiiri. Yahova akingaa avandu veve kazozo, kandi avaheezaa ovogeri ni limanya. Livikiru liavo linene kuvita liveeye liitia Yahova.

Matayo 13:44

“Uvwami vwu mwigulu voveeye kuli livikiru liaviswa mu mulimi. Mundu mulala yalinyoola naalivisa kandi. Yayanza ligali kuduuka nazia kuguliza viosi via yaali navio naagula mulimi yigwo.

Matayo 13:45

“Uvwami vwu mwigulu voveeye kuli mukoli wi viasara uwenyaa zilulu zindahi.

Matayo 13:47

“Kandi, Uvwami vwu mwigulu voveeye kuli muluvu guvikwaa munyanza, magugumira zisuzi zie zing'ano ziosi.

Vikolwa 20:24

Navuzwa livamwoyo liange sindivalizaa kuva kindu ku inzi mba, nitali nduuki kuduukiza uvutumiki vwange, nu kumala miyinzi ju Mwami Yeso yamba kujikola, ijiveeye kulandiza Ivangeri yi zimbavasi zia Nyasaye.

Vagalatia 6:14

Navuzwa, kulwa inzi, ndekonya vuzwa mwene kigira musalaba gwu Mwami wiitu Yeso Kristo. Kuvitira ku musalaba, vindu vie lirova viakuza kandi inzi ndaakuza kuvindu vie lirova.

Vafeso 3:8

Kali nimbeeye mukekeeke ligali ku vandu va Nyasaye vosi, Nyasaye yamba zimbavasi zizie yizi, nduuki kwilwaazira vandu vizihiiri kigira uvutugi vwokogenyia vwa Kristo uvutanyala kwenyelerizwa;

Vakolosai 2:3

Kristo niyie uvula ovogeri vwosi kandi limanya lia Nyasaye.

Likunula 18:12

Sihaveeyeho nu mundu ugula ivindu vie zahabu, ni viefeza, nivia magina malahi guvuguli mba. Ivindu viavo vie zinguvu zie katani indahi, ni vie zinguvu zinzesereru, ni vie zinzakanyu, kandi ivindu viavazwa vie misaala josi jifunya umwayu kandi iviju viosi vialombwa ku amiinu gi zinzogu, kandi iviju viosi nu musaala mulahi gwu vuguli ligali, ni viumugasa, ni viekivia, ni viamarimari,

Likunula 21:21

Ivirivwa likomi na viviri viali izilulu likomi na ziviri; vuli kirivwa chalombwa ku ilulu ndala. Kandi inzira yi lidaala yaali izahabu enzere, yaali eng'ereng'anu kuli igilasi.