Matayo 13:35 - KITABU KITAKATIFU

³⁵ Yakola yaga aduuki kutwekiza agu muporofeti yavoola, “Ndatumikira zing'ano ulwa inzi moloma kuvo; Ndavavolera ivindu vitamanyikani kutura lwi lirova lialombwa.”

Matayo 13:35 ပူးပေါင်းရင်းမြစ်များ

Zaburi 49:4

Ndategiza ugutu gwange ukuhuliriza zing'ano, kandi ndivaala vivuni viazio lwa ngubaa uvukana.

Zaburi 78:2

Nziza kutumikira zing'ano zio vogeri ukwivaala agaviswa kutura ing'inga ya kale;

Isaya 42:9

Vindu viandavula vimali kololeka kalunu kuva agiligali. Kalunu ndamuvolera vindu vigeni vizizaa kokoleka kali imbiri wa vikikiri kwekoleka.”

Amosi 3:7

Ligali Yahova Nyasaye sialakola kindu vugira kuvulira avatumwa, avaporofeti veve agaviswa.

Matayo 13:14

Kuvo gadukizwi kuva agu muporofeti Isaya yavoola: ‘Lihulira mulahulira, navuzwa si mulamanya ligali mba; lihenza mulahenza, navuzwa si mulalora mba,

Matayo 13:3

Yeso yavavolera amakuva amanyingi mu zing'ano. “Lidiku lilala, yaali ho umumizi mulala uwatula kuzia kumiza uvuguza.

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Matayo 5:2

na yaatanga ku vigiza, navoora:

Luka 10:14

Navuzwa vulakave vulahi ligali ku Tiro na Sidoni ku Lidiku lie Likalaga ukuvita munyi.

Yohana 17:24

“Baba! Nyenya, yava avu wamba vave harara nainzi ahambeeye, ku valore uvukumi vwange vwa wamba; ku lwukuva wanyanza imbiri wi kivala kikiri kolombwa.

Vikolwa 15:18

Nindio Mwami, uwakola vindu yivi vimanyikane kutura kale, avoora ndio.’

1 Vakorintho 2:7

Vogeri vwa nzilwazaa voveeye vwa agaviswa ga Nyasaye, ovogeri vwaviswa ku vandu navuzwa vwa Nyasaye yatovola kigira uvukumi vwitu kali lirova ni likikiri kolombwa.

Vafeso 3:5

Zing'inga ziavita, mundu siyavoolerwa amakuva gaviswa yaga mba, navuzwa Nyasaye umali kugavura kalunu ku Roho ku avatumwa na vaporofeti veve vatakatifu.

Vafeso 3:9

Kandi ngole avandu vosi vaduuki kolola kuli lilohiza lia agaviswa ga Nyasaye liduukizwa. Nyasaye, oveeye mulombi wi vindu viosi yaavisa imbisu kutura kale,

Vahebraina 1:1

Mu zing'inga zia kale, Nyasaye yavolerana na vaguuga viitu haali kanyingi muliiva lugano lugano kuvitira mu vaporofeti.

Likunula 13:8

Avandu vosi avamenyaa mu lirova valakisigamira, nivatali avamita gaavo gang'odwa mu kitabu chi livamwoyo chu Mwana wi Ligondi witwa; kutura lirova nilikikiri kolombwa.

Likunula 17:8

Iking'ang'a cha walola kila chaali mwoyo maziambiri, navuzwa sikeveeye mwoyo kalunu mba. Kandi keveeye ahimbi kutura mu gehena, navuzwa kiladuuka mu lidivizwa. Avandu vamenya ku lirova, ava amita gaavo gatang'odwa mu kitabu chi livamwoyo, lirova nilikikiri kolombwa, valagenya muno ulwa valora king'ang'a yicho chaali mwoyo lulala ulwimbiri na kalunu sikeveeye mwoyo mba. Navuzwa kilaloleka kandi.